ہندوستان بھر میں ٹیک اسٹارٹ اپس کی حمایت  کرنے اور ان کی کامیابی کو تیز کرنے کی کوشش میں، الیکٹرانکس اور معلوماتی ٹیکنالوجی کی وزارت (ایم ای آئی ٹی وائی) کے سکریٹری جناب ایس کرشنن نے، یہاں‘لیپ  اہیڈ’ سربراہ کانفرنس میں، ‘لیپ  اہیڈ’ پہل کا آغاز کیا، جو سافٹ ویئر ٹیکنالوجی پارکس آف انڈیا (ایس ٹی پی آئی) اور دی انڈس انٹرپرینیورز (ٹی آئی ای) دہلی- این سی آر کے مشترکہ اشتراک سے  کیا گیاہے۔

یہ اقدام ٹیک اسٹارٹ اپس کے لیے گیم چینجر ثابت ہوگا جو اسکیلنگ کے مرحلے، ترقی کے مرحلے، مصنوعات کی تنوع یا نئے جغرافیائی مقامات میں توسیع کی منصوبہ بندی کے مراحل میں ہیں۔ وہ  ایک کروڑروپے تک کی مالیاتی اعانت  اور تین ماہ کے ایک جامع مینٹرشپ پروگرام کے ذریعے فائدہ اٹھا سکتے ہیں، جس میں آموزش  کے اچھے تجربے کے لیے ورچوئل اور ذاتی طور پر اجلاس کو یکجا کیا گیا ہے۔ مزید برآں، یہ اقدام اسٹارٹ اپس کو ایک وسیع نیٹ ورک تک رسائی اور تجربہ کار سرمایہ کاروں اور صنعت کے ماہرین کے ساتھ بالمشافہ  رہنمائی کے اجلاسوں  کے ذریعے ذاتی رہنمائی فراہم کرے گا۔

ایم ای آئی ٹی وائی  کےسکریٹری شری ایس کرشنن نے کہاکہ "یہ ‘لیپ اہیڈ’ پہل ہندوستان میں انٹرپرینیورشپ کے لیے موجود مواقع پر توجہ مرکوز کرنے  کے لحاظ سے بہت بروقت ہے۔ آج ہندوستان، اب ایک بی پی او منزل کے طور پر نہیں جانا جاتا ہے بلکہ یہ ایک عالمی قابلیت کے مرکز اور تحقیق وترقی کے  مرکز کے طور پر ابھرا ہے ۔ ہندوستان، ڈیجیٹل سرکاری بنیادی ڈھانچے میں  ایک رہنما کے طور پر کھڑا ہے اور اب اسے کاروباری افراد، کامیاب کاروباری اداروں کی تعمیر کے لیے متعدد طریقوں سے استعمال کر سکتے ہیں۔ چھوٹے شہروں میں نوجوانوں کو زیادہ کرنے اور حاصل کرنے کی لگن  ہے۔ یہ ایک ایسی جستجو ہے،جسے ہمیں مزید مستحکم  کرنے کی ضرورت ہے۔ ہم 2/3 درجے کے شہروں سے مزید خواتین اور لوگوں کو بطور کاروباری آتے دیکھنا چاہیں گے۔"

ایس ٹی پی آئی کے  ڈی جی جناب اروند کمار نے کہاکہ  "اس پہل کے ساتھ، ٹیکنالوجی اسٹارٹ اپس کو مارکیٹ میں داخلہ ملے گا، تیزی سے ترقی کا تجربہ ہوگا اور نئے افق میں تنوع پیدا ہوگا۔ یہ پروگرام بنیادی طور پر دو چیزوں پر مرکوز ہے - رہنمائی اور شریک سرمایہ کاری۔ دہلی کے علاوہ، ‘لیپ اہیڈ’ اسٹارٹ اپ سربراہ  کانفرنس بھونیشور، وجئے واڑہ اور چندی گڑھ میں بھی منعقد کرنے کا منصوبہ ہے۔

ایم ای آئی ٹی وائی کے جوائنٹ سکریٹری جناب سشیل پال  نے کہاکہ "میں ایس ٹی پی آئی کو ‘لیپ اہیڈ’ پہل میں شرکت  کرنے کے لیے مبارکباد دینا چاہوں گا، جو این جی آئی ایس کا ایک حصہ ہے۔ ہمارےا سٹارٹ اپس ہمارے ملک کے لیے ایک بڑی کامیابی کی کہانی سنا رہے ہیں اور پچھلے کچھ سالوں میں ان کی تعداد میں تیزی سے اضافہ ہوا ہے۔"

ٹی آئی ای دلی – این سی آر کے ایمریٹس چیئرمین ڈاکٹر سوربھ شریواستونے کہاکہ " ایس ٹی پی آئی کے ساتھ تعاون کے ذریعے ٹی آئی ای دہلی-این سی آر  نہ صرف فنڈ فراہم کر رہا ہے بلکہ رہنمائی اور مارکیٹ تک رسائی بھی فراہم کر رہا ہے۔ یہ وہ لوگ ہیں جو کامیاب کمپنیاں بناتے ہیں اور اپنی کی گئی غلطیوں کو جانتے ہیں۔ ہم ان کمپنیوں کی تعداد  اور ترقی میں مدد کریں گے۔

ٹی آئی ای دہلی-این سی آر کے صدر آلوک متل نے کہا کہ ‘‘ ٹی آئی ای کا مشن ہمیشہ ماحولیاتی نظام کو فروغ دینا رہا ہے، اور یہ پروگرام ہمارے اہداف کے ساتھ بالکل ہم آہنگ ہے۔ ہم تین مہینوں میں 75 کمپنیوں کی رہنمائی کریں گے، جس کا مقصد تقریباً 15 کمپنیوں کے لیے فنڈنگ حاصل کرنا ہے۔ ہم ان شوکیسز کو 30 سے زائد شہروں تک لے جائیں گے،تاکہ ان  کے اثرات کو بڑھایا جائے گا۔’’

یہ اقدام، اسٹارٹ اپس کو پروڈکٹ مارکیٹ فٹ قائم کرنے، گاہک کے حصوں کی نشاندہی کرنے، ہیکنگ کی حکمت عملیوں کو بڑھانے، کاروباری تعمیل، قیادت کی بھرتی اور فنڈ حاصل  کرنے کے قابل بنائے گا۔ اسٹارٹ اپس کو پروان چڑھانے اور کاروباری صلاحیتوں کو پروان چڑھانے پر مضبوط توجہ کے ساتھ، یہ تقریب ایک دلچسپ سفر کے پہلے قدم کی نمائندگی کرتا ہے جو ‘لیپ اہیڈ ’ کو رفتار بخشنے  کے پروگرام کو وجے واڑہ، چندی گڑھ اور بھونیشور جیسے شہروں تک توسیع  دے گا۔

آغاز  کے بعد، مصنوعات  اورینٹڈ نیشن ممالک کی جانب راہ، تیز تر اختراع اور مالیاتی  بصیرت: سرمایہ کاری کے منظر نامے پر جستجو کئے  جانے پر تین اہم پینل مباحثے ہوئے۔ صنعت کے معزز  پینل میں شامل شخصیتوں  نے، سامعین میں نوجوان کاروباریوں کے ساتھ بصیرت کا اشتراک کیا۔ اس تقریب نے کاروباری افراد کو ہم عمروں، ممکنہ سرمایہ کاروں اور کاروباری ماحولیاتی نظام کے اندر بااثر سوچ رکھنے والے رہنماؤں سے منسلک کرنے میں انمول نیٹ ورکنگ کے لیے ایک پلیٹ فارم کے طور پر بھی کام کیا ۔

تقریب کے دوران "اسٹارٹ اپ سے اسکیل اپ تک: ڈیجیٹل انڈیا کا کردار اور آئندہ کے مواقع" پر ایک علمی رپورٹ کی نقاب کشائی کی گئی۔ یہ رپورٹ ایک جامع وسیلہ ہے جو اسٹارٹ اپس کی کامیابی کی کہانیوں کو ظاہر کرتی ہے، جنہوں نے ڈیجیٹل انڈیا کی صلاحیت کو بروئے کار لاتے ہوئے ایسے اختراعی حل تیار کیے ہیں جو معاشرتی چیلنجوں سے نمٹنے کے ساتھ ساتھ معاشی ترقی اور روزگار کی تخلیق کو بھی آگے بڑھاتے ہیں۔ اس تقریب میں ایس ٹی پی آئی  نیکسٹ اور ایکو نظام بنانے والوں کے درمیان سات مفاہمت ناموں کا تبادلہ بھی ہوا، بھارت آئی او ٹی چیلنج کے فاتحین کے لیے بلڈ کی مبارکباد اور 20 اسٹارٹ اپس کو نیکسٹ جنریشن  ٹکنالوجی فنڈ1 سے آج مجموعی طور پر  6.1 کروڑ روپے دئے گئے۔ یہ فنڈ ایس ٹی پی آئی نیکسٹ اور دیگر سرمایہ کار سرمایہ کاروں کے ساتھ این جی آئی ایس  اسکیم کے تحت قائم کیا گیا ہے۔

سرمایہ کار ی تعلقات،ممبئی اینجلس کے ایگزیکٹو نائب صدر جناب اشوک سنگھ؛ ، ، پونٹاک وینچرز انڈیا ایل ایل پی کے منیجنگ پارٹنر جناب پریم بھرتھا سارتھی ؛ ، ایس ٹی پی آئی کے سینئر ڈائریکٹر جناب دیوش تیاگی؛ ڈائرکٹرانوویشن اینڈ اسٹارٹ اپس ایس ٹی پی آئی جناب  سبودھ سچن اور محترمہ منجوشا چورسیا، سائنسدان ای، ایم آئی ٹی وائی بھی اس موقع پر موجود تھے۔

ایس ٹی ئی آئی  کے بارے میں:

ایس ٹی پی آئی الیکٹرانکس اور انفارمیشن ٹکنالوجی کی وزارت کے تحت ایک ادارہ ہے جو سافٹ ویئر کی برآمدات کو فروغ دینے، ٹیک اسٹارٹ اپ ایکو نظام  کی پرورش اورآئی ٹی/ایس ٹی ای ایس صنعت کو وسعت دینے کے لیے کام کرنے میں مصروف ہے۔ ایس ٹی پی آئی اپنی نیکسٹ جنریشن انکیوبیشن اسکیم (این جی آئی ایس) اور سٹارٹ اپس کو مطلوبہ تعاون اور وسائل فراہم کرکے،انٹرپرینیورشپ انوویشن کے 22 ڈومین مخصوص مراکز کے ذریعے، ہندوستان میں اسٹارٹ اپ ماحولیاتی نظام کو مضبوط بنانے میں سرگرم عمل ہے۔ مزید تفصیلات کے لیے www.stpi.in ملاحظہ کریں۔

ٹی آئی ای  دہلی-این سی آر کے بارے میں 

ٹی آئی ای دہلی-این سی آر نے کاروباریوں اور سرمایہ کاروں کے لیے بڑھتے ہوئے مثبت ماحولیاتی نظام کی تشکیل میں مسلسل قیادت کی ہے۔ ٹی آئی ای  دہلی-این سی آر  کاروباری افراد کی مدد کے لیے وسیع پیمانے پر پروگرام منعقد کرتا ہے۔ ان میں اسٹارٹ اپ ایکسپو ٹی آئی  ای کون ، ٹی آئی ای انسٹی ٹیوٹ، ٹی آئی ای ینگ انٹرپرینیورز کے ساتھ ساتھ تمام شعبوں میں خصوصی دلچسپی والے گروپ (ایس آئی جیز) شامل ہیں۔ مزید تفصیلات کے لیے www.delhi.tie.org ملاحظہ کریں۔

********

  ش ح۔اع ۔رم

U-767     

(Release ID: 1975338) Visitor Counter : 81