ایک غیر معمولی طبی کامیابی میں، دہلی کینٹ میں آرمی ہسپتال آر اینڈ آر کے شعبہ ہیماٹولوجی اورا سٹیم سیل ٹرانسپلانٹیشن کے ڈاکٹروں نے پہلی بار کامیابی سے زندگی بچانے والا بون میرو ٹرانسپلانٹ (عام طور پر بی ایم ٹی کے نام سے جانا جاتا ہے) ایک ایسے بچے کے لیے کیا ہے جس کی تشخیص ایک نایاب بنیادی امیونو ڈیفیسینسی ڈس آرڈر  کے طور پر ہوئی تھی ۔ ماسٹر سوشانت پاؤڈیل پر کئے گئے اس اہم تجربے نے ایسے ہی چیلنجوں کا سامنا کرنے والے بچوں اور خاندانوں کے لیے امید کے نئے دروازے کھول دیے ہیں۔

            سپاہی پردیپ پاؤڈیل کے 7 سالہ بیٹے، سوشانت کو ایک سال کی عمر میں اے آر پی سی 1 بی ، امیونو ڈیفیسنسی کی ایک بہت ہی نایاب شکل کی تشخیص ہوئی، یہ  ایک ایسی حالت جس نے اس کے مدافعتی نظام پر شدید سمجھوتہ کیا جس کی وجہ سے وہ بار بار جان لیوا انفیکشن اور دیگر پیچیدگیوں کا شکار ہو ا۔ مریض کو چھ ماہ قبل آرمی ہسپتال (آر اینڈ آر) ریفر کیا گیا تھا لیکن اس کے پاس ایچ ایل اے کے مماثل ڈونر نہیں تھا۔ ہسپتال میں ہیماٹولوجی ٹیم نے ایک مناسب عطیہ دہندہ تلاش کرنے اور بون میرو ٹرانسپلانٹ کی منصوبہ بندی کے لیے ایک مشکل سفر کا آغاز کیا۔

۳۰ نومبر ۲۰۲۳     کو کیا گیا      مماثل غیر متعلقہ ڈونر (ایم یو ڈی) ٹرانسپلانٹ  میں ایچ ایل اے سے مطابقت رکھنے والے عطیہ دہندہ سے صحت مند اسٹیم سیل کی ہارویسٹنگ شامل تھی، جو اس معاملے میں رضاکارانہ طور پر غیر متعلقہ عطیہ دہندہ تھا اور اسے سوشانت پاؤڈیل کے خون کے دھارے میں شامل کر رہا تھا، جب اس کے اپنے ناکارہ خلیات کیموتھراپی کی بہت زیادہ خوراک سے تباہ ہو گئے تھے۔ اس طریقہ کار کا مقصد ناقص مدافعتی خلیوں کو صحت مند خلیات میں تبدیل کرنا ہے، جو ایک صحت مند اور متحرک زندگی کا ایک نیا موقع فراہم کرتا ہے۔

          کامیاب ٹرانسپلانٹ کے بعد، اے ایچ آر آر کے کمانڈنٹ لیفٹیننٹ جنرل اجیت نیلاکانتن نے کہا، ’’یہ اے ایچ آر آر میں پوری طبی برادری کے لیے بڑے فخر اور اطمینان کا لمحہ ہے اور یہ پوری  ٹیم کی کوششوں کی وجہ سے ایک کامیابی کی کہانی ہے۔‘‘ ہیماٹولوجی ڈیپارٹمنٹ کے سربراہ بریگیڈیئر راجن کپور نے کہا، "سوشانت پاؤڈیل کا سفر کسی معجزے سے کم نہیں رہا۔ یہ کامیابی ہماری سرشار طبی ٹیم کی مشترکہ کوششوں، سوشانت کے خاندان کی غیر متزلزل حمایت، اور عطیہ دہندگان کی سخاوت کا منہ بولتا ثبوت ہے۔ ہمارے علم کے مطابق، یہ ہندوستان میں اس امیونو ڈیفیسنسی کے لیے اس طرح کی پہلی پیوند کاری ہے۔"

           ہیماٹولوجی ڈپارٹمنٹ کے سینئرمشیر کرنل راجیو کمار نے کہا، "صرف 5 میں سے ایک مریض کا ایک بھائی ہے جس کا مکمل ایچ ایل اے میچ ہے۔ ڈی اے ٹی آر آئی  سے اس مریض میں حاصل کردہ ایچ ایل اے سے مماثل غیر متعلقہ ڈونر اسٹیم سیل کی دستیابی واقعی ایسے مریضوں کے لیے ایک گیم چینجر ہے جو جان لیوا امیونو ڈیفینسی ڈس آرڈر میں مبتلا ہیں۔" اے ایچ آر آر کے پیڈیاٹرک ہیماٹولوجسٹ لیفٹیننٹ کرنل سنجیو کھیرا نے بتایا کہ پیوندکاری  کے وقت متعدد فعال انفیکشن کی موجودگی نے اسے ایک بہت ہی چیلنجنگ اور ہائی رسک ٹرانسپلانٹ بنا دیا۔ سوشانت پاؤڈیل کے خاندان نے مستقبل کے لیے ان کا شکریہ ادا کیا اور امید ظاہر کی۔

  اس          کامیاب بون میرو ٹرانسپلانٹ نہ صرف سوشانت اور اس کے خاندان کے لیے بلکہ ان لاتعداد لوگوں کے لیے بھی امید کی کرن کا کام کرتا ہے جو نایاب پرائمری امیونو ڈیفیسنسی اور اس طرح کے دیگر عوارض سے دوچار ہیں جو بروقت بون میرو ٹرانسپلانٹ سے قابل علاج ہیں۔ آرمی ہسپتال آر اینڈ آر نایاب بیماریوں کے لیے طبی تحقیق اور علاج کے  گنجائشوں کو آگے بڑھانے کے لیے پرعزم ہے، بچوں اور خاندانوں کی زندگیوں کو بہتر بنانے کے لیے اپنی لگن کو اجاگر کرتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ت ع  (

2554

(Release ID: 1987530) Visitor Counter : 66