محکمہ اعلیٰ تعلیم، وزارت تعلیم نے اپنی خصوصی مہم 3.0 کامیابی کے ساتھ  مکمل کی۔ مہم 15 ستمبر سے 30 ستمبر 2023 تک تیاری کے مرحلے کے ساتھ شروع ہوئی اور مہم کا مرحلہ 2 اکتوبر سے 31 اکتوبر 2023 تک تھا۔

اس مہم میں اعلیٰ تعلیمی اداروں(ایچ ای آئیز) اور اے آئی سی ٹی ای اور یو جی سی جیسے ریگولیٹری اداروں کو تیاری کے مرحلے کے دوران مہم کے بارے میں حساس بنانا شامل تھا۔ ہائیر ایجوکیشن ڈیپارٹمنٹ کے سکریٹری جناب کے سنجے مورتی نے 19.09.2023 کو ان اداروں کے ساتھ ایک میٹنگ کی۔ میٹنگ کے دوران انہوں نے ‘سووچھتا ہی سیوا’ پر ایک عہد بھی لیا۔

نفاذ کا مرحلہ 2 اکتوبر 2023 کو محکمہ ہائر ایجوکیشن اور اس کے اداروں میں شروع ہوا، جس نے پورے ملک میں تقریباً 1150 مہم کی جگہوں کا احاطہ کیا۔

مہم کے دوران اب تک کی نمایاں کامیابیاں درج ذیل ہیں:

• عوامی شکایات: محکمہ نے 70فیصد عوامی شکایات کو حل کیا، 2889 میں سے 2017 مقدمات کو نمٹا دیا گیا۔
• عوامی شکایات کی اپیلیں: محکمہ نے اپیل کے عمل میں 70فیصد عوامی شکایات کو حل کیا، 839 میں سے 591  اپیلوں  کو نمٹا دیا۔
• ریکارڈ مینجمنٹ: 89فیصد فزیکل فائلوں کا جائزہ لیا گیا (9103 میں سے 8071 فائلیں) اور تقریباً 62فیصد (5707 فائلوں) کو ختم کر دیا گیا۔
• جگہ کا بندوبست: اے آئی سی ٹی ای، ایچ ای آئیز اور یو جی سی کی طرف سے رپورٹ کردہ  جگہ کا بندوبست  تقریباً 3.15 لاکھ مربع فٹ ہے، جو کہ موثر  جگہ کے  انتظام میں حصہ ڈالتا ہے۔
• ریونیو جنریشن: 31.10.2023 تک، تقریباً 1.70 کروڑروپے کی  اے آئی سی ٹی ای، ایچ ای آئیز ، اور یو جی سی سے ریونیو جنریشن کی اطلاع دی گئی ۔

محکمہ اعلیٰ تعلیم سی پی ڈبلیو ڈی کے ذریعے شاستری بھون، نئی دہلی کی مجموعی دیکھ بھال اور  رکھ رکھاؤ  کے لیے نوڈل وزارت ہے۔ نوڈل منسٹری کے طور پر، اس نے درج ذیل سرگرمیاں/پہلیں انجام دی ہیں۔

گاڑیوں کی نیلامی: وزارت تعلیم نے شاستری بھون میں 17 ناقابل استعمال  گاڑیوں کی کامیابی کے ساتھ نیلامی کی، جس  کی فروخت کی  قیمت 7.44 لاکھ روپے  ہے ۔

نامیاتی فضلہ کی تبدیلی: وزارت نے باغ کے استعمال کے لیے کینٹینوں سے سبز فضلے کو کھاد میں تبدیل کیا اور ویسٹ پیپر ری سائیکلنگ پلانٹ کی تنصیب شروع کی، جو مہم 3.0 میں کام کرنے کے لیے تیار ہے۔

ای- ویسٹ ڈسپوزل: وزارت نے جی ای ایم پورٹل پر تقریباً 900 متروک آئی ٹی آلات کی نیلامی کے منصوبے کے ساتھ 40 ایم سی ڈی اسکولوں کو 205 کمپیوٹر سسٹمز کی تجدید کی اور عطیہ کیا، جس کا تخمینہ تقریباً  6 لاکھ روپے کا ہوگا۔

تقریباً 24 ٹرکوں سے بھرے ملبے اور 200 ٹن وزنی ردی کو ٹھکانے لگایا گیا ہے۔

ڈیجیٹل  میں منتقلی : وزارت نے ایونٹ کے اعلانات اور پیغام کی تشہیر کے لیے ڈیجیٹل اسکرینیں نصب کیں، جس سے بینرز اور اسٹینڈز کے لیے پلاسٹک کے لچکدار مواد کے استعمال میں کمی آئی۔

  ایچ ای آئی کے بہترین طرز عمل

بہترین طریقوں میں سے ایک یہ تھا کہ ڈاکٹر ڈی آر  پیشوے اور وی این آئی ٹی، ناگپور کے پریاس کلب کے تحت ٹیم نے ستائیس پلاسٹک ڈیم بنائے ڈیموں کی تعمیر کے لیے استعمال شدہ اور ناکارہ پلاسٹک کے تھیلے استعمال کیے گئے۔ اس بہترین عمل کو ڈی اے آر پی ٹی ، خصوصی مہم 3.0 کے نوڈل ڈپارٹمنٹ نے وزارتوں/محکموں میں تمام بہترین طریقوں میں سے ایک کے طور پر تسلیم کیا ہے۔

ملک بھر کے اعلیٰ تعلیمی اداروں میں اپنائے جانے والے کچھ دیگر بہترین طریقے ذیل میں ہیں:

این آئی ٹی رورکیلا: کباڑ خانے کی صفائی کرکے ایک سائیکل اسٹینڈ تیار کیا گیا جہاں تقریباً 500 دو پہیہ گاڑیاں/ سائیکلیں کھڑی کی جا سکتی ہیں۔

آئی آئی ٹی  مدراس: سڑک کے کنارے بندر پروف یوز می ڈسٹ بِن/کوڑے کے ڈبے لگا کر پورے کیمپس کو گندگی سے پاک قرار دیا گیا ہے۔ ہارڈ ویئر کو انجینئرنگ یونٹ نے ڈیزائن کیا ہے۔ ان تمام کوڑے کے ڈبوں میں نگرانی کے مقاصد کے لیے مقام کے لحاظ سے مخصوص کیو آر کوڈ ہوتے ہیں۔ ایک موبائل ایپ ‘سی لنسٹی’ (انسٹی ٹیوٹ کے طلباء کے ذریعہ تیار کردہ ایک حسب ضرورت موبائل ایپ) کوڑے کے ڈبوں اور کچرے کے مقام کے انتظام میں سہولت فراہم کرتی ہے جس سے ایک مواصلاتی طریقہ کار کو فعال کرکے مجازی شکایات کی شناخت اور ان پر کارروائی کی جاسکتی ہے جو تقریباً کوئی بھی شخص  جوایپ استعمال کر سکتا ہو اس کا فائدہ اٹھا سکتا ہے۔

آئی آئی ٹی حیدرآباد: ٹھوس فضلہ کے انتظام کے لیے، مختلف ذرائع سے نامیاتی فضلہ کو ورمی کمپوسٹنگ کی سہولت میں بھیجا جاتا ہے۔ کھاد باغبانی کے مقاصد کے لیے استعمال ہوتی ہے۔ خشک ری سائیکل کو ایک مرکزی سہولت پر کاغذ، پلاسٹک، گتے، شیشے اور دیگر حصوں میں الگ کیا جاتا ہے اور ری سائیکلنگ مارکیٹ میں فروخت کیا جاتا ہے۔ غیر ری سائیکل اور سینیٹری فضلہ کو مناسب طریقے سے ڈیزائن کیے گئے انسینریٹر میں جلایا جاتا ہے۔

********

 

ش ح۔  ج ق۔ رض

U. No.753

(Release ID: 1975271)