مشترکہ بیان

’’13 دسمبر 2023 کو، ہم نے ، جناب سنجے ملہوترا، ریونیو سکریٹری، وزارت خزانہ، حکومت ہند، اور یو ایس ٹریژری کے انڈر سکریٹری برائے دہشت گردی اور مالیاتی انٹیلی جنس، مسٹر برائن نیلسن، نے ہندوستان-امریکہ کی انسداد منی لانڈرنگ/دہشت گردی کی مالی معاونت کا مقابلہ (اے ایم ایل/ سی ایف ٹی) مکالمہ کی ازسر نو تشکیل اور مشترکہ طور پر صدارت کی ۔ وزارت خزانہ نے نئی دہلی میں اس مکالمے کی میزبانی کی۔

ہم،  شریک چیئرمینوں نے ہندوستان-امریکہ  اے ایم ایل / سی ایف ٹی مکالمہ ازسر نو تشکیل دیا کیونکہ یہ ہندوستان اور ریاستہائے متحدہ کے لئے نقطہ نظر اور بہترین طور طریقوں کا اشتراک کرنے کے لئے ایک مؤثر فورم ہے ، جس کا مقصد یہ معلوم کرنا ہے کہ ہمارے ممالک اور بین الاقوامی مالیاتی نظاموں میں غیر قانونی مالیاتی خطرے سے نمٹنے کے لئے دونوں ممالک کی اجتماعی کوششوں کو کس طرح مضبوط کیا جائے۔

فورم کے سیشنز میں، ہمارے شرکاء نے ورچوئل اثاثہ جات اور ورچوئل اثاثہ سروس فراہم کنندگان کے ساتھ ہر ملک کے تجربے پر تبادلہ خیال کیا، غیر قانونی مالیاتی خطرات کو کم کرتے ہوئے ذمہ دار جدت کو فروغ دینے کے لیے دونوں فریقوں کے فوکس ایریا کو دیکھتے ہوئے۔ دونوں جماعتوں نے ریگولیٹری ثالثی کے مسئلے کو مؤثر طریقے سے حل کرنے کے لیے فنانشل ایکشن ٹاسک فورس (ایف اے ٹی ایف) کی سفارشات کے مطابق، مجازی اثاثوں کے لیے اے ایم ایل / سی ایف ٹی معیارات کے عالمی نفاذ کو تیز کرنے کی ضرورت کو تسلیم کیا۔

شرکاء نے فائدہ مند ملکیت میں شفافیت کو بڑھانے کے لیے ہر ملک کی کوششوں پر تبادلہ خیال کیا، بشمول فائدہ مند ملکیت کی رجسٹریوں کا نفاذ، ڈیٹا کے معیار کو بہتر بنانے کے لیے ٹولز، اور معلومات کی تصدیق۔ منی لانڈرنگ اور دیگر مالیاتی جرائم کا مقابلہ کرنے کے لیے یہ ایک اہم قدم ہے، کیونکہ یہ حکام کو فنڈز کے بہاؤ کو ٹریک کرنے اور ان لوگوں کی شناخت کرنے کی اجازت دیتا ہے جو آخر کار ان کے ذمہ دار ہیں۔

آخر میں، ہم نے ان موجودہ چنوتیوں پر تبادلہ خیال کیا جن کا ہر دائرہ اختیار کو پابندیوں کے نفاذ کے حوالے سے سامنا ہے، ساتھ ہی ساتھ خطے اور عالمی سطح پر پابندیوں کی خلاف ورزی اور دہشت گردی کی مالی معاونت سے بہتر طور پر مقابلہ کرنے کے لیے تعاون اور معلومات کے تبادلے کو بہتر بنانے کے مواقع، جیسے موضوعات پ تبادلہ خیال عمل میں آیا۔

ہمارے وفود نے اے ایم ایل / سی ایف ٹی میں مختلف شعبوں کی نشاندہی کی جہاں ہندوستان اور امریکہ مشترکہ طور پر مل کر کام کر سکتے ہیں اور تجربات اور بہترین طریقوں کا اشتراک کر سکتے ہیں۔ خاص طور پر، ہم نے اس ہفتے کی نتیجہ خیز بات چیت کو آگے بڑھانے کے لیے اگلے سال دوبارہ مکالمہ منعقد کرنے پر اتفاق کیا۔ ہم نے اس بات پر بھی اتفاق کیا کہ اگلے سال کے مکالمے سے پہلے تکنیکی سطح پر جاری بات چیت ہماری ترجیحات کو آگے بڑھانے اور تعاون کے لیے اضافی شعبوں کی نشاندہی کرتی رہے گی۔ آخر میں، ہم نے ایف اے ٹی ایف کے اندر مل کر کام کرنے سمیت دو طرفہ اور کثیر جہتی طور پر تعاون اور تعاون کو بڑھانے کے مواقع کا تعاقب کرنے پر اتفاق کیا۔

ہندوستان-امریکہ اے ایم ایل / سی ایف ٹی مکالمے کی ازسر نو تشکیل اور مشترکہ صدارت بین الاقوامی مالیاتی نظام میں غیر قانونی مالیاتی خطرے سے نمٹنے کے لیے مشترکہ طور پر کام کرنے کے لیے ہندوستان اور امریکہ کے عزم کی تصدیق کرتی ہے۔‘‘

**********

(ش ح –ا ب ن۔ م ف)

U.No:2422