اس سال 9 نومبر 2023 تک براہ راست ٹیکس کی وصولی کے عارضی اعداد و شمار میں مسلسل اضافہ جاری ہے۔ مجموعی براہ راست ٹیکس کی وصولی 12.37 لاکھ کروڑ روپے رہی، جو گزشتہ سال کی اسی مدت کی مجموعی وصولی سے 17.59 فیصد زیادہ ہے۔ رقم کی واپسی سے خالص براہ راست ٹیکس کی وصولی 10.60 لاکھ کروڑ  روپے رہی جو کہ گزشتہ سال کی اسی مدت کی خالص وصولی سے 21.82 فیصد زیادہ ہے۔ یہ وصولی مالی سال 24-2023  کے لیے براہ راست ٹیکسوں کے کل بجٹ تخمینوں کا 58.15فیصد ہے۔

جہاں تک کارپوریٹ انکم ٹیکس (سی آئی ٹی) اور پرسنل انکم ٹیکس (پی آئی ٹی) کی مجموعی وصولی کے لحاظ سے شرح نمو کا تعلق ہے، سی آئی ٹی کی شرح نمو 7.13 فیصد ہے جبکہ پی آئی ٹی کے لیے یہ شرح 28.29 فیصد (صرف پی آئی ٹی)/27.98 فیصد  [پی آئی ٹی  بشمول سیکیورٹیز ٹرانزیکشن ٹیکس (ایس ٹی ٹی)] ہے ۔ ریفنڈ کی ایڈجسٹمنٹ کے بعد، سی آئی ٹی  کلیکشنز میں خالص نمو 12.48فیصد ہے اور پی آئی ٹی کلیکشنز میں 31.77فیصد  (صرف پی آئی ٹی31.26فیصد (پی آئی ٹی بشمول ایس ٹی ٹی) رہی ہے۔

یکم  اپریل 2023 سے  9 نومبر 2023  تک کی مدت کے دوران 1.77 لاکھ کروڑ روپے  کی رقم  واپس کی گئی ہے۔

۔۔۔۔۔۔۔۔۔۔۔

ش ح۔ا  گ۔ن ا۔

U- 899