شہری ہوابازی اور اسٹیل کے وزیر جناب جیوترادتیہ سندھیا نے چھوٹے طیاروں کے آپریٹروں اور ہیلی کاپٹر خدمات  کے آپریٹروں کو اپنی سرگرمیاں بڑھانے کے لئے پوری مدد کا یقین دلایا۔ آج ایک ایڈوائزری گروپ  میٹنگ میں وزیر  موصوف  نے ہر آپریٹر کی روزمرہ کی دشواریوں کے بارے میں ذاتی طور پر سنا اور متعلقہ صلاح و مشوروں پر کام کر کے یہ مسئلے حل کرنے کا یقین دلایا۔

اڑان اسکیم کے تحت دوسرے اور تیسرے درجے کے  شہروں کو جوڑنے میں ان کے اہم رول کو سراہتے ہوئے انہوں نے شرکاء آپریٹروں کے لئے منظوری بڑھانے کا وعدہ کیا۔ آخر میں ہیلی کاپٹرز اور چھوٹے طیاروں کے لئے ایک خصوصی سیل کے قیام کی بات ہوئی، بشرطیکہ ڈی جی سی اے افرادی گنجائش کے اعتبار سے اس کے لئے تیار ہو۔

میٹنگ کے اختتام پر آپریٹروں نے جناب سندھیا کے لئے اظہار تشکر کیا کہ انہوں نے بروقت  کوشش کر کے ان کی ضروریات کا ازالہ کرنے کی جانب  توجہ دلائی۔

انہوں نے شہری ہوابازی کی وزارت کی جانب سے اڑان اسکیم کی کامیابی کے ساتھ عمل آوری پر وزارت کی تعریف کی، جس کے سبب ان لوگوں کو فروغ حاصل ہوا ہے۔

میٹنگ میں  الائنس ایئر، انڈیا وَن ایئر، ہیریٹیج ایوی ایشن، بی اے او اے، ایئر ٹیکسی  اور پی ایچ ایل نے شرکت کی۔

میٹنگ میں جنرل (ریٹائرڈ) ڈاکٹر وی کے سنگھ، شہری ہوابازی کے وزیر مملکت، شہری ہوابازی کی وزارت کے سکریٹری اور ڈی جی سی اے، اے اے آئی، بی سی اے ایس اور ایم او سی اے کے اعلیٰ افسران بھی موجود تھے۔

It is the right time for small aircraft and helicopters to become a pillar of growth and strength for air connectivity in India.

Had an action-oriented brainstorming session with our young and talented small aircraft entrepreneurs to iron out regulatory, policy and operational… pic.twitter.com/s1wcNzWWi3

— Jyotiraditya M. Scindia (@JM_Scindia) December 12, 2023

***

ش ح۔ ع س۔ ک ا

(Release ID: 1985647) Visitor Counter : 55