য়ুনিয়ন মিনিস্তর দোক্তর জিতেন্দ্র সিংহনা হায়খি অথুবা মতমদা লাদাখতা খা নোংপোক এসিয়াগী অহানবা নাইত স্কাই সেঙ্কচুরি লৈরগনি।

মিনিস্তরনা হায়খি ভারত সরকারগী সাইন্স অমসুং তেক্নোলোজি দিপার্তমেন্তদা এফিলিয়েত তৌবা ইন্দিয়ান ইন্সতিতুৎ ওফ এস্ত্রোফিজিক্স বেঙ্গালুরুগী মতেংগা লোয়ননা সেঙ্কচুরি লিংখৎকদবনি। প্রোজেক অসিদা থৱায় য়াওনা শরুক য়াবগীদমক মহাক্না লাদাখকী লেপ্তনেন্ত গভর্নর, ব্রিগেদিয়ার(পোথারবা) বি.দি মিশ্রা থাগৎপা ফোঙদোকখি।

মিনিস্তরনা হায়খি সাইন্স অমসুং তেক্নোলোজি মিনিস্ত্রি অমসুং সি.এস.আই.আরগী মহুৎশীন্দুনা, নোংপোক থংবা লাদাখকী হানলেদা লৈরিবা নাইত স্কাই রিজার্ব শঙ্গানবা ঐখোয়না প্রধান মন্ত্রী মোদীদা হায়জগনি।

য়ুনিয়ন তেরিতোরি লাদাখ লিংখৎখিবগী চহি ৪ মপুংফারকপগী থৌরমদা, নিউ দিল্লিদা ‘লাদাখস প্রাইদ’ একজিবিসন হৌদোক্লবা মতুংদা থৌরম অদুদা তিনখিবা মীয়ামদা সাইন্স অমসুং তেক্নোলোজিগী রাজ্য মন্ত্রী(মনিংতম্বা); পি.এম.ও, পর্সোনেল, পব্লিক গ্রিভান্সেস, পেসন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা ৱা ঙাংখি।

একজিবিসন অদু চীফ ইজুকিউতিপ কাউন্সিল্লর(সি ই সি) তাসি গ্যালসনগী লমজিং মখাদা লাদাখ ওতোনোমস হিল দিবলপমেন্ত কাউন্সিল-লেহনা শীনবনি। দ্রগ স্কাই রিজার্ব অদু চাংথাং ৱাইল্দ লাইফ সেঙ্কচুরিগী শরুক অমা ওইনা নোংপোক থংবা লাদাখকী হানলে খুঙ্গংদা লৈগনি। মসিনা ভারত্তা এস্ত্রো-তুরিজম চাউখৎহনগনি অমসুং মালেমদা খ্বাইদগী ৱাংবা মফমদা লৈবা ওপ্তিকেল, ইনফ্রা-রেদ অমসুং গম্মা-রে তেলিস্কোপশিংগী মফম অমা ওইরগনি।

ইসক্বার কিমি ১,০৭৩ পাক-চাউবা নাইত স্কাই রিজার্ব অসি চাংথাং ৱাইল্দ লাইফ সেঙ্কচুরিগী মনুংদা লৈগনি অমসুং মিতর ৪৫০০ ৱাংবা হানলেদা লৈরিবা ইন্দিয়ান ইন্সতিতুৎ ওফ এস্ত্রোফিজিক্সকী মালেমদা অনিশুবা খ্বাইদগী ৱাংবা ওপ্তিকেল তেলিস্কোপ, ইন্দিয়ান এস্ত্রোনোমিকেল ওজার্বেতোরিগা মায়োক্ননা লৈগনি।

দোক্তর জিতেন্দ্র সিংহনা হায়খি লৈবাক অসিনা চন্দ্রয়ান-৩ অমসুং অদিত্য-এল ১ মাইপাকগী হরাওবা ফোঙদোক্লিঙৈ মতমদা, মসিগী নাইত স্কাই রিজার্ব অসি মালেমদা অসিগুম্বা মখল ১৫ নত্ত্রগা ১৬ ওইদুনা থৱান্মিচাক য়েংবশিং অঙকপা পোকহনগনি।

য়ুনিয়ন মিনিস্তরনা হায়খি দ্রগ স্কাই রিজার্ব লিংখৎনবা য়ু.তি এদমিনিস্ত্রেসন, লাদাখ ওতোনোমস হিল দিবলপমেন্ত কাউন্সিল-লেহ অমসু ইন্দিয়ান ইন্সতিতুৎ ওফ এস্ত্রোফিজিক্সগী মরক্তা নাকল অহুমগী এম.ও.য়ু অমা খুৎয়েক পীনখ্রে। সাইন্স অমসুং তেক্নোলোজিগী মতেংগা লোয়ননা মফম অসিগী তুরিজম অমসুং শেন্মিৎলোন চাউখৎহনবদা মফম অসিগী থবকশিংনা মতেং পাংগনি।

লৈবাক অসিদা অহানবা ওইনা লাদাখকী মপান্দা মনুং হুঞ্জিনবা লমদম অসিগী জি.আই তেগ লন-থুমশিং উৎপগীদমক দোক্তর জিতেন্দ্র সিংহনা লাদাখ ওতোনোমস হিল দিবলপমেন্ত কাউন্সিল-লেহ থাগৎপা ফোঙদোকখ্রে। একজিবিসন অদুদা লাদাখকী জি.আই তেগ তৌরবা সিবকথ্রোর্ন, রাকসে কারপোয়াপ্রিকোতস, লাদাখকী উদা হকপশিং অমসুং পাস্মিনা শামতু উৎখি।

দোক্তর জিতেন্দ্র সিংহনা হায়খি সি.এস.আই.আরনা অইংবা মরুভুমিগী অখন্নবা পোৎথোক অমা ওইরিবা “লেহ বেরি” য়োকখৎলি। ২০১৮গী মে থাদা প্রধান মন্ত্রীনা লাদাখতা চৎপা মতমদা, “লেহ বেরি” ফংলিবা সিবকথ্রোর্ন পাক-শন্না থানবা প্রধান মন্ত্রীনা অকনবা পাউতাক পীখী। ফিত ১৫,০০০ ৱাংবা মফমদা হিদাক-লাংথক ওইনা শীজিন্নবা য়াবা পাম্বী মখল অহুম শেন্দোং তান্নবা থাবগী থবক য়োকখৎলে। পাম্বীশিং অদুগী মনুংদা, লমদম অদুগী মীয়াম্না “সোলা” হায়না খঙনবা অনা-লায়য়েংদা য়াম্না কান্নবা “সঞ্জিবনি বুতি” য়াওরি।

দোক্তর জিতেন্দ্র সিংহনা হায়খি উহৈ-ৱাহৈশিং অমসুং মনা-মশিং লিদুনা থম্নবা/কুইনা থম্বা য়ানবা এতোমিক ইনর্জি দিপার্তমেন্তনা য়ু.তি অসিদা খুদোংচাবশিং লিংখৎকনি। হৌজিক লাদাখগী চুমব্রৈ দুবাইদা থাদোকপা অসি য়াম্না হরাওই। লাদাখ অমসুং লৈবাক অসিগী মনুং-হুঞ্জিনবা মফমশিং প্রধান মন্ত্রী মোদীনা মরুওইনা লৌরি। মোদী সরকারগী মখাদা অহানবা ওইনা, লাদাখতা য়ুনিভর্সিতি অমা, হোতেল মেনেজমেন্ত ইন্সতিতুৎ, মেদিকেল কলেজ অমা অমসুং ইঞ্জিনিয়ারিং কলেজ অমা লৈরগনি।

প্রধান মন্ত্রী মোদীনা লাউথোকখিবা “কার্বোন নিউত্রেল” লাদাখকীদমক এক্সন প্লানগী মতাংদা দোক্তর জিতেন্দ্র সিংহনা হায়খি লুপা করোর ৫০গী লাদাখকী স্পিসিএল দিবলপমেন্ত পেকেজ অমগা লোয়ননা, অহানবা ওইনা কেন্দ্র সরকারনা লমদম অসিগী তোঙান-তোঙানবা প্রোজেকশিংদা শেন থাদরে। মসি লাদাখ লমদমগী অখন্নবা ওইনা অহানবা ওইনা পায়খৎপা রোদমেপনি। য়ু.পি.এস.সিগী সিবিল সর্বিস একজামিনেসন পাংথোক্নবা লেহদা অখন্নবা একজামিনেসন সেন্তর অমা লিংখৎলে। এস.এস.সি. আর.আর.বিশিং অমসুং আই.বি.পি.এসকী খুৎথাংদা সরকারগী থবকশিং চংনবা লেহ অমসুং কার্গিলদা কম্মন ইজিবিলিতি তেস্ত(সি ই তি) সু পাংথোক্লে।  মসিনা লৈঙাক্কী থবকশিংদা অচৌবা অওনবা অমা পুরকপতা নত্তনা থবক থিরিবা মনুং-হুঞ্জিনবা মফমশিংগী নহারোলশিংগীদমক খুন্নাইগী অচৌবা অওনবা অমা পুরক্কনি।

দোক্তর জিতেন্দ্র সিংহনা হায়খি নিংথম থা লাকপদা লমকোয়বশিং পুক্নিং চিংশিন্নবা অমসুং মফম অদুগী মীয়াম থবক ফংনবগী খুদোংচাবশিং পীনবা হৌখিবা চহিদগী লাদাখতা উনগী মীতম শাবা হৌদোক্লে। লাদাখ অসি ভারতকী অনৌবা য়ুনিয়ন তেরিতোরিনি, অদুবু লমদম অসি ভারতকী খ্বাইদগী লিরবা সভেত্যনি। বুদ্ধিস্ত লামাশিংগী মফম অমা ওইরিবা লাদাখ অসি শান্তি পামজবা লমদম অমনি, অদুবু রাজনিতিগী পুৱারিগী চয়েৎনবা অমনা মায়োক্নরে। ওক্তোবর ৩১,২০১৯দা য়ু.তি লাদাখ শেমদুনা অহানবা ওইনা প্রধান মন্ত্রী মোদীনা লাদাখকী মীয়ামগী অনিংবশিং থুংহনখি।

য়ুনিয়ন মিনিস্তরনা হায়খি লমদম অসি তোখায়বা য়ু.তি অমা ওইহন্নবা ১৯৪৯দা মতম অদুগী প্রধান মন্ত্রী জৱাহরলাল নেহরুদা অহানবা লাদাখ বুদ্ধিস্ত এসোসিএসনগী মীহুৎশিংনা তকশিনখি, মঙলান অদু চহি ৭০গী মতুংদা প্রধান মন্ত্রী মোদীগী মখাদা মঙফাউনবা ঙম্লে।  প্রধান মন্ত্রী মোদী হায়খিবশিং থবক ওইনা পাংথোকই। প্রধান মন্ত্রী মোদীনা হায়খি লাদাখ অমসুং অৱাং-নোংপোক য়াওনা লৈবাক অসিগী মনুং-হুঞ্জিনবা মফমশিংগী অনিংবশিং থুংহনবা হায়বসি ঐগী থবক ওইগনি।

লাদাখ লমদমগী তুরিজম অমসুং চাউখৎ-থৌরাংগীদমক থৱায় য়াওনা হোৎনবগীদমক লাদাখ ওতোনোমস হিল দিবলপমেন্ত কাউন্সিল-লেহগী সি.ই.সি তাসি গ্যালসননা দোক্তর জিতেন্দ্র সিংহ থাগৎপা ফোঙদোকখি। থৌরম অদুদা লাদাখ ওতোনোমস হিল দিবলপমেন্ত কাউন্সিল-লেহগী ইজিকিউতিপ কাউন্সিল্লর(মাইনোরিতি/ফোরেস্ত) শ্রী গুলাম মেহদিশু ৱা ঙাংখি।

******