بروز ہفتہ،  25 نومبر 2023  کو انڈین نیول اکیڈمی، ایزیمالا میں منعقدہ ایک شاندار پاسنگ آؤٹ پریڈ (پی او پی) میں 158 ٹرینیز ، جن میں 105 انڈین نیول اکیڈمی کورس کے مڈ شپ مین، 38 نیول اورینٹیشن کورس (کوسٹ گارڈ) کے کیڈٹس، 35 اور 36 نیول اورینٹیشن کورس (توسیع شدہ) نے فلائنگ کلرس کے ساتھ پاس آؤٹ کیا۔ اس کے ساتھ ہی ان کی ابتدائی تربیت کی تکمیل ہوئی۔ پاس آؤٹ ہونے والے ٹرینیز میں 05 ممالک کے 08 غیر ملکی کیڈٹس بھی شامل تھے۔ ان میں سری لنکا، بنگلہ دیش، ویتنام، میانمار اور ماریشس کی پہلی بین الاقوامی خواتین ٹرینی شامل تھیں۔

پریڈ کا جائزہ مہمان خصوصی، بحری عملہ کے سربراہ ایڈمیرل آر ہری کمار نے لیا، جنہوں نے رسمی جائزہ کی تکمیل پر قابل مڈ شپ مین اور کیڈٹس کو میڈل سے نوازا۔

انڈین نیول اکیڈمی کے بی ٹیک کورس کے لیے ’صدر کا گولڈ میڈل‘ مڈشپ مین روی کانت رنجن کو دیا گیا۔ میڈل جیتنے والے دیگر درج ذیل تھے:-

(الف) آئی این اے سی بی ٹیک کورس کے لیے- سی این ایس چاندی کا تمغہ – مڈشپ مین سوشین پوجانی

(ب) آئی این اے سی بی ٹیک کورس کے لیے – ایف یو سی- اِن- سی ساؤتھ کانسے کا تمغہ – مڈشپ مین پیوش این تھوروے

(ج) سی این ایس  گولڈ میڈل برائے این او سی  (توسیع شدہ) - کیڈٹ آکاش دہیا

(د)  این او سی (توسیع شدہ) کے لیے ایف او سی- اِن- سی ساؤتھ سلور میڈل -  کیڈٹ انوکر شلوک

(ہ) این او سی (توسیع شدہ) کے لیے کمانڈنٹ، آئی این اے کانسے کا میڈل – کیڈٹ سمرتھ راجپوت

(و)  ڈائریکٹر جنرل کوسٹ گارڈ بہترین اسسٹنٹ کمانڈنٹ - اسسٹنٹ کمانڈنٹ ہتیش رتن

مہمان خصوصی کے ساتھ این ڈبلیو ڈبلیو اے کی صدر محترمہ کلا ہری کمار  بھی تھیں۔ جنوبی بحری کمان کے فلیگ آفیسر کمانڈنگ ان چیف وائس ایڈمیرل ایم اے  ہیمپی ہولی  اور ان کے ساتھ این ڈبلیو ڈبلیو اے (ایس آر) کی صدرمحترمہ مدھومتی ہمپی ہولی بھی تھیں۔ انڈین نیول اکیڈمی کے کمانڈنٹ وائس ایڈمیرل پونیت کے بہل اور این ڈبلیو ڈبلیو اے ایزیمالا کی صدر  محترمہ انجلی بہل بھی اس موقع پر موجود تھے۔

کامیاب ٹرینیز نے اپنی چمکتی ہوئی تلواروں اور رائفلوں کے ساتھ، اکیڈمی کے کوارٹر ڈیک سے گزرتے ہوئے، سلو مارچ میں – اپنا’انتم پگ‘ یا انڈین نیول اکیڈمی میں آخری مرحلہ ، رسمی سلامی کے ساتھ طے کیا۔

سی این ایس نے پریڈ میں تربیت حاصل کرنے والوں کو ان کے کامیاب ٹرن آؤٹ، اسمارٹ ڈرل اور پریڈ میں نقل و حرکت پر مبارکباد دی۔ جائزہ لینے والے افسر نے والدین کے اس فیصلے کو خوش اسلوبی سے تسلیم کیا کہ جنہوں نے تربیت یافتہ افراد کو اسلحہ کے عمدہ پیشے کا انتخاب کرنے اور اس طرح قوم کی خدمت کا عہد کرنے میں حوصلہ افزائی اور مدد کی۔ مہمان خصوصی نے ماریشس کی پہلی بین الاقوامی خواتین کیڈٹ کی نمایاں نمائندگی کو سراہا۔ انڈین نیول اکیڈمی میں بین الاقوامی تربیت یافتہ افراد کا انضمام، نہ صرف ہندوستان کے غیر ملکی تعاون کو مضبوط کرتا ہے بلکہ عالمی سطح پر اس کی عالمی سطح کی تربیتی سہولیات کو بھی اجاگر کرتا ہے۔

جائزہ لینے والے افسر، کنڈکٹنگ آفیسر، کمانڈنٹ، انڈین نیول اکیڈمی اور دیگر معززین نے پاسنگ آؤٹ ٹرینیز کو پٹیاں پہنائیں۔ انہوں نے پاس آؤٹ ٹرینیز اور ان کے والدین سے چائے پر بات کی اور انہیں سخت تربیت کی کامیاب تکمیل پر مبارکباد دی۔ یہ افسران اب بحریہ کے مختلف بحری جہازوں اور اداروں میں خصوصی شعبوں میں اپنی تربیت کو مزید مستحکم کرنے کے لیے جائیں گے، اور فرض، عزت اور حوصلے کی بنیادی اقدار کے ساتھ ہندوستانی بحریہ میں خدمات انجام دیں گے۔

******

ش  ح۔ ا ع ۔ م ر

U-NO. 1415

(Release ID: 1979824)