نیشنل کرائم ریکارڈ بیورو کے ذریعہ 01.12.2023 کو جاری کردہ جیل کے اعدادوشمار انڈیا-2022 کے مطابق، 31.12.2022 تک ملک میں 434302 زیر سماعت قیدی ہیں۔

14ویں مالیاتی کمیشن (ایف سی) نے 20-2015 کے دوران 1800 فاسٹ ٹریک عدالتیں (ایف ٹی سی) قائم کرنے کی سفارش کی تھی تاکہ گھناؤنے نوعیت کے مخصوص مقدمات، خواتین، بچوں، بزرگ شہریوں، معذور افراد، ٹرمینل بیماریوں سے متاثرہ افراد سے متعلق دیوانی مقدمات وغیرہ اور 5 سال سے زائد عرصے سے زیر التوا جائیداد سے متعلق مقدمات کی جلد سماعت کی جاسکے۔ ایف سی نے مزید ریاستی حکومتوں پر زور دیا کہ وہ اس مقصد کے لیے ٹیکس کی منتقلی (32 فیصد سے 42 فیصد) کے ذریعے دستیاب بہتر مالیاتی جگہ کا استعمال کریں۔ مرکزی حکومت نے ریاستی حکومتوں سے مالی سال 16-2015 کے بعد سے ایف ٹی سی کے قیام کے لیے فنڈز مختص کرنے کی بھی تاکید کی ہے۔ ہائی کورٹس کے ذریعے دستیاب معلومات کے مطابق، 31.10.2023 تک ملک میں 848 ایف ٹی سی کام کر رہے ہیں۔ ایف ٹی سی کے علاوہ، فوجداری قانون (ترمیمی) ایکٹ، 2018 کی پیروی میں، حکومت ہند نے اگست، 2019 میں فاسٹ ٹریک اسپیشل کورٹس (ایف ٹی ایس سی) کے قیام کے لیے ایک اسکیم کو حتمی شکل دی جس میں خصوصی پاکسو عدالتیں شامل ہیں تاکہ عصمت دری سے متعلق اور بچوں سے جنسی جرائم کی روک تھام (پاکسو) ایکٹ، 2012 مرکزی اسپانسرڈ اسکیم کے تحت مقررہ وقت میں مقدمات کی جلد سماعت اور نمٹارہ کیا جا سکے۔ مختلف ہائی کورٹس کے جمع کردہ اعداد و شمار کے مطابق، اکتوبر 2023 تک، 758 ایف ٹی ایس سی بشمول 412 خصوصی پاکسو (ای-پاکسو) عدالتیں ملک بھر میں 30 ریاستوں/مرکز کے زیر انتظام علاقوں میں کام کر رہی ہیں جنہوں نے 200000 سے زیادہ مقدمات کو نمٹا دیا ہے۔ فی الحال، زیر سماعت مقدمات کے لیے فاسٹ ٹریک عدالتیں قائم کرنے کی کوئی تجویز نہیں ہے۔

زیر سماعت قیدیوں کے لیے فاسٹ ٹریک عدالتیں قائم کرنے کے سلسلے میں محکمہ انصاف کو کوئی علیحدہ تجاویز موصول نہیں ہوئی ہیں۔ تاہم، مرکزی حکومت نے بجٹ 24-2023 کی پیشکش کے دوران بجٹ کے اعلان کی روشنی میں ریاستی حکومتوں کے ذریعے 20 کروڑ روپے کے بجٹ کی فراہمی کے ساتھ سالانہ ’بے سہارا قیدیوں کو جرمانہ ادا کرنے اور معافی حاصل کرنے کے لیے مالی مدد فراہم کرنے کی اسکیم‘ تیار کی ہے۔

حکومت ہند نے ضابطہ فوجداری کے طریقہ کار (سی آر پی سی) میں دفعہ 436-اے شامل کیا ہے، جو کسی بھی قانون کے تحت کسی جرم کے لیے مقرر کردہ قید کی زیادہ سے زیادہ مدت کا نصف گزارنے کے بعد زیر سماعت قیدی کو ضمانت پر رہا کرنے کا انتظام کرتا ہے۔ ’’اپیل کی بارگیننگ‘  کا تصور بھی سی آر پی سی کے ’’باب XXIA‘‘ میں ڈال کر متعارف کرایا گیا تھا، جو مدعا علیہ اور استغاثہ کے درمیان پہلے سے مقدمے کی بات چیت میں سہولت فراہم کرتا ہے۔

’’انٹر آپریبل کریمنل جسٹس سسٹم‘‘ کے ساتھ مربوط ایک ’’جیل مینجمنٹ ایپلی کیشن‘‘ (ای-جیل سافٹ ویئر) متعارف کرایا گیا ہے جو ریاستی جیل حکام کو قیدیوں کا ڈیٹا حاصل کرنے اور ان قیدیوں کی فوری اور موثر طریقے سے شناخت کرنے میں سہولت فراہم کرتا ہے۔ یہ ’’انڈر ٹرائل پرزنر ریویو کمیٹی (یو ٹی آر سی)‘‘ کی طرف سے زیر غور مقدمات کی نشاندہی کرنے میں بھی مدد کرتا ہے۔ یو ٹی آر سی تمام اضلاع میں قائم کیے گئے ہیں جو سہ ماہی اجلاس منعقد کرتے ہیں۔ یکم اپریل 2020 سے 30 جون 2023 تک کی مدت کے دوران نیشنل لیگل سروسز اتھارٹی (نالسا) نے ریاستی قانونی خدمات اتھارٹیز (ایس ایل ایس اے) اور ڈسٹرکٹ لیگل سروسز اتھارٹیز (ڈی ایل ایس اے) کے ذریعے 32612 یو ٹی آر سی میٹنگیں منعقد کیں جس کے بعد 74630 قیدیوں کو رہا کیا گیا۔

ایس ایل ایس اے نے جیلوں میں قانونی خدمات کے کلینک بھی قائم کیے ہیں، جو ضرورت مند افراد کو مفت قانونی امداد فراہم کرتے ہیں۔ ان لیگل سروسز کلینکس کا انتظام پینل میں شامل لیگل سروسز ایڈووکیٹ اور تربیت یافتہ پیرا لیگل رضاکاروں کے ذریعے کیا جاتا ہے۔ اس طرح کے کلینک جیلوں میں قائم کیے گئے ہیں تاکہ اس بات کو یقینی بنایا جا سکے کہ تمام قیدیوں کو ان کی نمائندگی کرنے اور انہیں قانونی مدد اور مشورہ فراہم کرنے کے لیے وکلاء تک رسائی حاصل ہو۔ نالسا قیدیوں کے قانونی حقوق بشمول مفت قانونی امداد کی دستیابی، اپیل سے متعلق بارگیننگ، لوک عدالتوں اور ان کے ضمانت کے حق کے بارے میں بیداری پیدا کرنے کے لیے جیلوں میں بیداری کیمپوں کا بھی اہتمام کرتا ہے۔

یہ معلومات وزارت قانون اور انصاف کے وزیر مملکت (آزادانہ چارج)؛ پارلیمانی امور کی وزارت میں وزیر مملکت؛ ثقافت کی وزارت کے وزیر مملکت جناب ارجن رام میگھوال نے آج راجیہ سبھا میں ایک سوال کے تحریری جواب میں دی تھی۔

*****

ش ح – ق ت – ن ا

U: 2428

(Release ID: 1986520) Visitor Counter : 82