روزگار میلہ نوجوانوں کے لئے روزگار کے مواقع پیدا کرنے کو اعلیٰ ترجیح  دینے کے حکومت کے دعوے کی تکمیل کی جانب ایک قدم ہے۔

روزگار میلہ پروگرام ملک بھر میں منعقد کئے جاتےہیں اور نئے بھرتی کئے گئے افراد کو مختلف مرکزی وزارتوں ؍  محکموں ؍ مرکزی حکومت کے اداروں (سی پی ایس یوز) خود مختار اداروں میں شامل کیا جاتا ہے۔

ریاستی سطح پر منعقد کئے جانے والے روزگار میلوں اور ان سے متعلق خصوصی اقدامات کی تفصیلات متعلقہ ریاستی حکومتوں کے ریکارڈ میں رہتی ہیں۔

ملک میں روزگار کے مواقع اور نوجوانوں کو حصول روزگار کا اہل بنانا مرکزی حکومت کی اعلیٰ ترجیح ہے۔ اس کے تحت حکومت  ہند نے آتم نربھر بھارت پیکیج کا اعلان کیا تاکہ کاروباری مواقع اور روزگار کے مواقع بڑھائے جا سکیں۔ اس پیکیج کے علاوہ روزگار پیدا کرنے اور ملک میں خود روزگار کو فروغ دینے کے لئے متعدد اسکیموں کا آغاز کیا گیا ہے۔ ان میں آتم نربھر بھارت روزگار یوجنا، پیداوار سے منسلک رعایتوں کی اسکیم ، پی ایم گتی شکتی، پردھان منتری مدرا یوجنا اور خوانچہ فروشوں کے لئے پردھان منتری آتم نربھر ندھی ( پی ایم سواندھی اسکیم ) شامل ہیں۔

ان اقدامات کے علاوہ حکومت کے متعدد اہم پروگرام زیر عمل ہیں، جن میں میک ان انڈیا، اسٹارٹ اپ انڈیا، اسٹینڈ اپ انڈیا، ڈیجیٹل انڈیا، اسمارٹ سٹی مشن وغیرہ قابل ذکر ہیں۔

یہ اطلاع  سائنس اور ٹیکنالوجی مرکزی وزیر مملکت (آزادانہ چارج) ، وزیر اعظم کے دفتر میں  وزیر مملکت، عملے ، عوامی شکایات،پنشن اور ایٹمی توانائی اور خلاء کے وزیر مملکت ڈاکٹر جتیندر سنگھ نے آج لوک سبھا میں ایک تحریری جواب میں دی۔

***

ش ح۔ ع س۔ ک ا

(Release ID: 1988936) Visitor Counter : 95