ಸಹಕಾರ ಸಚಿವಾಲಯ

​​​​​​​ಸಹಕಾರ ವಲಯಕ್ಕೆ ಸಂಬಂಧಿಸಿದ ರಚನಾತ್ಮಕ ಸಮಸ್ಯೆಗಳು

Posted On: 06 DEC 2023 4:15PM by PIB Bengaluru

ದೇಶದಲ್ಲಿ ಸುಮಾರು 30 ಕೋಟಿ ಸಹಕಾರಿ ಸಂಘಗಳ ಸದಸ್ಯರಿದ್ದು, ಈ ಸಹಕಾರಿ ಸಂಘಗಳು ಸುಮಾರು 30 ವೈವಿಧ್ಯಮಯ ವಲಯಗಳಲ್ಲಿ ಕಾರ್ಯನಿರ್ವಹಿಸುತ್ತಿವೆ. ಇಡೀ ವಲಯವನ್ನು ಒಳಗೊಂಡಿರುವ ನೀತಿ ಕ್ರಮಗಳನ್ನು ಸೂಚಿಸುವುದು ಮತ್ತು ವಾಸ್ತವ ಸಂಗತಿಗಳನ್ನು ಹಿಡಿದಿಟ್ಟುಕೊಳ್ಳುವುದು ಕಷ್ಟ.

ಆಯಾ ವಲಯಗಳ ಮೂಲಭೂತ ರಚನಾತ್ಮಕ ಸಮಸ್ಯೆಗಳನ್ನು ಪರಿಹರಿಸುವ ಸಲುವಾಗಿ, ಸಹಕಾರ ಸಚಿವಾಲಯವು ಏಳು ವಿವಿಧ ಅಧ್ಯಯನಗಳನ್ನು ನಡೆಸಲು ಮೂರು ರಾಷ್ಟ್ರೀಯ ಸಹಕಾರಿ ಸಂಘಗಳಿಗೆ ವಹಿಸಿಕೊಟ್ಟಿದೆ. ಈ ರಾಷ್ಟ್ರೀಯ ಸಹಕಾರಿ ಸಂಘಗಳು ತಮ್ಮ ಕ್ಷೇತ್ರಗಳಲ್ಲಿ ರಾಷ್ಟ್ರೀಯ ಮಟ್ಟದಲ್ಲಿ ಅಪೆಕ್ಸ್ ಸೊಸೈಟಿಯಾಗಿ ಪ್ರತಿನಿಧಿಸುತ್ತಿವೆ. 

ಫೆಡರೇಶನ್‌ವಾರು ಅಧ್ಯಯನಗಳ ಪಟ್ಟಿಯನ್ನು ಅನುಬಂಧ-ಎ ಎಂದು ಲಗತ್ತಿಸಲಾಗಿದೆ. ಇದಲ್ಲದೆ, ರಾಷ್ಟ್ರಮಟ್ಟದಲ್ಲಿ ಆಯಾ ವಲಯಗಳನ್ನು ಪ್ರತಿನಿಧಿಸುವ ಬಹು ರಾಜ್ಯ ಸಹಕಾರಿ ಸೊಸೈಟಿಗಳ ಕಾಯ್ದೆ, 2002(ತಿದ್ದುಪಡಿ ಮಾಡಿದಂತೆ)ರ ವೇಳಾಪಟ್ಟಿ-II ರಲ್ಲಿ ನಮೂದಿಸಿದಂತೆ ಸಹಕಾರ ಸಚಿವಾಲಯವು ಎಲ್ಲಾ 19 ರಾಷ್ಟ್ರೀಯ ಸಹಕಾರ ಸಂಘಗಳನ್ನು ತಮ್ಮ ಉದ್ಯಮ ಯೋಜನೆಯ ವಿಸ್ತರಣೆಗಾಗಿ ವೃತ್ತಿಪರ ಅಧ್ಯಯನಗಳನ್ನು ನಡೆಸಲು ವಿನಂತಿ ಮಾಡಿಕೊಂಡಿದೆ. MSCS ಕಾಯಿದೆ, 2002 ರ ಸೆಕ್ಷನ್-24 ರ ಅನುಸರಣೆಯನ್ನು ಖಾತ್ರಿಪಡಿಸುವ ವ್ಯವಹಾರ ಯೋಜನೆಯು ಸಹಕಾರ ಸಚಿವಾಲಯದಿಂದ ಆರ್ಥಿಕವಾಗಿ ಸಹಾಯ ಮಾಡುತ್ತದೆ.

“ಸಹಕಾರ್ ಸೇ ಸಮೃದ್ಧಿ”ಯ ದೃಷ್ಟಿಕೋನವನ್ನು ಸಾಧಿಸಲು ಸಹಕಾರ ಸಚಿವಾಲಯವು ಭಾರತ ಸರ್ಕಾರದ ವಿವಿಧ ಸಚಿವಾಲಯಗಳು/ಇಲಾಖೆಗಳು, ರಾಜ್ಯ ಸರ್ಕಾರಗಳು/ಕೇಂದ್ರಾಡಳಿತಗಳೊಂದಿಗೆ, ರಾಷ್ಟ್ರೀಯ ಸಹಕಾರಿ ಒಕ್ಕೂಟಗಳು, ಶಾಸನಬದ್ಧ ಮತ್ತು ಶಾಸನಬದ್ಧವಲ್ಲದ ಸಂಸ್ಥೆಗಳಾದ ಉದಾಹರಣೆಗೆ ನಬಾರ್ಡ್, ಎನ್ ಡಿಡಿಬಿ, ಎನ್ ಸಿಡಿಸಿ, ಎನ್ ಎಫ್ ಡಿಬಿಯಂತಹ ಸಂಸ್ಥೆಗಳೊಂದಿಗೆ ಸಮಾಲೋಚಿಸಿ ಹಲವಾರು ಉಪಕ್ರಮಗಳನ್ನು ಅದರ ರಚನೆಯಾದಂದಿನಿಂದ ಅಂದರೆ, ಜುಲೈ 06, 2021ರಿಂದ ಕೈಗೊಂಡಿದೆ. ಇಂತಹ ಉಪಕ್ರಮಗಳ ವಿವರಗಳನ್ನು ಮತ್ತು ಇಲ್ಲಿಯವರೆಗೆ ಮಾಡಿದ ಪ್ರಗತಿಯನ್ನು ಅನುಬಂಧ-ಬಿ ಎಂದು ಲಗತ್ತಿಸಲಾಗಿದೆ.

ರಾಜ್ಯಸಭೆಯಲ್ಲಿ ಇಂದು ಪ್ರಶ್ನೆಯೊಂದಕ್ಕೆ ಲಿಖಿತ ಉತ್ತರದಲ್ಲಿ ಕೇಂದ್ರ ಸಹಕಾರ ಸಚಿವ ಶ್ರೀ ಅಮಿತ್ ಶಾ ಅವರು ತಿಳಿಸಿದ್ದಾರೆ.
 

*****



(Release ID: 1983427) Visitor Counter : 30


Read this release in: English , Urdu