ঙরাং অগরতালাদা ভিদিও কনফরেন্সকী খুৎথাংদা “অৱাং-নোংপোক্তা শেন-থুমগী থবকশিংনা মীওই খুদিংমক কোনশিনবা হেনগৎহনবা” হায়বা হীরমদা পাংথোকপা সেন্ত্রেল লেভেল কোওর্দিনেসন কম্মিতি মীফমদা শরুক য়াখিবশিংদা রুরেল দিবলপমেন্ত মিনিস্ত্রিগী সেক্রেতরি, শ্রী সাইলেস কুমার সিংহনা ৱা ঙাংখ্রে। মহাক্না হায়খি মহৌশাগী ফজবা অমসুং লন-থুমশিং মরাং-কাইনা ফংলিবা অৱাং-নোংপোক্কী রাজ্য নিপাল অসিদা বেঙ্কশিংনা মরুওইবা থৌদাং অমা লৌগদবনি। সেন্ত্রেল লেভেল কোওর্দিনেসন কম্মিতি মীফম অদু রুরেল দিবলপমেন্ত মিনিস্ত্রিগী এদিসনেল সেক্রেতরি শ্রী চরনজিৎ সিংহনা চিয়ার লৌখি। অৱাং-নোংপোক লমদমদা শেন-থুমগী খুদোংচাবশিং মীওই খুদিংমক ফংহন্নবা থবকশিং পায়খৎনবা ৱারেপ লৌখি অমসুং হৌজিক ওইরিবা ফিবম শ্রী চরনজিৎ সিংহনা  নৈনখি। অস্তা লক্ষমী হায়না খঙনরিবা অৱাং-নোংপোক রাজ্যশিংদা খুন্নাই অমসুং শেন-থুম চাউখৎপগী খোঙজেল য়াংশিন্নবা মীপুম খুদিংমক শেন-থুমগী থবকশিংগী খুদোংচাবশিং ফংহন্নবা থবক পায়খৎলে।

কম্মিতি মীফমগী থিমদি “অৱাং-নোংপোক্তা শেন-থুমগী থবকশিংনা মীওই খুদিংমক কোনশিনবা হেনগৎহনবা” হায়বনি।  মীফমগী মরুওইবা পান্দমশিংদি শেন-থুমগী থবকশিংনা মীওই খুদিংমক কোনশিনবা অমসুং ভারত সরকারগী রুরেল দিবলপমেন্ত মিনিস্ত্রিগী মখাদা পায়খৎপা দিনদয়াল অন্তয়োদয়া য়োজনা-নেসনেল রুরেল লাইফলিহুদ মীসন মাইপাক্না পায়খৎপদগী নুপীশিংগী হেল্ফ হেল্প গ্রুপশিং চাউখৎহনবনি।

এদিসেনেল সেক্রেতরি শ্রী চরনজিৎনা হায়খি খুঙ্গংগী নুপী করোর ৯.৮৭ না সেল্ফ হেল্প গ্রুপ লাখ ৯০ শেমগৎতুনা বেঙ্কশিংদগী লুপা করোর লাখ ৭.৬৫ লোন লৌরে অমসুং লোন ফজনা শিংদুনা এন.পি.এ চাদা ১.৭ রোম ওইরি। হায়রিবা নুপীশিংগী সেল্ফ হেল্প গ্রুপশিংগা শেন-থুমগী থবকশিং খুদিংমক্কা শম্নবা ঙম্নবা কম্মুনিতি রিছোর্স পর্সন লাখ ৩ হেন্না শেমগৎলে। তোঙান-তোঙানবা শেন-থুমগী থবকশিংগী খুদোংচাবশিং ফংহন্নবা ফাইনান্সিএল লিতরেসি কম্মুনিতি রিছোর্স পর্সন ৪০,৩৫৩ অমসুং বেঙ্কিং করেসপোন্দেন্দ সাখিশিং অমসুং বিমা মিত্রা ১,১৮,৩০০ খুঙ্গংগী লমশিংদা থবক তৌরি। লাখপতি দিদি করোর ২ শেম্নবা প্রধান মন্ত্রী শ্রী নরেন্দ্র মোগী মঙলান মঙফাওনবা ঙম্নবা লনাই সেল্ফ হেল্প গ্রুপ নুপীশিংদা লোন পীদুনা হায়রিবা সেল্ফ হেল্প গ্রুপশিংগী খুৎথাংদা তুমিন্না অওনবা অমা পুরক্লে।

রুরেল লাইফলিহুদসকী জোইন্ত সেক্রেতরি, স্মৃতি সারন্না হায়খি অৱাং-নোংপোক্ত খুদোংচাবা কয়া মরাংকাইনা ফংলি অদুবু মসিগী কান্নবা লৌদে। নুপীশিং থবক শুবগী চাং হেনগৎহন্নবা নুপা-নুপীগী মরক্তা খেন্নবা লৈহন্দবা অমসুং শেন-থুমগী মনিংতম্বা পীবা হায়বসি য়াম্না মরুওই।

অৱাং-নোংপোক লমদমদা শেন-থুমগী থবকশিংগী খুদোংচাবশিং ফংহনবা হেনগৎহন্নবগী মতাংদা বেঙ্কশিং, রিজার্ব বেঙ্ক ওফ ইন্দিয়া, ফাইনান্সিএল সর্বিসেস দিপার্তমেন্ত, ফাইনান্স মিনিস্ত্রি, দোনর, নাবার্দকী সেনিয়র ইজুকিউতিপশিংনা মখোয়গী ওইবা ৱাফমশিং ফোঙদোকখি। 

রুরেল লাইফলিহুদকী দিরেক্তর শ্রী রাঘভেন্দ্র প্রতাপ সিংহনা ২৪শুবা সেন্ত্রেল লেভেল কোওর্দিনেসন কম্মিতিগী মীফম অদু লোইশিনখি অমসুং লমদম অসি চাউখৎহনবদা শেন-থুমগী খুদোংচাবশিং মীওই খুদিংমক ফংহনবনা মরুওইবা থৌদাং অমা লৌগনি হায়না ফোঙদোকখি।

***

(Release ID: 1981283) Visitor Counter : 49