بہت چھوٹی، چھوٹی اور درمیانی درجے کے کاروباری اداروں (ایم ایس ایم ایز) کو فعال کرنے اور ملک سے ای کامرس کی برآمدات کو بڑھانے کے لیے ایک اہم قدم کے طور پر ، ڈائریکٹوریٹ جنرل آف فارن ٹریڈ (ڈی جی ایف ٹی)، وزارت تجارت اور صنعت، حکومت ہند مختلف ای-کامرس کمپنیوں کے ساتھ تعاون کر رہا ہے تاکہ ایکسپورٹ ہب پہل کے طور پر وہ ان اضلاع سے فائدہ اٹھا سکیں اور ملک سے ای کامرس کی برآمدات کو فروغ دے سکیں۔ مختلف ای کامرس پلیٹ فارمز کے ساتھ اس طرح کے تعاون میں، ڈی جی ایف ٹی نے ایمیزون انڈیا کے ساتھ ایک  مفاہمت نامہ(ایم او یو) پر دستخط کیے ہیں ۔

اس مفاہمت نامے کے ایک حصے کے طور پر، ایمیزون اور ڈی جی ایف ٹی ان  اضلاع میں ایم ایس ایم ایز کے لیے صلاحیت سازی کے سیشنز، تربیت اور ورکشاپس کا اشتراک کریں گے جن کی شناخت ڈی جی ایف ٹی کے ذریعے ایکسپورٹ ہب پہل کے اضلاع  کے طور پر کی گئی ہے اور جن کا خاکہ غیر ملکی تجارتی پالیسی 2023 میں مرحلہ وار طریقے سے تیار کیاگیا  ہے۔ اس پہل  کا مقصد دیہی اور دور دراز کے اضلاع میں موجود مقامی پروڈیوسروں کو بھی عالمی سپلائی چین سے جوڑنا ہے۔ اس تعاون کا مقصد برآمد کنندگان / ایم ایس ایم ایز کو بین الاقوامی سطح پر صارفین کو اپنی ‘میڈ ان انڈیا’ مصنوعات فروخت کرنے کے قابل بنانا ہے۔

جناب  سنتوش سارنگی (ایڈیشنل سکریٹری اور ڈائریکٹر جنرل، ڈی جی ایف ٹی)، چیتن کرشن سوامی (نائب صدر، پبلک پالیسی - ایمیزون) اور بھوپین واکانکر (ڈائریکٹر گلوبل ٹریڈ - ایمیزون انڈیا)کی موجودگی میں مفاہمت نامے پر دستخط کیے گئے۔

اس تعاون کا بنیادی مقصد ممکنہ بین الاقوامی خریداروں تک پہنچنے میں مقامی برآمد کنندگان، مینوفیکچررز اور ایم ایس ایم ایز کی مدد کے لیے ای کامرس پلیٹ فارمز کا فائدہ اٹھانا ہے۔ شراکت داری غیر ملکی تجارتی پالیسی 2023 کے ساتھ ہم آہنگ ہے، جو ہندوستان کی برآمدات کو بڑھانے کے لیے ای کامرس کو فوکس ایریا کے طور پر شناخت کرتی ہے۔

تعاون کے تحت، ہندوستان بھر میں مختلف ای کامرس پلیٹ فارمز کے ذریعے اضلاع کی نشاندہی کی جائے گی، تاکہ ڈی جی ایف ٹی علاقائی حکام  کے ساتھ مل کر مختلف صلاحیت سازی اور آؤٹ ریچ سرگرمیاں انجام دیں۔ یہ سرگرمیاں ایم ایس ایم ایز کو ای کامرس کی برآمدات کے بارے میں تعلیم دینے اور انہیں دنیا بھر کے صارفین کو فروخت کرنے کے قابل بنانے پر توجہ مرکوز کریں گی۔ اس کے علاوہ، صلاحیت سازی کا اجلاس ایم ایس ایم ایزکو امیجنگ، اپنی مصنوعات کی ڈیجیٹل کیٹلاگنگ، ٹیکس ایڈوائزری کے بارے میں سیکھنے کی اجازت دے گا۔ اس کے ساتھ، ہندوستانی صنعت کار اپنے ای کامرس برآمدی کاروبار اور عالمی برانڈ بنا سکتے ہیں۔ ایمیزون انڈیا کے ساتھ مفاہمت نامے کے تحت، اس طرح کی صلاحیت سازی اور ہینڈ ہولڈنگ سیشن کے لیے 20 اضلاع کی نشاندہی کی گئی ہے۔

ڈی جی ایف ٹی مختلف ای کامرس پلیٹ فارمز جیسےفلپ کارٹ/ وال مارٹ، ای- بے، ریویکسا، شاپ کلوز، شپ راکٹ، ڈی ایچ ایل ایکسپریس وغیرہ کے ساتھ تبادلہ خیال کر رہا ہے تاکہ اضلاع کے تحت ملک کے دیگر اضلاع میں ایکسپورٹ ہبس پہل کے طور پر اسی طرح کا تعاون کیا جا سکے۔ یہ ڈی جی ایف ٹی کی کوششوں کو آگے بڑھانے، نئے اور پہلی بار برآمد کنندگان اور دیگر ایم ایس ایم ای پروڈیوسروں کو ہندوستان سے برآمد کرنے کے لیے تعاون فراہم کرے گا، اس طرح سال 2030 تک ایک ٹریلین امریکی ڈالر کے برابر  اشیا کی برآمدات کے ہدف کی طرف خاطر خواہ پیش رفت کرے گا۔

....................................

ش ح۔ ق ت  ۔ ع ر

 (U: 1324 )