ঙাকশেল মন্ত্রালয়

নুমিৎ নিনিগী ইন্দোনেসিয়া খোঙচৎ মতুংদা য়ুম হল্লকপগী লম্বীদা রক্ষ মন্ত্রী শ্রী রাজনাথ সিংহ শিঙ্গাপুরদা চৎখ্রে


ইন্দিয়ান নেসনেল আর্মি মার্করদা লৈ কত্তুনা নেতাজি সুভাস চন্দ্র বোসকী মফমদা ইকায়খুম্নবা উৎখ্রে

Posted On: 18 NOV 2023 11:33AM by PIB Imphal

মহাক্কী ইন্দোনেসিয়াগী খোঙচৎ লোইরবা মতুংদা, মহাক্কী য়ুমদা হল্লকপগী লম্বীদা, নবেম্বর ১৮,২০২৩দা রক্ষ মন্ত্রী শ্রী রাজনাথ সিংহ শিঙ্গাপুরদা চৎখ্রে। মফম অদুদা লৈবা ইন্দিয়ান নেসনেল আর্মি মার্করদা মহাক্না লৈ কত্তুনা নেতাজি সুভাস চন্দ্র বোসকী মফমদা ইকায়খুম্নবা উৎখ্রে। 

‘শকখঙবীদ্রবা লান্মীশিং’ ইকায়খুম্নবা উৎনবা মোনুমেন্ত অমা শানবা ৱাফম নেতাজি মশামক্না হৌদোকখি অমসুং শানবা মহাক্না জুলাই ১৯৪৫তা উরেপ-উয়ুং তমখি। হান্নগী মেমোরিএল লৈরিবা মফম অদুদা ১৯৯৫তা শিঙ্গাপুরগী নেসনেল হেরিতেচ বোর্দনা আই.এন.এ মার্কর য়ুংখৎখি।

১৮৫৫ তগী লৈরক্লবা শিঙ্গাপুরগী খ্বাইদগী লিরবা হিন্দুগী লাইশঙশিংগী মরক্তা য়াওরিবা ভাগবন বিষ্ণুদা কৎথোক্লবা  শ্রী শ্রীনিভাস পেরুমাল লাইশঙদা শ্রী রাজনাথ সিংহনা খুরুমখি। মহাক্না লিত্তল ইন্দিয়াদা লৈবা ইন্দিয়ান হেরিতেচ সেন্তরদসু চৎখি। শিঙ্গাপুরদা লৈরিবা ভারতমচাশিংগী খোৎচৎকী ৱারি ইদুনা থম্নবা ২০১৫দা নেসনেল হেরিতেচ বোর্দকী মখাদা সেন্তর অসি লিংখৎখিবনি। মসিদা লেংদ্রবা গেল্লরি ৫ লৈরি।

****



(Release ID: 1977934) Visitor Counter : 45