حکومت کے ذریعہ  15.02.2023کو وائبرنٹ ولیج پروگرام (وی وی پی ) کی منظوری کے بعد، متعلقہ ریاستوں/مرکزکے زیر انتظام علاقوں  میں وی وی پی کے نفاذ کے سلسلے میں بہت ساری سرگرمیاں شروع کی گئی ہیں۔ منظوری کے فوراً بعد، شناخت شدہ گاؤں  کی جامع ترقی کے لیے منصوبہ تیار کرنے کے لیے ریاستی/ضلعی عہدیداروں کی صلاحیت سازی کے لیے ایک قومی سطح کی ورکشاپ کا انعقاد کیا گیا۔ اس کے بعد متعلقہ اسٹیک ہولڈر وزارتوں/محکموں/ریاستوں/مرکز کے زیر انتظام  کے ساتھ ملاقاتوں اور بات چیت کا سلسلہ جاری ہے۔

  شناخت شدہ گاؤں  میں رونق لانے کے لیے، مرکزی کابینہ کے 17 وزراء نے اب تک کچھ شناخت شدہ گاؤں  کا دورہ کیا ہے اور رات کا قیام کیا ہے تاکہ ان گاؤں میں مرکزی حکومت کی اسکیموں کے نفاذ کی حالت وضع کی جا سکے اور ان کی ترقیاتی ضروریات کے بارے میں گاؤں کے لوگوں  کی پہلی رائے حاصل کی جا سکے۔

  اب تک تقریباً 2900 سرگرمیاں جن میں میلے، تہوار، مقامی ثقافتی ورثے کا فروغ، بیداری کیمپ، کھیلوں کے اجلاس، ہیلتھ اسکریننگ کیمپ، ویٹرنری کیمپ وغیرہ شامل ہیں، وائبرنٹ ولیجز میں منعقد کیے گئے ہیں۔ مرکزی وزارتوں/ محکموں اور متعلقہ ریاستوں/ مرکز کے زیر انتظام علاقوں کے سینئر افسران نے بھی شناخت شدہ گاؤں  کا دورہ کیا ہے۔

  ریاستوں/ مرکز کے زیر انتظام علاقوں نے حال ہی میں گاؤں کی جامع ترقی کے لیے درکار کاموں/ پروجیکٹوں کی نشاندہی کرتے ہوئے اپنے ولیج ایکشن پلان (وی اے پی ) کو آگے بڑھایا ہے۔ مختلف مرکزی وزارتوں/محکموں کی جاری اسکیموں کے تحت شروع کیے جانے والے کاموں/پروجیکٹوں کو ترجیحی بنیادوں پر ان کی اسکیموں کے تحت شناخت شدہ گاؤں  کا احاطہ کرنے کے لیے انہیں بھیج دیا گیا ہے۔ وی وی پی کے تحت فنڈ ریلیز وی وی اے پی  کے تحت پیش کیے گئے کاموں/ پروجیکٹوں کی منظوری سے مشروط ہے۔

پچھلے پانچ سالوں (2018-19 سے 2022-23) کے دوران بارڈر ایریا ڈیولپمنٹ پروگرام (بی اے ڈی پی ) کے تحت 2005.16 کروڑ کی رقم جاری کی گئی ہے۔

یہ بات امور  داخلہ کے وزیر مملکت  جناب نسیت پرمانک نے لوک سبھا میں ایک سوال کے تحریری جواب میں کہی۔

۔۔۔۔۔۔۔۔۔۔۔

ش ح۔ ا م۔

U- 1809

(Release ID: 1982739)