شمال مشرقی خطے کی ترقی کے وزیر مملکت جناب بی ایل ورما نے آج لوک سبھا میں ایک سوال کے تحریری جواب میں بتایا کہ  شمال مشرق خصوصی بنیادی ڈھانچے کی ترقی کی اسکیم (این ای ایس آئی ڈی ایس)کے تحت شمال مشرقی خطے کی ترقی کی وزارت میگھالیہ سمیت شمال مشرقی خطے میں بنیادی ڈھانچے کے کئی پروجیکٹوں کے لیے مدد فراہم کرارہی ہے۔یہ وزارت سال 18-2017سے ہی این ای ایس آئی ڈی ایس نافذ کررہی ہے۔اس اسکیم کو دو حصوں ، یعنی این ای ایس آئی ڈی ایس(سڑک)اور این ای ایس آئی ڈی ایس(سڑک کے بنیادی ڈھانچے کو چھوڑ کر یا اختصاراً او ٹی آر آئی)میں تقسیم کیا گیا ہے۔ این ای ایس آئی ڈی ایس(سڑک)کے تحت وزارت نے میگھالیہ کے لیے سال 23-2022کے دوران  دو پروجیکٹوں(i)شیلانگ سٹی سے اُمروئی  ایئرپورٹ تک سڑک اور (ii) اگیا میدھی پارا پھلباری تُرا روڈ کو منظوری دی ہے، جن کی کل لاگت 87.65کروڑ روپے ہے۔ این ای ایس آئی ڈی ایس(او ٹی آر آئی)کے تحت وزارت نے مالی سال 24-2023کے دوران میگھالیہ ریاست کے لیے ایک پروجیکٹ ، یعنی تُرا قصبے سے منسلک  دیہی  گاؤں کے لیے بلک واٹر سپلائی کو منظوری دی ہے، جس کی لاگت 97.77کروڑ روپے ہے۔

************

 

ش ح۔ا گ۔ن ع

U. No.2578

(Release ID: 1987704) Visitor Counter : 87