تعلیم و ہنر مندی اور انٹرپرینیورشپ کے مرکزی وزیر جناب دھرمیندر پردھان نے آج شاستری بھون میں ''ہماری بالواٹیکا'' کا افتتاح کیا، جس کا مقصد ننھے طلبہ کو بہتر خدمات فراہم کرنے کے لیے کریچ سہولیات میں تبدیلی لانا ہے۔ "ہماری بالواٹیکا" دفتری عملے اور ان کے بچوں کی فلاح و بہبود کو ذہن میں رکھنے کے مقصد سے بنایا گیا ہے، جو کام اور زندگی کے توازن کے لیے ہمارے عزم کا ثبوت ہے۔

کریچ جدید سہولیات اور رنگا رنگ کھیل کے علاقے پیش کرتا ہے ، ننھے بچوں کے لیے پرورش اور محفوظ ماحول کو یقینی بناتا ہے۔ اس ماڈل کو جادوئی پٹارا کے طور پر ڈیزائن کیا گیا ہے ، جو عمر کے لحاظ سے آموزش کے مواد سے لیس ہے ، جو بچوں کو مناسب دیکھ بھال اور حوصلہ افزائی کے ساتھ ایک خوشگوار سیکھنے کا ماحول دیتا ہے۔

(عزت مآب مرکزی وزیر برائے تعلیم ہنرمندی کی ترقی اور انٹرپرینیورشپ ، جناب دھرمیندر پردھان،  نے ’ہماری بالواٹیکا‘کا افتتاح کیا)

مرکزی وزیر جناب دھرمیندر پردھان نے خصوصی مہم کے ایک حصے کے طور پر قومی تعلیمی پالیسی (این ای پی) کے موضوعات کی عکاسی کرنے والے فن پاروں کے ساتھ وزارت تعلیم کے کام کی جگہوں / راہداریوں کا بھی دورہ کیا۔ ان فن پاروں میں مختلف پروگراموں اور اقدامات کی نمائش کی گئی ہے ، جیسے پی ایم شری ، پی ایم پوشن ، جادوئی پٹارا ، پی ایم ای ودیا ، ملٹی ڈسپلنری ہائر ایجوکیشن ، منودرپن ، آرٹیفیشل انٹیلی جنس سینٹر آف ایکسیلینس ، اور بہت کچھ۔

 

(قومی تعلیمی پالیسی (این ای پی) 2020 کے موضوع پر مبنی فن پارے)

وزارت تعلیم کے محکمہ اسکولی تعلیم اور خواندگی کو سوچھتا کے لیے ایک عوامی تحریک ، خصوصی مہم 3.0 کی زبردست کامیابی کا اعلان کرتے ہوئے خوشی ہو رہی ہے۔ اس مشترکہ کوشش کو 16.70 لاکھ سے زیادہ اسکولی طلبہ اور 62،500 سے زیادہ اساتذہ نے جوش و خروش کے ساتھ اپنایا۔

خصوصی مہم 3.0 کے دوران، مندرجہ ذیل بہترین طریقوں کو اپنایا گیا تھا:

• جن بھاگیداری کے جذبے کے تحت اسکول کے بچوں نے کمیونٹی کے ساتھ مل کر مزدوری کی۔ اس کے علاوہ ایل ڈبلیو ای کے 218 اضلاع، 156 پہاڑی علاقوں، ریگستانوں، 122 سرحدی علاقوں اور بیرون ملک تقریبا 18 اسکولوں میں واقع اسکولوں میں مزدوری کی گئی۔

(چنمایا ودیالیہ، انا نگر، چنئی کے طلبہ نے مرینا بیچ کی صفائی کی)

• ودیانجلی پہل کے ذریعے 100 مانیٹر، 100 سی پی یو، 88 کی بورڈ اور 117 ماؤس کابینہ سکریٹریٹ سے این وی ایس میں منتقل کیے گئے۔
• مہم کے دوران 66,268  روپے مالیت کے 3008689 کلو گرام سے زیادہ سکریپ شدہ فرنیچر اور دیگر فضلے کو ٹھکانے لگایا گیا۔
• کریڈیوس، ری یوز اینڈ ری سائیکل کے 3 آر فارمولے کے مطابق بچوں کو ماحول دوست طریقوں کی فراہمی: طلبہ نے فضلہ مواد سے آرٹ اور کرافٹ بنانا اور بچائے گئے سامان سے فنکشنل ٹکڑوں کو ڈیزائن کرنا بھی سیکھا۔
• جے این وی اور کیندریہ ودیالیہ میں 'پوشن واٹیکا' کے نام سے مشہور  کچن گارڈن کی تیاری۔
• اساتذہ اور طلبہ کے ذریعہ  66 مرکزی ودیالیہ میں سوئچ بورڈاور دیواروں کی صفائی اور فنکارانہ تزئِن و آرائش ۔
• 19,093 کھاد کے گڑھے بنائے گئے، جس کے نتیجے میں 40،505 کلو گرام کھاد کی پیداوار ہوئی۔
• اسکولوں میں 1,086 نئے ایکو کلبوں کا قیام۔

***

(ش ح – ع ا – ع ر)

U. No. 829

(Release ID: 1975753) Visitor Counter : 100