స్టేట్ సపోర్ట్ మిషన్ కింద ఎంటర్ ప్రెన్యూర్ షిప్ ద్వారా మహిళల నేతృత్వంలోని అభివృద్ధి కి దోహదం చేసేందుకు నీతి ఆయోగ్ రెండో స్టేట్ వర్క్ షాప్ ను నిర్వహించింది. ఉమెన్ ఎంటర్ ప్రెన్యూర్ షిప్ ప్లాట్ ఫాం (డబ్ల్యూ ఇ పి ), అరుణాచల్ ప్రదేశ్ ప్రభుత్వం సహకారంతో 2023 నవంబర్ 24న ఇటానగర్ లోని డోర్జీ ఖండూ స్టేట్ కన్వెన్షన్ సెంటర్ లో వర్క్ షాప్ జరిగింది. ఈశాన్య ప్రాంతంపై దృష్టి సారించిన ఈ వర్క్ షాప్ లో మొత్తం ఎనిమిది ఈశాన్య రాష్ట్రాల ప్రతినిధులు పాల్గొన్నారు.                                                                     

ముఖ్యఅతిథిగా హాజరైన అరుణాచల్ ప్రదేశ్ ముఖ్యమంత్రి శ్రీ పెమా ఖండూ ప్రారంభ సభలో ప్రసంగిస్తూ,  అరుణాచల్ ప్రదేశ్ రాష్ట్రంలో మహిళా ఔత్సాహిక పారిశ్రామికవేత్తలకు మద్దతుగా రూ.5 కోట్ల ప్రారంభ నిధులతో ఉమెన్ ఎంటర్ ప్రెన్యూర్ షిప్ సెల్ ను ఏర్పాటు చేస్తున్నట్లు ప్రకటించారు. 'సబ్ కా సాథ్, సబ్ కా వికాస్, సబ్ కా విశ్వాస్, సబ్ కా ప్రయాస్' పట్ల ప్రభుత్వ నిబద్ధతను ప్రతిబింబించే ఇంక్యుబేషన్, యాక్సిలరేషన్ తో సహా ప్రత్యేక కార్యక్రమాలను ఈ సెల్ నిర్వహిస్తుంది. మహిళా ఔత్సాహిక పారిశ్రామికవేత్తలకు పర్యావరణ వ్యవస్థను నిర్మించడంలో డబ్ల్యూ ఇ పి చేస్తున్న ప్రయత్నాలను అభినందించిన ఆయన డబ్ల్యూ ఇ పి తో నిరంతర సహకారాన్ని ఆకాంక్షించారు.                                                                    

అరుణాచల్ ప్రదేశ్ ప్రభుత్వ ప్రధాన కార్యదర్శి శ్రీ ధర్మేంద్ర తన ప్రసంగంలో, ఈ ప్రాంతంలో మహిళా వ్యవస్థాపకతను పెంపొందించడానికి ప్రభుత్వం చేపట్టిన కార్యక్రమాలను వివరించారు. వారికి ఆర్థిక, నైపుణ్య అభివృద్ధి, డిజిటల్ అక్షరాస్యత , మార్గదర్శకత్వం పొందడంలో ప్రభుత్వ మద్దతు అవసరాన్ని నొక్కి చెప్పారు.

అటల్ ఇన్నోవేషన్ మిషన్ నీతి ఆయోగ్ మిషన్ డైరెక్టర్ శ్రీ చింతన్ వైష్ణవ్ వికసిత్ భారత్ 2047 ద్వారా ఔత్సాహిక పర్యావరణ వ్యవస్థను పెంపొందించే చర్యలపై  ప్రసంగించారు.

నీతి ఆయోగ్ సీనియర్ అడ్వైజర్, మిషన్ డైరెక్టర్ డబ్ల్యూ ఇ పి అన్నా రాయ్ మాట్లాడుతూ , సహకార సమాఖ్య విధానాన్ని పెంపొందించడానికి నీతి ఆయోగ్ ఆదేశాన్ని, ఈ ఎజెండాను ముందుకు తీసుకెళ్లడంలో స్టేట్ సపోర్ట్ మిషన్ ముఖ్యాంశాలను వివరించారు. ఈశాన్య రాష్ట్రాల్లో మహిళల నేతృత్వంలోని అభివృద్ధికి ఉత్ప్రేరకంగా డబ్ల్యూ ఇ పి పాత్రను ఆమె నొక్కి చెప్పారు. ప్రముఖ మహిళా పారిశ్రామికవేత్తలు విధాన పర్యావరణ వ్యవస్థలను ఉపయోగించుకోవడంలో వారి ప్రయాణం,  అంతర్దృష్టులను , దాతృత్వం పాత్ర , మహిళా పారిశ్రామికవేత్తలకు పరివర్తన ప్రభావాన్ని సృష్టించడానికి సహకారాలు గురించి పంచుకున్నారు.

వర్క్ షాప్ లో భాగంగా, గౌరవ అరుణాచల్ ప్రదేశ్ ముఖ్యమంత్రి ,  ప్రధాన కార్యదర్శి ఈశాన్య రాష్ట్రాల మహిళా పారిశ్రామికవేత్తల కోసం డబ్ల్యూ ఇన్ పి  అవార్డు టు రివార్డ్ (ఎటిఆర్) కింద అనేక కార్యక్రమాలను ప్రారంభించారు, వీటిని పరిశ్రమ ,పర్యావరణ నాయకుల భాగస్వామ్యంతో ప్రత్యేకంగా రూపొందించారు. క్లీన్ ఎనర్జీ ఎంటర్ ప్రిన్యూర్ షిప్ కు మద్దతు ఇవ్వడంపై దృష్టి సారించిన అటల్ ఇన్నోవేషన్ సెంటర్-సెల్కో ఫౌండేషన్ భాగస్వామ్యంతో "కాటలిస్టెక్ ఎంటర్ప్రెన్యూహెర్ ఇన్నోవేషన్ ఛాలెంజ్" మొదటి ప్రయోగం. వ్యవసాయం, ఆరోగ్య సంరక్షణ, సూక్ష్మ వ్యాపారాలు వంటి కీలక రంగాల్లో మహిళా పారిశ్రామికవేత్తలకు సాధికారత కల్పించడం, మహిళా పారిశ్రామికవేత్తల్లో సుస్థిరత, వాతావరణ స్థితిస్థాపకత కోసం అవగాహన, పరిష్కారాలను సృష్టించడం ఏటీఆర్ లక్ష్యం.

మహిళా పారిశ్రామికవేత్తల ఎదుగుదలను ప్రోత్సహించడానికి ఈశాన్య ప్రాంతంలోని మహిళా హోమ్ స్టే యజమానులకు శిక్షణ,  సామర్థ్యాన్ని పెంపొందించడానికి మేక్ మై ట్రిప్ భాగస్వామ్యంతో "మైత్రి ప్రోగ్రామ్" రెండవ ప్రారంభం. ఎటిఆర్ ప్రోగ్రామ్ హోమ్ స్టే యజమానులకు మేక్ మై ట్రిప్ తో సహా ఆన్ లైన్ మార్కెట్ ప్లేస్ లను ఉపయోగించడంపై శిక్షణను అందిస్తుంది.  బలమైన డిజిటల్ ఉనికిని సృష్టించడానికి వారి వ్యాపారాలను ఆన్ లైన్ లో మార్కెట్ చేస్తుంది.

తదుపరి భాగస్వామ్యాలు మహిళా సంస్థలకు అనుకూలమైన వాతావరణాన్ని నిర్మించడంపై దృష్టి సారించాయి. ఇందులో ఒకటి -మూడు నేపథ్యాలకు చెందిన మహిళా పారిశ్రామికవేత్తలకు నైపుణ్యాలను అందించే "నాస్కామ్ ఫ్యూచర్ స్కిల్స్ ప్రోగ్రామ్: నాన్-టెక్, సెమీ-టెక్ , టెక్ షార్ట్ లెర్నింగ్ మాడ్యూల్స్ ద్వారా వ్యవస్థాపకులకు నిర్మాణాత్మక ప్రయోగాల ద్వారా భావనలను పరీక్షించడానికి, వ్యాపార వ్యూహాన్ని మెరుగుపరచడానికి, వారి వ్యాపారాన్ని పెంచడానికి , వారి వినియోగదారులకు విలువను సృష్టించడానికి మూలధనాన్ని సమీకరించడంలో సహాయపడతాయి.

ఈశాన్య మహిళా ఔత్సాహిక పారిశ్రామికవేత్తలకు మార్గదర్శకత్వం, నెట్వర్కింగ్ అవకాశాలను పెంపొందించడం, భాగస్వామ్యాలను పెంపొందించడం, కొత్త మార్కెట్లను యాక్సెస్ చేయడం, మహిళా ఔత్సాహిక పారిశ్రామికవేత్తల అవసరాలకు అనుగుణంగా నైపుణ్యాభివృద్ధి, సామర్థ్యాన్ని పెంపొందించడం, వారికి అంతర్జాతీయ వ్యాపార అవకాశాలను కల్పించడం కోసం ఫిక్కీ ఎఫ్ఎల్ఓ "ఎఫ్ఎల్ఓ ఎంఎస్ఎంఇ అసిస్ట్ సెంటర్"ను ప్రారంభించింది.                                                                     

బిట్స్ పిలానీ, ఆదిత్య బిర్లా ఫౌండేషన్ సంయుక్తంగా సాంకేతిక ఆధారిత విధానాల ద్వారా భారతదేశాన్ని మారుస్తున్న మహిళా సంస్థలను గుర్తించడానికి "ఉమెన్ ప్రెన్యూర్ " కార్యక్రమాన్ని ప్రారంభించాయి. ఈ కార్యక్రమం ద్వారా మహిళా ఔత్సాహిక పారిశ్రామికవేత్తలు 18 నెలల పాటు సాగే ఇంక్యుబేషన్ ప్రోగ్రామ్ లో పాల్గొనే అవకాశం లభిస్తుంది, ఇది స్కేలింగ్ కు ఒకరికొకరు మార్గదర్శకత్వం,  మార్కెట్ మద్దతును అందిస్తుంది. రూ.10 లక్షల వరకు సీడ్ ఫండింగ్ గెలుచుకునే అవకాశాన్ని అందిస్తుంది.

డబ్ల్యూ ఇ పి పరిధిని విస్తరించడానికి, ఇ టి హెచ్ భాగస్వాములు మాస్టర్ కార్డ్ , స్క్వేర్ పాండా డబ్ల్యూ ఇ పి లో కొత్త ఫీచర్లను ప్రకటించాయి,  12 భాషల్లో కంటెంట్, చాట్ బాట్ ,  అనేక ఇతర ఫీచర్లు ఉన్నాయి.

గౌరవ అరుణాచల్ ప్రదేశ్ ముఖ్యమంత్రి డబ్ల్యూ ఇ పి ప్లాట్ ఫామ్ (www.wep.gov.in)లో రిజిస్టర్ చేసుకోవాలని, తాను ప్రారంభించిన అన్ని కార్యక్రమాల నుంచి ప్రయోజనాలు పొందాలని కోరారు.

మహిళా పారిశ్రామికవేత్తలు, స్థానిక స్వయం సహాయక బృందాలు, ప్రభుత్వ అధికారులు, పరిశ్రమ ప్రతినిధులు, ఇంక్యుబేటర్లు/ యాక్సిలరేటర్లు, ఆర్థిక సంస్థలు, దాతృత్వ ఫౌండేషన్లు సహా 1500 మందికి పైగా ఈ వర్క్ షాప్ లో పాల్గొన్నారు. మహిళా ఔత్సాహిక పారిశ్రామికవేత్తలు తమ ఔత్సాహిక ప్రయాణాలను బలోపేతం చేసుకోవడానికి ఈ వర్క్ షాప్ ఉపయోగకరమైన సెషన్లను నిర్వహించింది. ఈశాన్య ప్రాంతానికి చెందిన సుస్థిర సాంకేతిక పారిశ్రామికవేత్తలను ప్రదర్శించడానికి సెల్కో ఫౌండేషన్ రూపొందించిన టెక్ ఎక్స్ పీరియన్స్ సెంటర్ ను కూడా కలిగి ఉంది.

 

***

(रिलीज़ आईडी: 1980899) आगंतुक पटल : 102