ਭਾਰਤੀ ਹਵਾਈ ਸੈਨਾ ਦੀ ਪੱਛਮੀ ਏਅਰ ਕਮਾਂਡ (ਡਬਲਯੂਏਸੀ) ਦੀ ਦੋ ਰੋਜ਼ਾ ਕਮਾਂਡਰਾਂ ਦੀ ਕਾਨਫ਼ਰੰਸ 11 ਅਤੇ 12 ਦਸੰਬਰ, 23 ਨੂੰ ਨਵੀਂ ਦਿੱਲੀ ਵਿਖੇ ਆਯੋਜਿਤ ਕੀਤੀ ਗਈ। ਹਵਾਈ ਸੈਨਾ ਪ੍ਰਮੁੱਖ (ਸੀਏਐੱਸ) ਏਅਰ ਚੀਫ਼ ਮਾਰਸ਼ਲ ਵੀਆਰ ਚੌਧਰੀ ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਸਨ। ਪੱਛਮੀ ਹਵਾਈ ਕਮਾਂਡ ਦੇ ਏਅਰ ਅਫਸਰ ਕਮਾਂਡਿੰਗ-ਇਨ-ਚੀਫ਼ ਏਅਰ ਮਾਰਸ਼ਲ ਪੀਐੱਮ ਸਿਨਹਾ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਕਾਨਫ਼ਰੰਸ ਵਿੱਚ ਹਵਾਈ ਸੈਨਾ ਪ੍ਰਮੁੱਖ ਦੇ ਪਹੁੰਚਣ 'ਤੇ ਉਨ੍ਹਾਂ ਨੂੰ ਰਸਮੀ ਤੌਰ ’ਤੇ ਗਾਰਡ ਆਫ਼ ਆਨਰ ਦਿੱਤਾ ਗਿਆ। 

 

ਕਾਨਫ਼ਰੰਸ ਦੌਰਾਨ, ਹਵਾਈ ਸੈਨਾ ਪ੍ਰਮੁੱਖ ਨੇ ਪੱਛਮੀ ਹਵਾਈ ਕਮਾਂਡ ਦੇ ਏਓਆਰ (ਜ਼ਿੰਮੇਵਾਰੀ ਦਾ ਖੇਤਰ) ਦੇ ਕਮਾਂਡਰਾਂ ਨਾਲ ਗੱਲਬਾਤ ਕੀਤੀ। ਉਨ੍ਹਾਂ ਨੇ ਹਵਾਈ ਸੈਨਾ ਲਈ ਉੱਭਰ ਰਹੀਆਂ ਤਕਨਾਲੋਜੀਆਂ ਦੇ ਪ੍ਰਭਾਵ, ਸਮਰੱਥਾ ਵਧਾਉਣ ਦੀ ਜ਼ਰੂਰਤ ਅਤੇ ਮਨੁੱਖੀ ਸਰੋਤਾਂ ਦੀ ਪੂਰੀ ਤਰ੍ਹਾਂ ਨਾਲ ਵਰਤੋਂ ਕਰਨ ਦੀ ਲੋੜ ਬਾਰੇ ਚਰਚਾ ਕੀਤੀ। ਆਪਣੇ ਸੰਬੋਧਨ ਏਅਰ ਚੀਫ਼ ਮਾਰਸ਼ਲ ਵੀਆਰ ਚੌਧਰੀ ਨੇ ਭਰੋਸੇਯੋਗ ਸੰਚਾਲਨ ਸਥਿਤੀ ਨੂੰ ਬਣਾਈ ਰੱਖਣ, ਸਾਰੇ ਲੋੜੀਂਦੇ ਮੌਕਿਆਂ 'ਤੇ ਤੇਜ਼ੀ ਨਾਲ ਜਵਾਬ ਦੇਣ ਅਤੇ ਵਿਸ਼ਵ ਭਰ ਵਿੱਚ ਮਾਨਵਤਾਵਾਦੀ ਸਹਾਇਤਾ ਅਤੇ ਆਫ਼ਤ ਰਾਹਤ ਵਿੱਚ ਇਸ ਦੇ ਅਨਮੋਲ ਯੋਗਦਾਨ ਲਈ ਡਬਲਯੂਏਸੀ ਦੀ ਤਾਰੀਫ਼ ਕੀਤੀ।

 

ਹਵਾਈ ਸੈਨਾ ਪ੍ਰਮੁੱਖ ਨੇ ਅਨੁਸ਼ਾਸਨ ਦੇ ਸਭਿਆਚਾਰ ਨੂੰ ਉਤਸ਼ਾਹਿਤ ਕਰਦੇ ਹੋਏ ਸਿਖਲਾਈ ਲਈ ਇੱਕ ਪਰਿਵਰਤਨਸ਼ੀਲ ਪਹੁੰਚ ਅਪਣਾਉਣ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਕਮਾਂਡਰਾਂ ਨੂੰ ਖਾਸ ਕਰਕੇ ਪੁਲਾੜ, ਸਾਈਬਰ ਅਤੇ ਇਲੈਕਟ੍ਰਾਨਿਕ ਯੁੱਧ ਵਰਗੇ ਨਵੇਂ ਖੇਤਰਾਂ ਵਿੱਚ ਗਲੋਬਲ ਤਕਨੀਕੀ ਵਿਕਾਸ ਨਾਲ ਤਾਲਮੇਲ ਬਣਾਈ ਰੱਖਣ ਦੀ ਤਾਕੀਦ ਕੀਤੀ। ਏਅਰ ਚੀਫ਼ ਮਾਰਸ਼ਲ ਵੀਆਰ ਚੌਧਰੀ ਨੇ ਇਹ ਯਕੀਨੀ ਬਣਾਉਣ ਲਈ ਵੀ ਨਿਰਦੇਸ਼ ਦਿੱਤੇ ਕਿ ਭਾਰਤੀ ਹਵਾਈ ਸੈਨਾ ਦਾ ਸੱਚਮੁੱਚ ਚੁਸਤ ਅਤੇ ਅਨੁਕੂਲ ਹਵਾਈ ਸੈਨਾ ਬਣਨ ਦੇ ਟੀਚੇ ਨੂੰ ਹਾਸਿਲ ਕਰਨ ਲਈ ਵਿਰੋਧੀ ਮਾਹੌਲ ਵਿੱਚ ਵੀ ਸੰਚਾਲਨ ਕੀਤਾ ਜਾਵੇ, ਜੋ ਸਾਡੇ ਰਾਸ਼ਟਰੀ ਹਿੱਤਾਂ ਨੂੰ ਅੱਗੇ ਵਧਾਉਣ ਵਿੱਚ ਨਿਰਣਾਇਕ ਹਵਾਈ-ਜਹਾਜ਼ ਉਦਯੋਗ ਤਕਨਾਲੋਜੀ ਦੀ ਸਮਰੱਥਾ ਪ੍ਰਦਾਨ ਕਰਦਾ ਹੈ।

 

ਇਸ ਤੋਂ ਇਲਾਵਾ ਕਾਨਫ਼ਰੰਸ ਦੌਰਾਨ ਕੁਝ ਹੋਰ ਉੱਘੇ ਬੁਲਾਰਿਆਂ ਨੇ ਭਵਿੱਖ ਦੇ ਯੁੱਧ ਵਿੱਚ ਭਾਰਤੀ ਹਵਾਈ ਸੈਨਾ ਵੱਲੋਂ ਮਨੋਕਲਪਿਤ  ਮਲਟੀ ਡੋਮੇਨ ਆਪਰੇਸ਼ਨਾਂ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ। 

 

 

 ******

ਏਬੀਬੀ/ਆਈਐੱਨ/ਪੀਸੀ/ਸੀਕੇ

(Release ID: 1986566) ਵਿਜ਼ੀਟਰ ਕਾਊਂਟਰ : 69