معذور افراد کے لیے چیف کمشنر کی عدالت نے 21.11.2023 کو روزنامہ ‘‘دی ہندو’’ میں شائع ہونے والی ایک خبر پر معذور افراد کے حقوق کے قانون، 2016 کے سیکشن 75 کے تحت اپنے مینڈیٹ کے تحت از خود نوٹس لیا۔ چنئی ایڈیشن کی اس خبر میں  کہا گیا ہے کہ پوسٹ آفس نے  اپنے آپ میں  گم رہنے والے  آدمی کے لیے ‘پاگلوں کا اکاؤنٹ’ کھولاہے۔ اس سلسلے میں  شکایت درج کرا دی گئی ہے۔

 اخبار میں شائع اس خبر کے مطابق ، ایک بزرگ شہری نے کچھ ماہ قبل چنئی کے جی کے ایم پوسٹل کالونی پوسٹ آفس سے اپنے متاثرہ ذہن والے  بیٹے کے نام پر، جو ٹیلی کام فیملی پنشنر ہے، سیونگ اکاؤنٹ اور ٹرم ڈپازٹ اکاؤنٹ کھولنے کے لیے رابطہ کیا۔ اس نے اپنے بیٹے کا قومی معذوری شناختی کارڈ اور نیشنل ٹرسٹ ایکٹ کے تحت دیا گیا گارجین شپ سرٹیفکیٹ پیش کرتے ہوئے ایک گارجین آپریٹڈ اکاؤنٹ کھولنے کی درخواست کی تھی۔ اس کا اکاؤنٹ کھولا گیا تھا لیکن نوآبادیاتی دور کی قانون سازی، گورنمنٹ سیونگ بینک ایکٹ 1873 کے سیکشن 12 کا حوالہ دیتے ہوئے، محکمہ ڈاک اس اکاؤنٹ کو ‘‘پاگل اکاؤنٹ’’ کے طور پر درجہ بندی کرنے کا بے حسی پر مبنی عمل جاری رکھے ہوئے ہے۔

نوٹس میں آر پی ڈبلیو ڈی ایکٹ کے سیکشن 13 کا حوالہ دیا گیا ہے، جس میں اس بات کا التزام کیا گیا ہے  کہ مجاز حکومت اس بات کو یقینی بنائے گی کہ معذور افراد کو اپنے مالی معاملات کو کنٹرول کرنے اور بینک قرضوں اور دیگر مالیاتی کریڈٹ تک رسائی حاصل کرنے اور قانونی صلاحیت سے فائدے حاصل کرنے کے لیے دوسروں کے برابر حقوق حاصل ہوں۔ ایکٹ کی دفعہ اور تمہید یہ بھی اس بات کاالتزام  کرتی ہے کہ معذور افراد کی خود مختاری، وقار اور رازداری کا احترام کیا جائے گا۔

نوٹس میں اقوام متحدہ کی جانب سے 2019 میں شروع کی گئی معذوری کی جامع زبان کے رہنما خطوط کا بھی حوالہ دیا گیا ہے جو کہ اقوام متحدہ کی معذوری کی شمولیت کی حکمت عملی کے حصے کے طور پر ہے، جس میں عام طور پر استعمال ہونے والی مختلف اصطلاحات کی فہرست دی گئی ہے۔ ان اصلاحات کے استعمال سے گریز کیا جانا چاہیے اور اس طرح کی اصطلاحات کا اقوام متحدہ کی تجویز کردہ متعلقہ شرائط کے ساتھ نقشہ بھی بنایا  گیاہے۔ اقوام متحدہ کی پالیسی کا مقصد اگلی دہائی کے لیے معذوری کی شمولیت سے متعلق اقوام متحدہ کے نظام کے لیے عزم کی بلند ترین سطح اور ایک وژن قائم کرنا ہے، اور اس کا  مقصد 2030 کا ایجنڈا برائے پائیدار ترقی، دیگر بین الاقوامی انسانی حقوق کے وسائل  اور ترقی اور انسانی ہمدردی کے  معاہدوں  کے درمیان معذور افراد کے حقوق کے کنونشن کے نفاذ کے لیے ایک ادارہ جاتی فریم ورک قائم کرنا ہے ۔

*************

ش ح ۔  س ب۔ رض

U. No.2036