انڈین کوسٹ گارڈ (آئی سی جی) 11 سے 15 دسمبر ، 2023 سے گجرات کے گاندھی نگر میں ایشیا میں بحری قزاقی اور مسلح ڈکیتی کے خلاف علاقائی تعاون کے معاہدے (آر ای سی اے اے پی  )کے ساتھ صلاحیت سازی کے سینئر افسران کی میٹنگ (سی بی ایس او ایم -2023) کے 15ویں ایڈیشن کا انعقاد کر رہا ہے۔ اجلاس کا مقصد ایشیا میں بحری قزاقی اور بحری جہازوں کے خلاف مسلح ڈکیتی کی تازہ ترین صورتحال کو سمجھنا، ایک دوسرے کے تجربات کا تبادلہ کرنا اور تمام معاہدہ کرنے والے فریقین کی جانب سے باہمی تعاون کے ساتھ ایسے واقعات سے نمٹنے کے لیے بہترین طریقہ کار وضع کرنا ہے۔

آر ای سی اے اے پی  کے نامزد ہندوستانی گورنر ہونے کے ناطے، ڈائریکٹر جنرل راکیش پال نے چار روزہ اجلاس کا افتتاح کیا تھا، جس میں بین الاقوامی اور قومی موضوعات کے ماہرین اور مقررین شرکت کر رہے ہیں۔ اجلاس میں 15 ممالک کے 19 بین الاقوامی مندوبین شرکت کر رہے ہیں۔ اس کے علاوہ، قومی اسٹیک ہولڈرز جیسے ہندوستانی بحریہ، بڑی بندرگاہوں، ریاستی میری ٹائم بورڈز، ڈائریکٹوریٹ جنرل آف شپنگ، سمیت دیگر میری ٹائم تنظیموں کے سینئر حکام اس میٹنگ میں شرکت کر رہے ہیں۔

آر ای سی اے اے پی  بحری قزاقی کو دبانے کے لیے تعاون بڑھانے کے لیے پہلا اور واحد علاقائی حکومت سے حکومت کا معاہدہ ہے۔ ہندوستان آر ای سی اے اے پی معاہدے کی توثیق کرنے والا 10 واں ملک بن گیا جس نے اسے 04 ستمبر 2006 کو لاگو کرنے کے قابل بنایا۔ اب، 21 ممالک آر ای سی اے اے پی معاہدے کے کنٹریکٹ پارٹی ہیں۔ حکومت ہند نے رکن ممالک اور آر ای سی اے اے پی انفارمیشن شیئرنگ سینٹر، سنگاپور کو بحری قزاقی سے متعلق معلومات کے اشتراک کے لیے آئی سی جی  کو ذمہ داری سونپی ہے۔ آئی سی جی  نے 2011، 2017 اور 2019 میں آر ای سی اے اے پی آئی ایس جی کے ساتھ ہندوستان میں صلاحیت سازی کی ورکشاپس کی کامیابی کے ساتھ میزبانی کی تھی۔

*********

U.NO.2248

(ش ح۔ام۔)