سماجی انصاف اور تفویض اختیارات  کی وزارت  ،حکومت ہند کے تحت معذور افراد کو بااختیار بنانے کے محکمے کے سکریٹری، جناب راجیش اگروال، نے آج دیویانگ قرض لینے والوں کی مدد کے لیے ایک اہم اقدام کی نقاب کشائی کی۔

دیویانگ جن میں مالی شمولیت کو مزید بڑھانے اور اقتصادی طور پر بااختیار بنانے کی کوشش کے طورپر،  جناب  اگروال نے مخصوص شرائط و ضوابط کے ساتھ مشروط، بروقت ادائیگی کے لیے  این ڈی ایف ڈی سی قرض کے تحت شرح سود میں 1فیصد چھوٹ کا اعلان کیا۔ اس اشارہ کا مقصد دیویانگ افراد پر مالیاتی بوجھ کو کم کرنا ہے جو مالی امداد کے خواہاں ہیں اور ذمہ دارانہ ادائیگی کے طریقوں کی حوصلہ افزائی کرتے ہیں۔

معذور افراد کو بااختیار بنانے کے محکمے کے سکریٹری جناب راجیش اگروال نے 8 دیویانگ قرض سے فائدہ اٹھانے والوں کو چیک دئیے۔ یہ قدم شمولیت کو فروغ دینے اور اس بات کو یقینی بنانے کے لیے حکومت کے غیر متزلزل عزم کی عکاسی کرتا ہے کہ ہر  شہری ، خواہ کوئی بھی صلاحیت ہو، مالی مواقع تک مساوی رسائی حاصل کرے۔

 

این ڈی ایف ڈی سی کے تحت چھوٹ، دیویانگ قرض لینے والوں کو دیوالی کے تحفے کے طور پر کام کرتے ہوئے، سماج کے ہر طبقے کی ترقی اور بااختیار بنانے کے حکومت کے وسیع تر مشن کی نشاندہی کرتی ہے۔ ڈی ای پی ڈبلیو ڈی کااین ڈی ایف ڈی سی معذور افراد کی مالی بہبود کو آسان بنانے اور ایک زیادہ مساوی معاشرے میں حصہ ڈالنے کے اپنے عزم میں ثابت قدمی کے ساتھ آگے بڑھ رہا  ہے۔

********

ش ح۔ ج ق۔ رض

U. No.943

(Release ID: 1976564) Visitor Counter : 98