انڈین انسٹی ٹیوٹ آف کارپوریٹ افیئرس (آئی آئی سی اے) اور پارٹنرس اِن چینج نے گذشتہ روز نئی دہلی میں   کاروباری ذمہ داری اور پائیداری کی رپورٹنگ پر مرتکز، قومی کانفرنس سے قبل ’ذمہ دار کاروباری طرز عمل‘ کے موضوع پر ایک ویبنار کا اہتمام کیا۔ اس کانفرنس  میں 928 کمپنیوں کے ذریعہ عوامی طور پر افشاء کردہ ڈاٹا کے تجزیے پر روشنی ڈالی گئی، جو بھارت میں غیر مالیاتی انکشاف کے سفر کے بارے میں معلومات فراہم کرتی ہیں۔

تنوع، مادیت اور پیشہ وارانہ صحت اور حفاظت (او ایچ ایس) کے اہم مسائل پر مرکزی توجہ کے ساتھ، ویبنار کا مقصد درج ذیل مقاصد کو حاصل کرنا ہے:

• بی آر ایس آر فریم ورک کی گہری تفہیم کو فروغ دینا
• کاروباری ذمہ داری کی رپورٹ (بی آر آر) سے بی آر ایس آر تک انکشاف کے ارتقاء کا پتہ لگانا
• انکشافات میں رجحانات کا تجزیہ کرنا اس بات کا تعین کے لیے کہ ڈاٹا کس طرح کمپنیوں اور اسٹیک ہولڈرس کے ساتھ رابطے میں اضافہ کر سکتا ہے۔

اپنے پیش رو ، کاروباری ذمہ داری کی رپورٹ (بی آر آر) کے مقابلے میں، بی آر ایس آر سوالات کا ایک زیادہ جامع سیٹ متعارف کراتا ہے جس میں مقدار اور کوالٹی  دونوں طرح کے انکشافات شامل ہیں۔ ایک مؤثر مواصلاتی ٹول کے طور پر پوزیشن میں، بی آر ایس آر کسی تنظیم کی غیر مالی کارکردگی کے انکشاف میں سہولت فراہم کرتا ہے۔

سکیورٹیز اینڈ ایکسچینج بورڈ آف انڈیا (ایس ای بی آئی) کے مینڈیٹ کی تعمیل کرتے ہوئے، سب سے اوپر 1000 کمپنیاں اپنی غیر مالیاتی کارکردگی پر ڈاٹا جمع کرانے کے لیے تیار ہیں۔ یہ گذارش نہ صرف ماحولیاتی، سماجی اور حکمرانی (ای ایس جی) کے طریقوں سے ان کی وابستگی کو ظاہر کرتی ہے بلکہ ذمہ دار کاروباری طرز عمل کی تعمیل کے لیے ان کی لگن کو بھی اجاگر کرتی ہے۔

اس ریگولیٹری فریم ورک کے اندر سیاق و سباق کے مطابق ویبنار نے آئی آئی سی اے کے زیر اہتمام 14-15 دسمبر 2023 کو ہونے والی آئندہ قومی کانفرنس کا مرحلہ طے کیا ہے۔ نیشنل کانفرنس بھارت میں ذمہ دار کاروباری سفر کے مختلف پہلوؤں پر غور کرے گی، جس میں کاروبار کے لیے رہنمائی  اور کوالٹی ڈسکلوزر طور طریقے پیش کیے جائیں گے۔ اس ویبنا میں پارٹنر ان چینج سے محترمہ ایکت ورما، جناب پردیپ نرائنن اور محترمہ سائشا پاریکھ  اور پراکسز کے جناب دھیرج  کے ذریعہ تجزیاتی پرزنٹیشن پیش کی گئیں، جبکہ محترمہ گریما داڈچ ، آئی آئی سی اے کے ذریعہ اختتامی کلمات پیش کیے گئے۔

انڈین انسٹی ٹیوٹ آف کارپوریٹ افیئرس (آئی آئی سی اے) کے بارے میں

انڈین انسٹی ٹیوٹ آف کارپوریٹ افیئرس (آئی آئی سی اے) ایک خودمختار ادارہ ہے جو کارپوریٹ امور کی وزارت، حکومت ہند کے تحت کام کرتا ہے۔

پارٹنرس ان چینج کے بارے میں

پارٹنرس اِن چینج ایک سرکردہ تنظیم ہے جو پائیدار ترقی اور ذمہ دار کاروباری طور طریقوں کو پروان چڑھانے کے لیے کلی طور پر وقف ہے۔ ایک ساتھ، ان کا مقصد ذمہ دار کاروباری طرز عمل کے موضوع پر قومی کانفرنس جیسی پہل قدمیوں کے توسط سے کارپوریٹ منظرنامے میں مثبت تبدیلی لانا ہے۔

***

(ش ح –ا ب ن۔ م ف)

U.No:1147

(Release ID: 1977941)