ہندی فلم ’منڈلی‘ ایک رام لیلا اداکار کی زندگی کے تعلق سے زمانے کی اخلاقی اور سماجی اقدار کو تلاش کرتی ہے۔ یہ فلم گوا میں 54 ویں آئی ایف ایف آئی میں  باوقار  آئی ایس ایف ٹی- یونیسکو گاندھی ایوارڈ کے لئے مقابلہ کررہی ہے۔  اس فیچر فلم کے فلمساز  راکیش چترویدی اوم اور پروڈیوسر پررشانت کمار گپتا نے  آج گوا میں میڈیا کے ساتھ بات چیت کی۔  فلم سازی کے دوران  تخلیقی عمل کے بارے میں بتاتے ہوئے جناب چترویدی اوم نے کہا کہ یہ فلم منشی پریم چند کی کہانی رام لیلا سے متاثرہے۔ انھوں نے مزید کہا کہ فلم میں احتیاط کے ساتھ تفریحی انداز میں پیغام دینے کی کوشش کی گئی ہے۔

روایتی لوک فنکاروں کے لئے  آمدنی کے کم مواقع اور جدوجہد کے بارے میں پوچھے جانے پر  ڈائریکٹر نے کہا  کہ انھوں نے فلم میں حقیقی  اداکارروں کو لینے کی کوشش  کی ہے اور تفریحی عناصر کو اس طرح شامل کیا  گیا ہے کہ نوجوانوں کو پسند آئے۔ انھوں نے کہا کہ اس سے  اداکاروں کی اداکاری کی بہترخصوصیات،ان کے  اعتماد میں بہتری آئے گی اور اداکاروں کو بہتر معاوضہ بھی ملے گا۔ انھوں نے مزید کہا کہ انھوں نے فلم کے موضوع پر وسیع تحقیق کی ہے اوررام لیلا کے فن سے متعلق مختلف پرتوں کو تلاش کرنے کی کوشش کی ہے۔

پروڈیوسر پرشانت کمار  گپتانے کہا کہ وہ اپنی فلم کے توسط سے رام لیلا کی ثقافت کو اس کی حقیقی شکل میں آگے بڑھانے کا ارادہ رکھتے ہیں۔ فلم کے ہدایتکار اور پروڈیوسر نے اپنی فلم کی نمائش کے لئے ایک بہترین پلیٹ فارم فرراہم کرنے کے لئے افی کا شکریہ ادا کیا اور کہا کہ 54 ویں انٹرنیشنل فلم فیسٹول میں آئی سی ایف ٹی- یونیسکو گاندھی ایواررڈ کے لئے نامزد ہونا ان کے لئے خواب شرمندہ تعبیر ہونے کے مترادف ہے۔

مکمل بات چیت یہاں دیکھیں:

خلاصہ:منڈلی ایک آدمی کے سفراور مرکزی کردار کے ذریعے سماجی   احساسات میں کمی اور ثقافتی و روایتی اقدار کے زوال کے دورمیں ایمانداری کو برقرار رکھنے  کے لئے اس کی جدوجہد کی آئینہ دار ہے۔ پرشوتم چوبے  عرف پورو اترپردیش کے متھرا میں ایک انٹرمیڈیٹ کالج میں چپراسی ہے۔ انھوں نے اپنے چچیرے بھائی  سیتارام چوبے کے ساتھ بھگوان لکشمن کا کردارادا کیا ہے ، جو  اپنے چاچا رام سیوک چوبے کے ذریعے چلائی جارہی رام لیلا  منڈلی میں بھگوان رام کا کردار ادا کرتے ہیں۔ ان کی زندگی میں اس وقت ایک دھچکا لگتا ہے جب ایک پرفارمنس کے دوران انھیں سیتا رام کی عیاشی اورمنشیات کی لت کی وجہ سے درمیان میں چھوڑنا پڑتا ہے۔ ذلت برداشت نہ کر پانے اور بھگوان کا نام پامال کرنے کے قصوروار، رام سیوک ہمیشہ کے لئے رام لیلا میں کردار ادا کرنا ترک کردیتا ہے۔ پورو نے رام سیوک کے فرار پسندی کے نظریات کی مخالفت کی اور اپنے کنبے کو وقار کے ساتھ  اسٹیج پر واپس لانے کے لئے جدوجہد کا سفر شروع کرتے ہوئے پیچھے ہٹنے کے اس کے فیصلے کی مذمت کی۔

*******

ش ح۔ ن ر (25.11.2023)

U NO:1402

 

(Release ID: 1979702) Visitor Counter : 88