ইনফোর্মেসন অমসুং ব্রোদকাস্তিং মন্ত্রালয়
গৱাগী মুখ্য মন্ত্রী দা. প্রমোদ সাৱন্তনা পোর্বোরিমদা বিকসিত ভারত সঙ্কল্প য়াত্রা IEC ভেন লমথাখ্রে
বিকসিত ভারত সঙ্কল্প য়াত্রাগী পান্দমদি এৱার্নেস শেমগৎপা অমসুং ৱেলফেয়র স্কিমশিংগী বেনেফিৎশিং ফংহনবদা মীৎয়েং থম্দুনা মীয়ামদা য়ৌশিনবনি
Posted On:
15 NOV 2023 8:05PM by PIB Imphal
: গৱা, নবেম্বর 15, 2023
প্রধান মন্ত্রী নরেন্দ্র মোদীনা ঙসি ঝার্খন্দগী খুন্তিদা জনজাতিয়া গৌরব দিবস, 2023 পাংথোকপগী থৌরম অমদা ‘বিকসিত ভারত সঙ্কল্প য়াত্রা’ অমসুং প্রধান মন্ত্রী পার্তিকুলরলী ভলনরেবল ত্রাইবেল গ্রুপস দিবলপমেন্ত মিসন হৌদোকখি। থৌরম অসিদা গৱাগী মুখ্য মন্ত্রী দা. প্রমোদ সাৱন্তনা রাজ্যদা বিকসিত ভারত সঙ্কল্প য়াত্রা হৌদোক্লদুনা গৱাগী পোর্বোরিমগী সেক্রেতরিয়েৎতা পাংথোকপা ফঙ্কসন অমদা ইনফোর্মেসন, এজুকেসন অমসুং কমমুনিকেসন (IEC) ভেন অমা লমথাখি। য়াত্রা অসিনা মীয়ামদা য়ৌশিনবা, এৱার্নেস শাগৎপা অমসুং সেনিতেসন ফেসিলিতীশিং, এসেন্সিয়েল ফাইনান্সিয়াল সর্বিসেস, ইলেক্ত্রিসিতী কনেক্সনস, এল.পি.জি. সিলিন্দর ফাওবা য়ৌহনবা, লাইরবশিংগী য়ুম শাবা, ফুদ সেক্যুরিতী, প্রোপর ন্যুত্রিসন, রেলিয়েবল হেল্থকেয়র, অরুবা থক্নবা ইশিং অসিনচিংবদা মীৎয়েং থমগনি। পোতেন্সিয়েল বেনেফিসরীশিংগী এনরোলমেন্ত য়াত্রা মনুংদা ফংবা অকুপ্পা ৱারোলগী খুত্থাংদা পাংথোক্কনি।
X পোস্ত অমদা, গৱাগী মুখ্য মন্ত্রী দা. সাৱন্তনা হায়খি:
“ইকায় খুম্নরবা প্রধান মন্ত্রী শ্রী @narendramodi Ji না ভগবান #BirsaMunda গী মপোক কুমওনগী থৌরমদা #JanjatiyaGauravDivas 2023 ভর্চুএল ওইনা শরুক য়াখিবা অমসুং #ViksitBharatSankalpYatra লমথাখিবা। গৱাগী পোর্বোরিমদগী বিকসিত ভারত সঙ্কল্প য়াত্রাসু লমথাখিবা"।
গৱাগী মুখ্য মন্ত্রীনা X পোস্ততা ফোংদোকখি, বিকসিত ভারত সঙ্কল্প য়াত্রানা এৱার্নেস শাগৎপা অমসুং ৱেলফেয়র স্কিমশিংগী কানবশিং ফংহনবদা মীৎয়েং থমদুনা ভারতকী মীয়ামদা য়ৌশিন্নবা পান্দম থমলি। মহাক্না মখা তানা হায়খি, “ইকায় খুম্নরবা প্রধান মন্ত্রীনা বিকসিত ভারত, নারিশক্তি, অন্নদাতা, য়ুবাশক্তি অমসুং মিদল ক্লাস & লাইরবগী য়ুম্বী 4 শেমগৎলি। য়ুম্বী 4 অসি মপাঙ্গল কনখৎহনবনা বিকসিত ভারত শেমগৎকনি”।
থৌরমদা শরুক য়াখিবা শক্নাইরবশিংদা পঞ্চায়ৎ মন্ত্রী শ্রী মৌবিন গোদিনহো, কো-ওপরেসন মন্ত্রী শ্রী সুভাশ শিরোদকর অমসুং পঞ্চায়ৎ দাইরেক্তোরেতকী দাইরেক্তর শ্রীমতি সিদ্ধি হলর্নকর য়াওখি। ভর্চুএলি ওইনা শরুক য়াখিবা শক্নাইরবা পুম্নমক্না ঝার্খন্দগী খুন্তিদা পাংথোকপা জনজাতিয়া গৌরব দিবসতা শরুক য়াখি।
লাক্কদৌরিবা নুমিৎশিংদা ভেন অসিনা কানাকোনা, ধারবন্দোরা, মোরমুগাও, পোন্দা, ক্বিইপেম, সেলসেত, সানগুয়িম অসিনচিংবা ব্লোকশিং য়াওনা রাজ্য ময়ুং মফোল থুংনা চৎকনি।
বিকসিত ভারত সঙ্কল্প য়াত্রা
অকক্নবা মতমগী মনুংদা তার্গেৎ তৌরিবা বেনিফিসরী পুম্নমক্তা সরকারগী ফ্লেগশিপ স্কিমশিংগী কান্নবশিং ফংহন্দুনা স্কিমশিং অসি মপুং ফানা সেচুরেসন ফংহন্নবা প্রধান মন্ত্রীনা লেপ্পা লৈতনা থবক পাইখৎতুনা লাকখি। স্কিমশিংগী সেচুরেসন ফংহন্নবা পান্দম অসু থুংহন্নবা মাইকৈদা অচৌবা খোঙথাং অমা ওইনা প্রধান মন্ত্রীনা জনজাতীয় গৌরব দিবসকী থৌরমদা ‘বিকসিত ভারত সঙ্কল্প য়াত্রা’ হৌদোক্কনি।
প্রধান মন্ত্রীনা ‘বিকসিত ভারত সঙ্কল্প য়াত্রা’ লোঞ্চ তৌরদুনা IEC (ইনফোর্মেসন, এজুকেসন এন্দ কম্ম্যুনিকেসন) ভেনশিং ঝারখন্দগী খুন্তীদা লমথাগনি। য়াত্রা অসি অহানবগী ওইনা ত্রাইবেল মীশিং য়াম্না তাবা জিলাশিংদগী হৌদোক্কনি অমসুং জনুৱারী 25, 2024 ফাওবদা লৈবাক্কী জিলা পুম্নমক কোনশিনগনি।
****
(Release ID: 1978390)
Visitor Counter : 129