بھومی راشی پورٹل کا مقصد ہندوستان میں شاہراہوں کے بنیادی ڈھانچے کی ترقی کے منصوبوں کو تیز کرنے اور حصول اراضی کے معاوضے کی ادائیگی کے لیے زمین کے حصول کی اطلاعات کو آن لائن پراسیس کرنے کے لیے ایک سنگل پوائنٹ پلیٹ فارم فراہم کرنا ہے۔ یکم اپریل 2018 سے تمام زمین کے حصول (ایل اے)  کی تجاویز پر کارروائی کرنے کے لیے پورٹل کو لازمی قرار دیا گیا ہے۔

حصول اراضی کے تمام نوٹیفکیشن، ریاستی حکومت کے متعلقہ ریونیو آفیسر کے ذریعہ آن لائن جمع کیے جاتے ہیں، جسے مجاز اتھارٹی برائے حصول اراضی (سی اے ایل اے) کے طور پر نامزد کیا جاتا ہے اور سڑک ٹرانسپورٹ اور شاہراہوں کی وزارت کی منظوری کے بعد، انہیں ای-گزٹ  کے  ذریعے گورنمنٹ آف انڈیا پریس کو آن لائن بھیجا جاتا ہے۔ زمین کے حصول کا معاوضہ بھی بھومی راشی پورٹل کے ذریعے ادا کیا جا رہا ہے۔ اس پورٹل نے نوٹیفیکیشن کی اشاعت کے لیے وقت کی مدت میں نمایاں کمی کی ہے اور پورے عمل میں کارکردگی کے ساتھ ساتھ شفافیت بھی لائی ہے۔

اب تک نیشنل ہائی ویز اتھارٹی آف انڈیا (این ایچ اے آئی) کے 1467 پروجیکٹوں کو بھومی راشی پورٹل کے تحت لایا گیا ہے۔ ان پروجیکٹس کی تفصیلات https://profitrashi.gov.in/auth/revamp/search_proj.cshtml  پر دستیاب ہیں۔

یہ جانکاری سڑک ٹرانسپورٹ اورقومی شاہراہوں کے مرکزی وزیر جناب نتن گڈکری نے آج راجیہ سبھا میں ایک تحریری جواب میں دی۔

*********

ش ح۔ ع ح ۔ م ص

U.NO.2718