কেন্দ্র মন্ত্রী দোক্তর জিতেন্দ্র সিংহনা ২০২৫ ফাওবদা ভারত অসি মালেমগী মকোক থংবা বাইও-মেনুফেকচরিং হব ৫গী মনুংদা চল্লগনি হায়খ্রে‍।

বাইওতেক্নোলোজীদা মালেমগী লল্লোন ইতিক্কী মরুওইবা মচাক অমা ওইরক্নবা মতিং লৈ অমদি বাইও-ইকনমীনা ভারতকী মপুং ওইবা শেন্মিৎলোন্দা থৌদাং য়ারি হায়না সাইন্ত অমসুং তেক্নোলোজী মন্ত্রীনা হায়খ্রে‍।

ৱাফম অসি সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ), MoS PMO, পর্সোনেল, পব্লিক গ্রীভান্সেস, পেন্সন্স, এতোমিক ইনর্জী অমদি স্পেসকী রাজ্য মন্ত্রীনা, দিসেম্বর ৪-৬, ২০২৩ ফাওবদা প্রগতি মৈদান্দা পাঙথোক্কদবা মেগা ইন্তরনেস্নেল কংগ্রিগেসন ওন বাইওতেক্নোলোজী অমা ওইরিবা “গ্লোবেল বাইও-ইন্দিয়া – ২০২৩”গী ৱেবসাইত হাংদোকপদা ফোঙদোকখিবনি‍।

প্রধান মন্ত্রী শ্রী নরেন্দ্র মোদীগী লুচিং মখাদা হৌখিবা চহি ৮ অসিদা ঐখোয়গী বাইওইকনমীনা চহি চহিগী ওইনা দবল দিজিৎ গ্রোথ লাকপা উরি হায়না দোক্তা জিতেন্দ্র সিংহনা হায়খি‍। ভারত অসি হৌজিক মালেমগী ওইনা মকোক থংবা বাইওতেক্নোলোজী দেন্তিনেসন ১২গী মনুংদা চল্লিবনি হায়না মহাক্না হায়খি‍।

“ইং ২০১৪দা, ভারতকী বাইওইকনমী অসি দোলর বিলিয়ন ১০ রোমতমক ওইরম্মি, ঙসিদি মসি দোলর বিলিয়ন ৮০ য়ৌরে‍। শুপ্নগী চহি ৮/৯দা মসি শরুক ৮ ফাওবগী চাংদা কাখৎলকখি অমদি ঐখোয়না ২০৩০ ফাওবদা দোলর বিলিয়ন ৩০০ য়ৌনবা মীৎয়েঙ থম্লি,” হায়না মহাক্না হায়খি‍।

লাক্কদৌরিবা মতমদা বাইওইকনমী অসিনা পুন্সি হিংনবগী য়াম্না চাউবা হৌরকফম অমা ওইরক্কদৌরিবনি হায়না দোক্তর জিতেন্দ্র সিংহনা হায়খি‍।

“ভারত্তা বাইওতেক্নোলোজী সেক্তর অসি হৌখিবা দেকেদ অহুমসিদা অওনবা লাক্লি অমদি হকশেল, হিদাক লাংথক, লৌউ-শিংউ, ইন্দস্ত্রী অমদি বাইও-ইনফোর্মেতিক্স য়াওনা তোঙান তোঙানবা সেক্তরশিংদা মশক থোকপা থৌদাং য়ারি,” হায়না মহাক্না হায়খি‍।

বাইওতেক স্তার্তঅপশিং অসি ভারতকী তুংগী শেন্মিৎলোন্দা য়াম্না মরুওই হায়না দোক্তর জিতেন্দ্র সিংহনা হায়খি‍।

“২০১৪দা স্তার্তঅপ ৫২খক লৈরম্বদগী হৌজিক ৬৩০০ হেন্না লৈদুনা হৌখিবা চহি ৮সিদা বাইওতেক স্তার্তঅপগী মশিং শরুক ১০০ হেন্না হেনগৎলক্লি‍। নুমিৎ খুদিংগী বাইওতেক স্তার্ত-অপ ৩ চৎনবা য়াবা তেক্নোলোজিকেল সোলুসন পীননবগী পান্দমদা ভারত্তা ইনকোর্পোরেত তৌরি,” হায়না মহাক্না হায়খি‍।

IT না হান্ননা মাগী সেচুরেসন পোইন্ত য়ৌরকপগা লোয়ননা বাইওতেক্নোলোজীনা হয়েংগী তেক্নোলোজী ওইরক্লি হায়না দোক্তর জিতেন্দ্র সিংহনা হায়খি‍।

“ভারত অসি বাইওরিসোর্সশিংগী অচৌবা তুংনফম অমা ওইরি, য়ৌশিনবা ঙমদ্রিবা রিসোর্সশিং লোকশিন্নবা ঙাইদুনা লৈরি অমদি পাক চাউবা বাইদাইভর্সিতী অমদি হিমালয়াগী তোপ তোপ্পা বাইওরিসোর্সশিংনা মরম ওইরগা বাইওতেক্নোলোজীদা খুদোংচাবা অমা পীরি‍। অদুগা ঐখোয়গী কিলোমিতর ৭,৫০০ শাংবা সমুদ্র খোঙবান পরিং লৈরি অমদি মমাঙ চহিদা ঐখোয়না সমুদ্রগী ঈরোন্নুংদা বাইওদাইভর্সিতী থিজিন্নবা সমুদ্রয়ান হৌদোকখি,” হায়না মহাক্না হায়খি‍।

বাইওতেক্নোলোজী স্তার্তঅপশিং অসি মাইক্রো-ওর্গানিজমশিংগী অহিংবা সিস্তেম প্রোসেস তৌবা, সেল্ফ কলচর তৌবনচিংবগী খুত্থাঙদা বাইওলোজী অমদি মেনুফেকচরিংগী অনৌবা থিজিন হুমজিনবশিং পুনশিনবা তোঙানবা মওং অমনি হায়না দোক্তর জিতেন্দ্র সিংহনা হায়খি‍।

“”বাইওতেক্নোলোজীনা অদোমদা তরু তরুবা, অশঙ অমান্না থনবা অমদি অদোমগী মশা মউ ফবগা চুনবা, অদোমগী স্তেকশিং মরি শম্নহনবা অকোয়বগী ফীভম অমা পীগনি‍। মতম অসুম হৌখিদুনা, মসিনা পুন্সি হিংনবগী অফবা পাম্বৈশিং পুথোরক্কনি, ফুদ এদিতিব, বাইওইঞ্জিনিয়রিং তাইস, শাগী মচিঞ্জাকনচিংবা বাইও-বেজ চীঞ্জাক্নচিংবা পেত্রোকেমিকেল-বেজ মেনুফেকচরিংগী মহুৎ শিনবা য়াবা পাম্বৈসু ফংহনগনি,” হায়না মহাক্না হায়খি‍।

ঙসি লমদমসিদা এগ্রিতেক স্তার্তঅপ ৩,০০০ হেন্না লৈ অমদি এরোমা মিসন অমদি লেবেন্দর থাবনচিংবা হীরমশিংদা য়াম্না চাউনা মায় পাক্লি হায়না দোক্তর জিতেন্দ্র সিংহনা হায়খি‍।

“মীওই ৪,০০০ রোম লেবেন্দর থাবগী থবক তৌরি অমদি লুপা লাখ কয়া তাল্লি, মখোয়গী মরক্তা খরদি অৱাংবা থাক্কী মহৈ মশিং তম্লুবা নত্তে, অদুবু অনৌবা ৱাখল্লোন্দি য়াম্না লৈবশিংনি,” হায়না মহাক্না ফোঙদোকখি‍।

দিপার্তমেন্ত ওফ বাইওতেক্নোলোজীনা এদভান্স বাইওফ্যুল অমদি ‘ৱেস্ত তু ইনর্জী’ তেক্নোলোজীশিংদা R&D ইনোভেসনগী ঙাক্লৌ পীরি হায়না দোক্তর জিতেন্দ্র সিংহনা হায়খি‍।

চানবা থাউ অরেমবশিং খোমগত্তুনা বাইওফ্যুলদা ওন্থোক্নবা ভেন অমা দিজাইন তৌদুনা দেহরাদুনদা লৈবা ইন্দিয়ন ইন্সতিত্যুৎ ওফ পেত্রোলিয়ম CSIR-IIP) না শেমগৎপা রিসাইক্লিং তেক্নোলোজীগী মরমদা পল্লদুনা, “তুংদা, ফত্ত হৌদি অমত্তা তাদুনা লৈরক্লরোই‍। পুম্নমক রিসাইকল তৌরক্লগনি,” হায়না মহাক্না হায়খি‍।

বাইওতেক্নোলোজী অসি নহাশিংগী মরক্তা পাম্নরক্লিবা করিয়র ওপসন অমা ওইরক্লি হায়না দোক্তর জিতেন্দ্র সিংহনা হায়খি‍।

“সিন্থেতিক তেক্নোলোজী, জিনোম ইদিতিং, মাইক্রোবিএল বাইওরিসোর্স অমদি মেতাবোলিক ইঞ্জিনিয়রিংনচিংবা খুৎলায়শিংগী মরমদা হৌজিক্তি তোয়না ঙাংনরে,” হায়না মহাক্না হায়খি‍।

প্রধান মন্ত্রী শ্রী নরেন্দ্র মোদীগী আত্মনিরভর ভারতকী মঙলানগী মরমদা পল্লদুনা, দোক্তর জিতেন্দ্র সিংহনা, ভারতকী ভেক্সিন স্ত্রেতেজী, মিসন সুরক্সানা ফার্মা, ইন্দস্ত্রী অমদি একাদমিয়াবু হৌজিক্কী লোয়ননা তুংদা লাকপা য়াবা শিংনবশিং থেংননবগী মীৎয়েঙদা খোঙবু ওইনা পুনশিল্লক্লি হায়খি‍।

দোক্তর জিতেন্দ্র সিংহনা চন্দ্রয়ান-৩ অমদি DNA ভেক্সিন অনিগী মায় পাকপগী ৱারীনা ভারতকী সাইন্তিফিক ফ্রেতর্নিতীবু মালেমগী থাক্তা থাঙ্গত্তুনা, চাওখৎলবা লৈবাকশিংনা ফাওবা ঐখোয়গী য়াকা য়েংলি হায়খি‍।

“মমাঙদা, ভারতপু প্রিভেন্তিব হেল্থকেয়রগী মরমদা পাক্না খঙনরমদে অদুবু ঙসিদি ভারতপু মালেমগী ভেক্সিনেসন হব অমা ওইনা শকখঙলক্লি,” হায়না মহাক্না হায়খি‍।

PM মোদীনা ওন্ত্রপ্রিন্যুরসিপ অমদি ইচঙ থৌবা ইন্দস্ত্রীগী ফীভম অমা শেম্লে হায়না দোক্তর জিতেন্দ্র সিংহনা হায়খি‍।

“ঐখোয়দা পুম্নমক লৈরমখি, অদুবু ঐখোয়না মদুবু শৌগৎপিগদবা ফীভম অমা লাকপা ঙাইদুনা লৈরমখি‍। অদুগা হায়রিবা শৌগৎপিগদবা ফীভম অদু খুজিল থৌরাং য়াৎপগী থাক্তগী লাক্কদবনি, রাজনিতীগী লুচিংবশিংগী থাক্তগী লাক্কদবনি অমদি প্রধান মন্ত্রী মোদী লাক্লবা মতুংদা ফীভমদু লাকখি,” হায়না মহাক্না হায়খি‍।

দোক্তর জিতেন্দ্র সিংহনা, কাখল কাখল খায়দোক্তুনা থবক তৌবগী মতমদু লোইখ্রে অমদি ঐখোয়গী য়ৌশিনবা ঙমদ্রিবা মচাকশিংগী পাক চাউরবা মতিং হাংদোক্নবগীদমক প্রাইভেস সেক্তরগা পুন্না থবক তৌমিন্নবা তাই হায়বা প্রধান মন্ত্রী মোদীগী ৱাফম থমখি‍। প্রধান মন্ত্রী মোদীনা শেমগৎখিবা অনুসন্ধান নেস্নেল রীছর্চ ফাউন্দেসন (NRF) অসিনা R&D হেনগৎহনগনি অমদি ভারতপু লাক্কদৌরিবা চহি ৫সিদা মালেমগী R&D লুচিংবগী থাক্তা পুখৎলক্কনি হায়না মহাক্না মখা তাখি‍।

“ঐখোয়না মালেমগী বেঞ্চমার্ক, মালেমগী লাল্লোং অমদি মালেমগী মীৎয়েঙ মপুং ফাহনবা তাই,” হায়না মহাক্না হায়খি‍।

দোক্তর জিতেন্দ্র সিংহনা, NRF তা লৈঙাক্কী নত্তবা রিসোর্স চাউনা লৈগনি, চহি মঙাগী লুপা করোর ৫০,০০০গী NRF কী বজেৎকী অয়াম্বা শরুক্তি লৈঙাক্কী নত্তবা সোর্সশিংদগী লাক্নবা মীৎয়েঙ থম্লি হায়খি‍।

“অনুসন্ধান NRF না সাইন্তিফিক অমদি তেক্নোলোজিকেল ইনোভেসন অমসুং মীওইবা খুন্নাইগী ৱাখল লৌশিং অমদি সোসিএল সাইন্স পুনশিনগনি,” হায়না মহাক্না হায়খি‍।

দোক্তর জিতেন্দ্র সিংহনা, হেক হৌরকপদগী ইন্দস্ত্রীগা মরী থমদুনা ইনোভেসনগী অফবা ইকোসিস্তেম অমা শেমগৎকনি হায়খি‍।

“মসি কেন্দ্র/স্তেত লৈঙাকো একাদমিয়া, ইন্দস্ত্রী, স্তার্তঅপশিং, ইনভেস্তরশিং, ফিলান্থ্রোপিক লূপশিং য়াওনা স্তেকহোল্দর পুম্নমক্না পুন্না হোৎনমিন্নগদবনি,” হায়না মহাক্না হায়খি‍।

দোক্তর জিতেন্দ্র সিংহনা মথঙগী চহি ২৫ সিদা “অমৃৎ কাল”গী পান্দমশিং ফংনবগীদমক শিনফম মখল পুম্নমক্কী মরক্তা হেন্না পাক চাউনা পুন্না চৎমিন্ননবা ৱাফম থমখি‍। থম্লিবা পান্দমদি: “সাইন্স পুম্বা, লোয়ননা লৈঙাক পুম্বা, লৈবাক পুম্বা” হায়বসিনি হায়না মহাক্না হায়খি‍।

মহাক্কী ৱারোলদা, দিপার্তমেন্ত ওফ বাইওতেক্নোলোজীগী (DBT) সেক্রেতরী, দোক্তর রাজেস গোখলেনা, DBT অমদি মাগী PSU, বাইওতেক্নোলোজী ইন্দস্ত্রী রীছর্চ এসিস্তেন্স কাউন্সিল (BIRAC)না বাইওলোজিকেলশিং পুথোকপদা মতেং পাংলি অমদি স্তার্তঅপ ইনোভেসন ইকোসিস্তেমবু য়োকখৎলি অমদি মখোঙ শোম্লি হায়খি‍।

*****