প্রধান মন্ত্রীনা লুচিংদুনা ফমখিবা মন্ত্রী-মন্দল মীফমনা কেন্দ্র সরকারনা প্রধান মন্ত্রী গরীব কল্যান অন্ন য়োজনা (PMGKAY)গী মখাদা জনুৱারী 1, 2024দগী চৎনবা হৌদুনা চহি মঙাগী মতমগী ওইনা বেনিফিসরী করোর  81.35দা লেম্না চেং-হৱাই পীনবা ৱারেপ লৌখ্রে।

চহি 5গী মতমদা লুপা করোর লাখ 11.80রোমগী শেনফম চংনা মীওই করোর 81.35গী ফুদ অমসুং ন্যুত্রিসন সেক্যুরিতী ফংহন্নবা পান্দম থম্মিবা PMGKAY অসিবু মালেমগী খ্বাইদগী চাউবা সোসিএল ৱেল্ফিয়র স্কিমশিংগী মরক্তা অমা ওইহল্লি পুৱারী ওইরবা ৱারেপ অমনি।

ৱারেপ অসিনা ইকাই খুম্নরবা পি.এম. শ্রী নরেনদ্র মোদীগী মীয়ামদা তঙাই ফদবা চীঞ্জাক অমসুং মচি-ওইবশিংগী মথৌ তাবশিং ফংহনবগী খুত্থাংদা ইফিসিএন্ত অমসুং তার্গেতেদ ৱেল্ফিয়রগী মাইকৈদা চংশিল্লিবা অচৌবা ফিরেপ অদু তাক্লি। অমৃত কাল মনুংদা অসুম্না পাকচাউনা ফুদ সেক্যুরিতী ফংহনবা অসিনা এস্পিরেস্নেল অমসুং চাউখৎপা ভারত অমা শেমগৎপগী মাইকৈদা খোঙথাংশিং লৌখৎপদা মরু ওইবা থৌদাং অমা লৌরগনি।

1.1.2024দগী হৌদুনা চহি 5গী ওইনা PMGKAYগী মখাদা লেম্না চেং-হৱাই (চেং, গেহু অমসুং কোর্স গ্রেন/মিল্লেৎস) ফংহনবা অসিনা ফুদ সেক্যুরিতী মপাঙ্গল কনখৎহনগনি অমসুং লায়বা অমসুং শোত্থরবা শরুকশিংগী শেল-থুমগী অৱাবা কোকহল্লগনি। মসিনা কম্মন লোগোগী মখাদা ফিয়র প্রাইস শোপ লাখ 5 হেনবগী নেৎৱার্ক অমগী খুত্থাংদা রাজ্য/UT পুম্নমক্তা লেম্না চেং-হৱাই ফংহনবদা লৈবাক পুম্বদা য়ুনিফোর্মিতী লৈহনগনি।

মসিনা ONORC- ৱান নেসন ৱান রাসন কার্দ – ইনিসিএতিবকী মখাদা লৈবাক অসিদা লৈবা ফিয়র প্রাইস শোপ অমা হেক্তদা চেং-হৱাই লেম্না লৌহন্দুনা বেনিফিসরীশিংদা ইজ ওফ লিবিংসু ফংহল্লগনি। ইনিসিএতিব অসি মাইগ্রেন্তশিংগীদমক দিজিতেল ইন্দিয়াগী মখাদা পুরকখিবা তেক্নোলোজী বেজ রিফোর্মশিংগী শরুক ওইনা এন্তাইতলমেন্তশিংগী ইন্ত্রা অমসুং ইন্তর সে্তৎ পোর্তেবিলিতী অনিমক ফংহল্লি। লেম্না চেং-হৱাই ফংহনবনা লৈবাক শিনবা থুংবদা ৱান নেসন ৱান রাসন কার্দ (ONORC)গী মখাদা পোর্তেবিলিতীগী য়ুনিফোর্ম ইমপ্লিমেন্তেসন ঙমহনগনু অমসুং মসিগী চোইস-বেক প্লেৎফোর্ম অসি হেন্না মপাঙ্গল কনখৎহনগনি।

PMGKAYগী মখাদা চেং-হৱাই চহি মঙা য়েন্থোক্নবগী চাউরাকপা ফুদ সবসিদী অসি লুপা করোর লাখ 11.80 ওইগনি। অসুম্না কেন্দ্রনা তার্গেতেদ পোপুলেসন্দা লেম্না চেং-হৱাই ফংহন্নবা PMGKAYগী মখাদা ফুদ সবসিদী ওইনা মথংগী চহি মঙাগী মতমগী ওইনা চাউরাক্না লুপা করোর লাখ 11.80 চাদিং তৌগনি।

জনুৱারী 1, 2024দগী চৎনবা হৌগদৌরিবা চহি মঙাগী ওইনা PMGKAYগী মখাদা লেম্না চেং-হৱাই ফংহন্নবা প্রোবিজন অসিনা নেস্নেল ফুদ এন্দ ন্যুত্রিসন সেক্যুরিতী কোকহন্নবা ইকাই খুম্নরবা প্রধান মন্ত্রী শ্রী নরেন্দ্র মোদীগী তুং কোইনা চৎকদবা ফিরেপ অমসুং বিজন অদু তাক্লি। লেম্না চেং-হৱাই ফংহনবগী প্রোবিজন অসিনা তুং কোইনা চৎকদবা মওং অমদা খুন্নাইগী শোত্থরবা শরুকশিংনা থেংনরিবা শেল-থুমগী অৱাবা অসি হন্থহনগনু অমসুং পব্লিক দিস্ত্রিব্যুসন সিস্তেমগী ইফেক্তিব পেনিত্রেদন তৌনবগীদমক মরু ওইবা বেনিফিসরীশিংদা জিরো কোস্ততা ফংহনবগা লোয়ননা তুং কোইগদবা প্রাইসিং স্ত্রেতেজী অমা লৈহনগনি।

খুদম ওইনা অন্ত্যোদয় ইমুং অমগী চেং 35 kgগী ইকনোমিক কোস্ত অসি লুপা 1371 ওইগনি অমরোমদা গেহু 35 kgদা লুপা 946 কোইগনি, মসি PMGKAYগী মখাদা GOIনা পুথোক্লি, অমসুং ইমুংশিং অসিদা চেং-হৱাই লেম্না ফংহল্লি। অসুম্না লেম্না চেং-হৱাই ফংবনা রাসন কার্দ পাইবশিংগী থাগী সেভিং অসি চাউনা তৌবা ঙম্মি।

ভারত সরকারনা লৈবাক্কী মীয়ামদা – ক্বালিতী লৈবা চেং-হৱাইশিংগী মরাং কাইবা চাংদা ফংহনবগী খুত্থাংদা ফুদ অমসুং ন্যুত্রিসন সেক্যুরিতী এক্সেস তৌহন্দুনা মখোয়দা ইজৎ লৈবা পুন্সি অমা হিংহন্নবা ফিরেপ অমা লৈ। স্কিম অসিনা ভারত সরকারনা PMGKAYগী মখাদা মীওই করোর 81.35 শকখিবা ৱাশক অদু থুংহনবদা শরুক তমগনি।

বেনিফিসরীশিংগী য়াইফনবা অমসুং তার্গেতেদ পোপুলেসনগীদমক চেং-হৱাইগী এক্সেসিবিলিতী, এফোর্দেবিলিতী অমসুং এভাইলেবিলিতীদা ফুদ সেক্যুরিতী মপাঙ্গল কনখৎহন্নবা অমসুং রাজ্যশিংদা য়ুনিফোর্মিতী লৈহন্নবা হায়রিবা ৱাখল্লোন অসিগী মখাদা চহি মঙাগী ওইনা PMGKAYগী মখাদা মখা তানা লেম্না চেং-হৱাই পীনবা ৱারেপ লৌখি।

মসিগী পুৱারী ওইরবা ৱারেপ অসি লৈবাক অসিদা ফুদ অমসুং ন্যুত্রিসন সেক্যুরিতী মপাঙ্গল কনখৎহন্নবা মাইকৈদা ভারতকী ইকাই খুম্নরবা প্রধান মন্ত্রী, শ্রী নরেন্দ্র মোদীগী কত্থোকপা অমসুং ফিরেপ অদু তাক্লি।

***