ہندوستان کے پاس جلد ہی جغرافیائی اختراع اور تحقیق کو فروغ دینے اور ملک میں جیو اسپیشل ڈومین کی ابھرتی ہوئی ٹیکنالوجی کے حل کی ضروریات کو پورا کرنے کے لیے، ایک سنٹر آف ایکسی لینس ہوگا۔

اس سنٹر آف ایکسی لنس- ایک پائلٹ کے قیام کے لیے 28 نومبر 2023 کو نیشنل جیو اسپیشل پروگرام- ڈی ایس ٹی، نیشنل انسٹی ٹیوٹ آف جیو انفارمیٹکس سائنس اینڈ ٹیکنالوجی (این آئی جی ایس ٹی)، سروے آف انڈیا اور آئی آئی ٹی تروپتی نویشکار آئی-ہب فاؤنڈیشن کے درمیان ایک سہ فریقی مفاہمت نامے پر دستخط کیے گئے۔

جیو اسپیٹل انوویشن اینڈ ریسرچ سینٹر آف ایکسی لینس (سی او ای) بطور پائلٹ کا مقصد، ملک میں جیواسپیٹل ڈومین کی ابھرتی ہوئی ٹیکنالوجی کے حل کی ضروریات کو پورا کرنا ہے۔ یہ مرکز جدید جغرافیائی ٹیکنالوجی پر مبنی اسٹارٹ اپس، صنعتوں، سرکاری شعبے کی کمپنیاں (پی ایس یوز) کی حمایت اور حوصلہ افزائی کرے گا جن کا معیشت کے بنیادی شعبوں میں اطلاق اور اثر ہے۔

پروفیسر ابھے کرندیکر، سکریٹری، ڈی ایس ٹی نے روشنی ڈالی کہ یہ شاید قومی جغرافیائی پالیسی کے کچھ پہلوؤں کو نافذ کرنے کی سمت میں پہلا قدم ہے۔ انھوں نے مزید کہا کہ ’’جغرافیائی رہنما خطوط کو آزاد کرنے اور پالیسی لانے کے بعد، ہم سروے آف انڈیا میں اصلاحات کے عمل میں ہیں۔ ایک جغرافیائی ڈیٹا ایکسچینج قائم کرنے کا منصوبہ ہے۔ انکیوبیٹرز بھی قائم کیے جائیں گے تاکہ جغرافیائی ٹیکنالوجی کی ترقی کے ساتھ ساتھ ایسے اسٹارٹ اپس کو سپورٹ کیا جا سکے جو ایپلی کیشنز پر توجہ مرکوز کر سکیں‘‘۔

پروفیسر کرندیکر نے نشاندہی کی کہ جیو اسپیشل ڈیٹا سائنس ایک ابھرتا ہوا بین الضابطہ شعبہ ہے، جس میں جغرافیائی انجینئرنگ، کمپیوٹر سائنس اور انفارمیشن ٹیکنالوجی شامل ہیں۔ انہوں نے مزید یہ بھی کہا کہ فوکسڈ انکیوبیٹرز کا قیام اور وقف سی او ای کے ذریعے صلاحیت کی تعمیر کو، جغرافیائی اعداد و شمار کی پالیسی کی سفارشات پر عمل درآمد کی ترجمانی  ہوگی۔

پروفیسر کرندیکر نے کہا کہ ’’ڈیٹا سائنس اور اے آئی ماڈل کا استعمال کرتے ہوئے، ورلڈ وائڈ ویب(ڈبلیو ڈبلیو ڈبلیو) کا یہ پورا تصور، اگلے 10 سالوں میں تبدیل ہو سکتا ہے اور جغرافیائی پلیٹ فارم کے گرد مرکوز ہوسکتا ہے، جس کے ذریعے ہم مصنوعی انٹلیجنس اور مشین لرننگ کو یکجا کر کے، سیاق و سباق اور مقام پر مبنی، مستقبل کی تلاشوں کے لیے لکیری فیشن کی دونوں معلومات حاصل کر سکتے ہیں۔

ڈائرکٹر آئی آئی ٹی تروپتی ڈاکٹر کے این ستیہ نارائن نے این ایم- آئی سی پی ایس کے تحت تیار کردہ ٹیکنالوجی اختراعی ہب (ٹی آئی ایچ) کے بارے میں بتایا اور کہا کہ ٹی آئی ایچ کی چار بڑی سرگرمیاں ہیں - ٹیکنالوجی کی ترقی، صلاحیت کی تعمیر، اسٹارٹ اپ ایکو سسٹم کی تشکیل اور بین الاقوامی تعاون جن پرتوجہ مرکوز کرنا ہے۔

ہندوستان کے سرویئر جنرل جناب ہتیش کمار ایس مکوانا نے کہا کہ اس مفاہمت نامے کو تمام متعلقہ فریقین کی مشاورت سے تیار کیا گیا تھا۔ انہوں نے مزید کہا کہ ’’ہم چیلنجوں کے بارے میں محتاط ہیں اور اس کے مطابق ہمیں ان تمام چیلنجوں کے لیے ایک ایکشن پلان کی ضرورت ہے، جس کے لیے تمام متعلقہ فریقین کا مکمل تعاون درکار ہوگا‘‘۔

جناب سنیل کمار، جوائنٹ سکریٹری (جیو اسپیشل)، ڈی ایس ٹی کے ساتھ ڈی ایس ٹی، ایس او آئی اور آئی آئی ٹی تروپتی کے عہدیداروں نے بھی اس تقریب میں شرکت کی۔

ڈی ایس ٹی موجودہ ٹیکنالوجی کے جدت طرازی کے مرکزوں کے ساتھ ساتھ، ماہرین/اداروں کے ساتھ ہم آہنگی کے ساتھ کام کرے گا تاکہ ایک دوسرے کی طاقتوں کے ساتھ ساتھ جدت میں ہم آہنگی کے نتائج پیدا کرنے کے لیے تعاون کی طاقت کا فائدہ اٹھایا جا سکے۔ یہ اس بات کو یقینی بنائے گا کہ ایک متحرک فعال ماڈل موجود ہے جہاں پر توجہ مرکوز کی جانے والی ٹیکنالوجیاں مارکیٹ کی طلب سے چلتی ہیں۔

*****

U.No.1562

(ش ح - اع - ر ا)   

(Release ID: 1980927) Visitor Counter : 82