صحت اور خاندانی بہبود کے مرکزی وزیر مملکت ڈاکٹر۔ بھارتی پروین پوار نے آج راجیہ سبھا میں ایک تحریری جواب میں یہ معلومات دی ہےکہ آیوشمان بھاو مہم 13 ستمبر 2023 کو عزت مآب صدر جمہوریہ ہند کی طرف سے شروع کی گئی تھی۔ آیوشمان بھاو مہم ہر گاؤں/ قصبے میں صحت کی  مخصوص دیکھ بھال کی خدمات میں  سو فیصد عمل درآمد  کا تصور پیش  کرتی ہے جو عزت مآب وزیر اعظم کے آخری میل تک رسائی،معاشرے کے ہر فرد کے لیے صحت کی دیکھ بھال کی خدمات کو یقینی بنانے کے عزم کے مطابق ہے۔ ‘آیوشمان بھَو’  مہم میں درج ذیل  پروگرام  شامل ہیں:

’آیوشمان – آپ کے دوار 3.0‘ میں انفرادی سطح پر آیوشمان کارڈ کی سو فیصد تک تکمیل  حاصل کرنا، آیوشمان کارڈز کو مزید ڈیلیوری کے مقصد سے فیلڈ لیول ورکرز کے لئے  پرنٹ کرنا اور ان کے درمیان تقسیم کرنا، اور ملک گیر آیوشمان کارڈ ڈیلیوری مہم شروع کرنا شامل ہے۔ اس مہم میں صحت، پنچایتی راج، اور دیہی ترقی کے محکموں کے ساتھ تعاون شامل ہے، جس میں آشا کارکنوں، صف اول کے کارکنوں  (ایف ایل ڈبلیوز) اور  خود امدادی گروپوں (سیلف ہیلپ گروپس)  کا تعاون حاصل کرنا ہے۔

اہم سرگرمیوں میں شامل ہیں:

1. ریاست کے لحاظ سے مستفید ہونے والے افراد کے لئے ڈیٹا بیس کی تیاری
2. سو فیصد عمل درآمد  کے اہداف کا تعین کرنا
3. فائدہ اٹھانے والوں کے نام شائع کرنا
4. کارڈ بنانے کے لیے صف اول کے کارکنوں(  ایف ایل ڈبلیوز) اور فیئر پرائس شاپس (ایف پی ایس) کو شامل کرنا، اور
5. بڑے پیمانے پر آئی ای سی مہم چلانا۔

قومی  صحت  اتھارٹی( این ایچ اے ) نے آیوشمان بھا مہم کے ایک حصے کے طور پر 17 ستمبر 2023 کو آیوشمان آپکے دواراے اے ڈی (3.0) شروع کیا ہے، جس میں آیوشمان ایپ کے ذریعے مستفید ہونے والوں کے لیے خود کی تصدیق کی خصوصیت کو فعال کیا گیا ہے۔ اینڈرائیڈ پر مبنی ‘آیوشمان ایپ’  نیشنل ہیلتھ اتھارٹی کی جانب سے لانچ کی گئی ہے، جسے جدید ترین ٹیکنالوجی کا استعمال کرتے ہوئے تیار کیا گیا ہے اور تصدیق کے مختلف طریقے یعنی آیوشمان کارڈ بنانے کے لیے چہرے کی اتھارٹی، آئی آر آئی ایس، او ٹی پی اور فنگر پرنٹ فراہم کیے گئے ہیں ۔  اس طریقہ کار کے ذریعہ یہ یقینی بنایا جاتا ہے کہ آیوشمان کارڈ بنانے کے لیے کسی بھی موبائل ڈیوائس کا استعمال کیا جا سکتا ہے۔

17 ستمبر 2023 سے آیوشمان آروگیہ مندر (سابقہ  اے بی- ایچ ڈبلیو سیز) میں منعقد ہونے والے اے بی- ایچ ڈبلیو سیز  ہیلتھ میلے، صحت کی خدمات، بیداری اور کمیونٹی کی شمولیت کے پلیٹ فارم کے طور پر کام کرتے ہیں۔ اہداف میں جلد تشخیص، بیداری پیدا کرنا، ہیلتھ آئی ڈی کے اجراء میں خامیوں  کو ختم کرنا، آبادی پر مبنی اسکریننگ، معمول کے ٹیکہ کاری کے پروگرام، اور پی ایم- جے اے وائی استفادہ کنندگان کے لیے  اس سے آگے کی کارروائی شامل ہیں۔مجموعی طور پر 9.96 لاکھ صحت میلوں کا اہتمام کیا گیا ہے ، ان میلوں میں حصہ لینے والوں کی کل تعداد کل 705.69 لاکھ، تندرستی/یوگا/میڈیٹیشن سیشن میں 6.81 لاکھ ہے، مفت ادویات حاصل کرنے والوں کی تعداد 468.81 لاکھ ہے۔ مفت تشخیصی خدمات حاصل کرنے والے لوگوں کی تعداد 372.61 لاکھ ہے اور7 قسم کی کی جانے والی  اسکریننگ کی کل تعداد 1377.06 لاکھ ہے۔

میڈیکل کالجز کی طرف سے کمیونٹی ہیلتھ سینٹرز(سی ایچ سیز) میں ہفتہ وار ہیلتھ میلے کا انعقاد بھی کیا جاتا ہے، تاکہ دیکھ بھال کے تسلسل کو یقینی بنانے کے لیے ہر بلاک پر ماہرین کی خدمات تک رسائی کو یقینی بنایا جا سکے جیسا کہ پرسوتی اور امراض نسواں (گائناکالوجی)، بچوں کے امراض کاعلاج( پیڈیاٹرکس) سرجری،ای این ٹی ، آنکھ اور نفسیاتی وغیرہ۔  17 ستمبر سے اب تک کل 26793سی ایچ سی صحت میلوں کے انعقاد  کی اطلاع  ہے، رجسٹرڈ مریضوں کی کل تعداد 110.64 لاکھ ہے، خصوصی او پی ڈی سے مشورہ کرنے والے مریضوں کی تعداد 34.59 لاکھ ہے، بڑی سرجریوں کی تعداد 26675 ہے اور چھوٹی سرجریوں کی تعداد 94433 ہے۔

آیوشمان بھَو مہم کے  کام کاج سے متعلق  رہنما خطوط کے مطابق،  صف اول کے کارکنوں فرنٹ لائن ورکرز(ایف ایل ڈبلیوز) کو آیوشمان آپکے دوار 3.0 کے تحت آیوشمان کارڈ بنانے کے لیے نیشنل ہیلتھ اتھارٹی کی طرف سے ترغیب دی جاتی ہے۔ مزید یہ کہ آیوشمان میلوں کے انعقاد کے لیے  غیر وابستہ  فنڈز کا استعمال کیا جاتا ہے۔ مزید برآں، ریاستیں/ مرکز کے زیر انتظام علاقے پنچایتی راج اداروں (پی آر آئیز) / شہری  بلدیاتی ادارے  (یو ایل بیز) / مقامی این جی اوز/ کارپوریٹ سماجی ذمہ داریاں (سی ایس آر فنڈز)/ ممبران پارلیمنٹ لوکل ایریا ڈیولپمنٹ اسکیم (ایم پی ایل اے ڈی ایس) فنڈز وغیرہ کے ذریعے اضافی وسائل جمع  کئے جاتے ہیں۔

آیوشمان کارڈ (پی ایم جے اے وائی کارڈ) اور اے بی ایچ اے شناختی کارڈ کی تفصیلات جوآیوشمان بھَو مہم کے تحت جاری کی گئی ہیں جیسا کہ 28.11.2023 کو اطلاع دی گئی ہے، ضمیمہ میں دی گئی ہیں۔

ضمیمہ

آیوشمان بھَو مہم کے دوران بنائے گئے آیوشمان کارڈز اور اے بی ایچ اے کارڈز کی ریاست وار تفصیلات

*************

 

ش ح۔ س ب۔ رض

U. No.1863

(Release ID: 1982975) Visitor Counter : 44