بھارتی  بحریہ کے طویل فاصلاتی  مشن کی بنیاد پر تعیناتی کے ایک حصے کے طور پر، بھارتی  بحریہ کا جہاز سومیدھا 04 سے 06 دسمبر 2023 تک مڈغاسکر کے انتسیرانانا  کی بندرگاہ پر پہنچے گا ۔ اس دورے کا مقصد مڈغاسکر کے ساتھ سمندری تعاون ،  میری ٹائم سیکورٹی کو بڑھانے، دوستانہ تعلقات کو مستحکم کرنے  کے لیے بھارتی  بحریہ کے عزم کو تقویت دینا ہے۔  بھارت   اور مڈغاسکر کے درمیان روایتی طور پر گرمجوشی اور دوستانہ تعلقات رہے ہیں، جن میں جمہوریت، سیکولرازم اور ترقی کی مشترکہ اخلاقیات شامل ہیں ۔  یہ تعیناتی مشرقی افریقی ممالک کے ساتھ بھارت   کے گرمجوشی اور خوشگوار تعلقات کو بھی اجاگر کرتی ہے۔

اپنے قیام کے دوران، آئی این ایس سومیدھا پیشہ ورانہ اور، بہترین طریقوں کے تبادلے کے لیے کراس ٹریننگ اور ملاگاسی بحریہ کے اہلکاروں کے ساتھ بات چیت میں مشغول ہوگا۔ اس دورے کا مقصد بحر ہند کے خطے میں دونوں دوست بحری افواج کے درمیان صلاحیتوں کی تعمیر کے لیے باہمی تعاون کو بڑھانا ہے اور یہ خطے میں سب کے لیے سلامتی اور ترقی کے وزیر اعظم کے وژن (ساگر) سے مطابقت رکھتا  ہے۔ یہ جہاز 06 دسمبر 2023 کو روانگی کے بعد ملاگاسی بحریہ کے ساتھ میری ٹائم پارٹنرشپ ایکسرسائز (ایم پی ایکس) بھی کرنے والا ہے، جس میں میری ٹائم آپریشنز کے مختلف پہلوؤں جیسے مواصلاتی مشقیں، ٹیکٹیکل مشقیں اور فلائنگ آپریشنز کی منصوبہ بندی کی گئی ہے۔

  آئی این ایس سومیدھا ، سریو کلاس کا ، مقامی طور پر تعمیر کردہ ساحل سے دور بحریہ کا گشتی جہاز (این او پی وی) میں تیسرا جہاز ہے جو آزادانہ طور پر اور بیڑے کے آپریشنز کی حمایت میں متعدد کرداروں کے لیے تعینات ہے۔ وہ وشاکھاپٹنم میں مقیم بھارتی  بحریہ کے مشرقی بحری بیڑے کا حصہ ہے اور فلیگ آفیسر کمانڈنگ ان چیف، مشرقی بحریہ کمان کی آپریشنل کمانڈ کے تحت کام کرتی ہیں۔

جہاز کئی ہتھیاروں کے نظام، سینسر، جدید ترین نیویگیشن اور کمیونیکیشن سسٹم/الیکٹرانک وارفیئر سوٹ سے لیس ہے۔ سومیدھا نے مختلف فلیٹ سپورٹ آپریشنز، ساحلی اور آف شور گشت، سمندری نگرانی، غیر جنگی انخلاء آپریشنز اور ایچ اے ڈی آر مشنز کیے ہیں۔ اس جہاز کو 06 سے 15 ستمبر 2023 تک ایکسرسائز برائٹ اسٹار (مصر میں دو سالہ طور پر منعقد ہونے والی کثیر القومی مشق) اور 24 سے 26 اکتوبر 2023 تک بھارت  -یورپی یونین کی مشترکہ بحری مشق میں حصہ لینے کے لیے بھارتی  بحریہ کا پہلا جہاز ہونے کا اعزاز بھی حاصل ہے۔

*************

ش ح   ۔   و ا   ۔   ت ح

U- 1750

(Release ID: 1982463) Visitor Counter : 75