ঙা য়োকপা, শা-শন য়োকপা অমসুং শঙ্গোম পুথোকপা মন্ত্রালয়
এনিমেল হসবেন্দ্রী অমসুং দাইরিয়িং বিভাগনা ঙরাং গুৱাহাতিদা “নেস্নেল মিল্ক দে 2023” পালন তৌখ্রে
কেন্দ্র মন্ত্রী শ্রী রুপালানা “বেসিক এনিমেল হসবেন্দ্রী স্তেতিস্তিক্স 2023” অমসুং দাইরী সেক্তরদা চহি 10দা ফংখিবা মাইপাকপশিং উৎলিবা, কোফী তেবল বুক – “মিল্কী ৱে ওভর দি ইয়র্স” ফোঙখ্রে
শ্রী পরশোত্তম রুপালানা অসাম রাজ্যীদমক্তা A-HELP ত্রেনিং প্রোগ্রামসু হৌদোকখি অমসুং অহানবা ত্রেনিং বেৎচতা কিতশিং য়েন্থোকখি
“নেস্নেল মিল্ক দে 2023” পালন থৌরম মনুংদা খ্বাইদগী ফবা দাইর ফার্মরগী মকোক-মথং তাখ্রবশিংদা নেস্নেল গোপাল রতনা এৱার্দশিং পীখি
Posted On:
27 NOV 2023 5:15PM by PIB Imphal
এনিমেল হসবেন্দ্রী অমসুং দাইরিয়িং বিভাগনা ঙরাং গুৱাহাতিদা “নেস্নেল মিল্ক দে 2023” পালন তৌখ্রে। মসিগী অখন্নবা নুমিৎ অসি ঐখোয়গী লৈবাক্তা দাইরী সেক্তরগী মাইপাকপশিং অমসুং মরু ওইবা অদু হায়লাইৎ তৌদুনা “ভারত্তা হ্বাইৎ রিভোল্যুসন হৌদোক্লম্বা” দা ভর্গীস কুরিয়নগী মপোক কুমওনবু ইকাই খুম্নবগী অখন্নবা নুমিৎনি।
ফিশরীজ, এনিমেল হসবেন্দ্রী, অমসুং দাইরিয়িংগী কেন্দ্র মন্ত্রী, শ্রী পরশোত্তম রুপালানা অথোইবা মীথুংলেন ওইখি। অসাম সরকারগ এগ্রিকলচর, এনিমেল হসবেন্দ্রী অমসুং বেতেরিনরী মন্ত্রী, শ্রী অতুল বোরা অমসুং অসামগী ত্রান্সপোর্ত, ফিশরীজ অমসুং এক্সাইস মন্ত্রী, শ্রী পরিমাল শুকলাবাইদ্যা, অরুনাচল প্রদেশকী এনিমেল হসবেন্দ্রী অমসুং বেতেরিনরী মন্ত্রী, শ্রী তাগে তাকি, অসামগী মেম্বর্স ওফ পার্লিয়ামেন্ত অমসুং অতোপ্পা দিগনিতরীশংনা থৌরম অসিদা শরুক য়াখি।
মকো-মথং তাখ্রবশিংবু ওকপদা ফিশরীজ, এনিমেল হসবেন্দ্রী, অমসুং দাইরিয়িংগী কেন্দ্র মন্ত্রীনা ভারতনা মালেমগী ওইনা শঙ্গোম পুথোকপদা মাংজিল থারি অমসুং গ্লোবেল মার্কেৎশিংদা মফম কল্লি। মন্ত্রীনা দাইরী সেক্তর খুমাং চাউশিনহনবদা নহারোলশিংনা লৌরিবা মরু ওইবা থৌদাংশিং অমসুং সেক্তর অসি খুমাং চাউশিনহন্নবা ওন্তপ্রিনোরিএলগী খোঙথাংশিং অদু পনখি। হোলিস্তিক এপ্রোচ অসিনা লৈবাক্না দাইরী সেক্তরগী দোমেস্তিক গ্রোথ অমসুং ইন্তর্নেস্নেল এক্সপান্সন অনিমক য়োকখৎনবা অমদি মাগী নহারোলগী ইন্নোবেসন ওইবা ৱাল্লোন য়োকখৎনবা ফিরেপ অদু তাক্লি।
থৌরম অসিদা কেন্দ্র মন্ত্রী শ্রী রুপালানা 2022-23গী ওইনা শঙ্গোম, য়েরুম, শা অমসুং শামতু পুথোকপা উৎলিবা, “বেসিক এনিমেল হসবেন্দ্রী স্তেতিস্তিক্স 2023” অমসুং দাইরী সেক্তরদা চহি 10দা ফংখিবা মাইপাকপশিং উৎলিবা, কোফী তেবল বুক – “মিল্কী ৱে ওভর দি ইয়র্স” ফোঙখ্রে। কেন্দ্র মন্ত্রী শ্রী পরশোত্তম রুপালানা অসাম রাজ্যীদমক্তা A-HELP (এক্রেদিতেস এজেন্ত ফোর হেল্থ এন্দ এক্সতেন্সন ওফ লাইবস্তোক প্রদক্সন) ত্রেনিং প্রোগ্রামসু হৌদোকখি অমসুং অহানবা ত্রেনিং বেৎচতা কিতশিং য়েন্থোকখি
শ্রী অতুল বোরানা অসাম সরকারনা রাজ্য অসিদা সেক্স সোর্তেদ সিমেন হৌদোক্তুনা শঙ্গোম পুথোকপা হেনগৎহন্দুনা লৌমীশিংদা কান্নবা পীনবা পাইখৎলিবা খোঙথাংশিংগী মরমদা ফোঙদোকখি। মহাক্না অসাম সরকারনা মার্কেৎ লিঙ্কেজ দিবেলপ তৌনবা অমসুং ভেল্যু এদেদ মিল্ক প্রদক্তশিং দিবেলপ তৌনবা খোঙথাংশিং লৌখৎলি হায়নসু ফোঙদোকখি।
এনিমেল হসবেন্দ্রী অমসুং ফিশরীজ বিভাগকী সেক্রেতরী, কুমারি অল্কা উপাধ্যায়মা মহাক্কী ৱারোল পীবদা হায়খি মদুদি দাইরী সেক্তর অসি চাউনা খুমাং চাউশিল্লি অমসুং ঐখোয়গী লৈবাক্কী ইকনোমীদা অচৌবা থৌদাং অমা লৌরি।
লৈবাক অসিগী বেস্ত দাইরী ফার্মর রিয়রিং ইন্দিজিনস কেত্তল/বফেলো ব্রীদস, বেস্ত আর্তিফিসিএল ইনসেমিনেসন তেক্নিসিয়ন অমসুং বেস্ত দাইরী কোওপরেতিব সোসাইতী (DCS)/ মিল্ক প্রদ্যুসর কম্পনী/ দাইরী ফার্মর প্রদ্যুসর ওর্গনাইজেসনগী মকোক-মথং তাখ্রবশিংদা নেস্নেল গোপাল রতনা এৱার্দশিং পীখি।
থৌরম অসিদা সংবিধানগী নুমিৎকী ৱাশক লৌখি অমসুং “মেন কী বাত”কী 107 শুবা তাঙ্কক লাইব ওইনা শন্দোকখি।
থৌরম অসিগী মমাংদা অসাম বেতেরিনরী কোলেজকী বেতেরিনরী মহৈরোয়শিং অমসুং NCC য়ুনিৎ, স্তেৎ এনিমেল হসবেন্দ্রী বিভাগ, NDDB অমসুং WAMUL না থৱায় য়াওনা শরুক য়াবগা লোয়ননা অয়ুক্তা ৱাকাথোন অমসুং য়োগ সেসন অমা পাঙথোকখি।
ইন্নোবেতিব স্তার্ত অপশিং, ওন্তপ্রিনোরশিং অমসুং মিল্ক য়ুনিয়নশিং উৎলিবা একজিবিসন অমা অমসুং “ফীদ এন্দ ফোদ্দর ফোর সস্তেনেবল মিল্ক প্রদক্সন”দা তেক্নিকেল সেসন অমসু পাঙথোকখি। থৌরম অসিদা অসাম অমসুং অতোপ্পা NER রাজ্যশিংদগী লৌমী 3000 হেনবনা শরুক য়াখি।
******
(Release ID: 1980290)
Visitor Counter : 80