ثقافت ، سیاحت اورشمال مشرقی خطے کی ترقی کے مرکزی وزیر جناب جی کشن ریڈی نے آج لوک سبھا میں بتایا کہ پردھان منتری سنگھراہالیہ کا افتتاح 14 اپریل2022 کو عزت مآب وزیر اعظم نے کیا تھا۔ یہ ہندوستان کے تمام وزرائے اعظم کے تعاون کو تسلیم کرتا ہے اور یہ ظاہر کرتا ہے کہ کس طرح ہماری جمہوریت نے معاشرے کے ہر طبقے اور درجے کے رہنماؤں کو ملک کی تعمیر کے لیے اپنا تعاون دینے کا موقع فراہم کیا ہے۔ یہ ایک نیا ڈیجیٹل میوزیم ہے، جو دو عمارتوں پر پھیلا ہوا ہے۔ عمارت 1 میں پرانی تین مورتی عمارت،شری جواہر لال نہرو کی گیلری، آئینی گیلریاں، توشہ خانہ اور شری جواہر لعل نہرو کا پرائیویٹ ونگ شامل ہے۔ بلڈنگ 2 میں شری لال بہادر شاستری سے لے کر ڈاکٹر منموہن سنگھ تک آنے والے وزرائے اعظم کی سماجی، سیاسی اور اقتصادی اصلاحات کے ساتھ ذاتی زندگی کو بھی دکھایا گیا ہے۔ ہر گیلری ہندوستان کے وزیر اعظم کے طور پر ان کے دور میں ان کی طرف سے کئے گئے تعاون کو نمایاں کرتی ہے۔

پردھان منتری سنگھراہالیہ ’انوبھوتی‘کے نام سے ایک وزیٹر انگیجمنٹ زون سے لیس ہے، جہاں زائرین’سیلفی وِد پرائم منسٹر‘،’واک وِد پرائم منسٹر‘، ’لیٹر فرام پرائم منسٹر‘ اور ایک ورچوئل ہیلی کاپٹر سواری کا انتخاب کر سکتے ہیں، جس میں تعمیراتی اور تکنیکی کمالات کی نمائش ہوتی ہے۔ زائرین وزیر اعظم کا انتخاب کر سکتے ہیں، جس کے ساتھ وہ انگیجمنٹ زون میں جانا چاہتے ہیں۔ زائرین اپنا متاثر کن پیغام وژن 2047 فیڈ بیک وال پر درج کر سکتے ہیں اور ساتھ ہی’یونٹی چین‘ میں گروپ میں ایک بڑی دیوار پر اپنی موجودگی ریکارڈ کر سکتے ہیں۔ سنگرہالیہ میں لوگوں کی آسان نقل و حرکت، گائیڈز/آڈیو گائیڈز، کیفے ٹیریا اور ایک سووینئر شاپ کے لیے گولف کارٹس اور وہیل چیئرز بھی ہیں۔

میوزیم اپنے وزرائے اعظم کی رہنمائی میں آزاد ہندوستان کے سفر کا مظاہرہ کرتا ہے۔ اس میں خاص طور پر مختلف ریاستوں کی تاریخ پر توجہ نہیں دی گئی ہے۔

************

ش ح۔ا ک۔ن ع

U. No.2193

(Release ID: 1985127) Visitor Counter : 107