তেক্সতাইল মন্ত্রালয়
জে.পি.এম এক্ত, ১৯৮৭গী মখাদা জুত ইয়র ২০২৩-২৪ গীদমক জুত পেকেজিং মেতরিএলশিংগী রিজার্বেসন নোর্মস কেবিনেত কম্মিতি ওন ইকোনোমিক এফেয়ার্সনা অয়াবা পীখ্রে
শুকশোই শোইদনা মহৈ-মরোংশিং 100% অমসুং চিনি 20% লিমোনগী বোরাশিংদা হাপকদবনি
চাউরাক্না লৌমীশিংগী ইমুং লাখ ৪০ রোমগী হিংনবা লম্বী পীবগা লোয়ননা লিমোনগী মিলশিং অমসুং এন্সিলারি য়ুনিতশিংদা থবক তৌরিবা শিন্মী ৪,০০,০০০ দা কান্নবা পীরে
Posted On:
08 DEC 2023 8:32PM by PIB Imphal
জুত ইয়র ২০২৩-২৪ গীদমক (জুলাই ১,২০২৩ দগী জুন ৩০,২০২৪ ফাওবা) পোৎ-চৈ হাপ্পদা তঙাইফদনা লিমোন শীজিন্ননবগী জুত পেকেজিং মেতরিএলশিংগী রিজার্বেসন নোর্মস দিশেম্বর ৮,২০২৩ দা প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা অয়াবা পীখ্রে। জুত ইয়র ২০২৩-২৪ গী অয়াবা পীখিবা তঙাইফদবা পেকেজিং নোর্মসতা শুকশোই শোইদনা মহৈ-মরোংশিং 100% অমসুং চিনি 20% লিমোনগী বোরাশিংদা হাপকদবনি।
চৎন-কাংলোনশিং ঙাক্তুনা থম্বা অসিনা লৈবাক অসিদা লিমোন পুথোকপগী থবক অমসুং পোৎ-চৈ হাপ্নবা লিমোনগী বোরা পুথোকপগী থবক ফগৎহনগনি, মসিনা অত্মানির্ভর ভারতকা লোয়ননা মশাগী ওক্নবা পুথোকচবা ভারত ওইহনগনি। পোৎ-চৈ য়োম্বা লিমোন শীজিন্নহনবা অসিনা লৈবা অসিদা পুথোকপা লিমোনগী 65% রোম শীজিন্নৈ। জে.পি.এম এক্তকী প্রোবিজন চৎন্দুনা, চাউরাক্না লৌমীশিংগী ইমুং লাখ ৪০ রোমগী হিংনবা লম্বী পীবগা লোয়ননা লিমোনগী মিলশিং অমসুং এন্সিলারি য়ুনিতশিংদা থবক তৌরিবা শিন্মী ৪,০০,০০০ দা কান্নবা পীরে। মসিগী মথক্তা, লিমোন অসি মশা মথন্থ পৎথ-পুমজবা ঙম্বা, অমুক হন্না শীজিন্নবা য়াবা অমসুং নেচরেল ওইবা মরম্না অকোয়বগী ফিবক ঙাক-শেনবদা মতেং পাংগনি।
নোংচুপ বেঙ্গল, বিহার, ওরিসা, অসাম, ত্রিপুরা, মেঘালয়, অন্ধ্র প্রদেস অমসুং তেলঙ্গানা য়াওনা নোংপোক থংবা লমদম য়াওনা ভারতকী শেন্মিৎলোন্দা লিমোনগী উদোগনা মরুওইবা মফম অমা কল্লি। মসিনা নোংচুপ বেঙ্গল য়াওনা নোংপোক থংবা লমদমগী অচৌবা উদোগশিংগী মনুংদা অমনি।
জে.পি.এম এক্তকী মখাদা রিজার্বেসন নোর্মস অসিনা লিমোনগী লমদা শিন্মী লাখ ৪ অমসুং লৌমীশিংগী ইমুং লাখ ৪০ হকথেংননা থবক পীরি। জে.পি.এম এক্ত, ১৯৮৭না লিমোন থাবা লৌমীশিং, শিন্মীশিং অমসুং লিমোনগী পোৎথোকশিং পুথোক্লিবা মীওইশিংগী য়াইফনবা থবক তৌরি। লিমোনগী উদোগনা পুথোক্লিবা অপুনবা পোৎথোক্কী 75% অসি লিমোনগী বোরাশিংনি অমসুং মসিগী 85% ফুদ কোওপরেসন ওফ ইন্দিয়া(এফ সি আই) অমসুং স্তেৎ প্রোকিউয়রমেন্ত এজেন্সিস(এস পি এ) দা পীরি অমসুং লেমহৌবশিংনা হকথেংননা মপান্দা থোক্লি/য়োল্লি।
চানবা মহৈ-মরোং হাপ্নবা ভারত সরকারনা চহি অমদা লুপা করোর ১২,০০০ রোমগী লিমোনগী বোরাশিং লৈরি, মসিনা লিমোন থাবা লৌমীশিং অমসুং শিন্মীশিংগী পোৎথোক্কী য়োনফম পীরি।
চাউরাক্না লিমোনগী বোরা ৩০ লাখ বেল( মেত্রিক তন লাখ ৯) পুথোক্লি অমসুং লিমোন থাবা লৌমীশিং, শিন্মীশিং অমসুং লিমোনগী পোৎথোকশিং পুথোক্লিবা মীওইশিংগী য়াইফনবা লিমোনগী বোরাশিং সরকারনা মপুংফানা লৈনবা থাজবা পীরে।
*****
(Release ID: 1984339)
Visitor Counter : 62