نائب صدرجمہوریہ جناب جگدیپ دھنکھر نے آج ملک میں ایک ایسی ذہنیت کو فروغ دینے کی ضرورت پر زور دیا جو ہماری تہذیبی اقدار کی عکاسی کرتی ہو۔ ”ہماری ثقافت کو ہماری ریڑھ کی ہڈی“ قرار دیتے ہوئے، انہوں نے ہر کسی کو بھارت کی قدیم حکمت اور کامیابیوں پر فخر کرنے کو کہا۔

آج نئی دہلی میں شانتی گیری آشرم کی سلور جوبلی تقریبات سے خطاب کرتے ہوئے نائب صدر جمہوریہ نے ’گرو-ششیہ‘ پرمپرا کے احیا پر زور دیا۔ اس بات کا ذکر کرتے ہوئے کہ ”کسی شخص کی جیب کو با اختیار بنانے کے بجائے، ہمیں ان کے ذہنوں اور صلاحیتوں کو با اختیار بنانا چاہیے،“ انہوں نے ہنر مندی کی ترقی کے ذریعے انسانی وسائل کو با اختیار بنانے کے لیے شانتی گیری آشرم کی تعریف کی۔

خواتین کو با اختیار بنانے پر توجہ مرکوز کرنے کے لیے آشرم کی ستائش کرتے ہوئے، جناب دھنکھر نے کہا، ”خواتین کو با اختیار بنانا انسانیت کی ترقی کے لیے اہم ہے۔ یہ کوئی اختیار نہیں ہے- یہ واحد راستہ ہے! اس سلسلے میں انہوں نے پارلیمنٹ میں حال ہی میں منظور ہونے والے خواتین ریزرویشن بل کی اہمیت کو بھی اجاگر کیا۔

آیوروید پنچ کرما تربیتی مراکز کو چلانے میں شانتی گیری آشرم کی کوششوں کی ستائش کرتے ہوئے، نائب صدر نے آیوروید، سدھ اور جدید طبی سائنس کی قدیم دواؤں کی حکمت کے درمیان ہم آہنگی کے تعلق کی ضرورت کا اظہار کیا۔ ”ہم دولت کے ان ذخائر کو بھول گئے تھے جو ہندوستان کے پاس صحت کے انتظام میں تھا۔ یہ بات خوش آئند ہے کہ آج عالمی سطح پر ان کو وسیع پیمانے پر تسلیم کیا جا رہا ہے،“ انہوں نے کہا۔

ذہنی صحت کو آج صحت کا ایک انتہائی اہم پہلو قرار دیتے ہوئے، نائب صدر جمہوریہ نے سنجیدہ مشاورت اور مدد کے ذریعہ حل فراہم کرنے پر زور دیا، تاکہ لوگ امید نہ کھوئیں۔

قدرتی وسائل کے ذمہ دارانہ استعمال کی ضرورت پر زور دیتے ہوئے، نائب صدر نے کہا کہ ”ہمیں یہ سمجھنا ہوگا کہ کرہ ارض صرف انسانوں کے لیے نہیں، بلکہ تمام جانداروں کے لیے ہے۔“

جناب دھنکھر نے سیاسی رہنماؤں سے مطالبہ کیا کہ وہ قومی مفاد کو ہر چیز سے بالاتر رکھیں۔ سیاست میں اسٹیک ہولڈر بنیں لیکن ہمیشہ قوم کے مفاد کو سیاست سے بالاتر رکھیں۔ ہم ایسے بیانیے کی اجازت نہیں دے سکتے جو ہمارے ملک کو خوار اور داغ دار کرتے ہوں“۔

نائب صدر جمہوریہ نے ملک میں ایک ایسے ماحولیاتی نظام کے ابھرنے پر بھی زور دیا جو منصفانہ اور شفاف ہو اور جہاں ہر کوئی بغیر کسی پابندی کے اپنے خوابوں اور خواہشات کو پورا کر سکتا ہو۔

اس موقع پر ڈاکٹر ششی تھرور، ممبر پارلیمنٹ، سوامی گروریتھنم جننا تاپسوی، جنرل سکریٹری، شانتی گیری آشرم، پروفیسر کے وی تھامس، خصوصی نمائندہ، حکومت کیرالہ، سوامی چیتنیا جننا تاپسوی، صدر، شانتی گیری اور دیگر معززین موجود تھے۔

*************

ش ح۔ ف ش ع- م ف

U: 1209