وزیراعظم کا دفتر
وزیر اعظم نریندر مودی نے برطانیہ کے وزیر اعظم رشی سونک سے بات چیت کی
قائدین نے باہمی تزویراتی شراکت داری کو مضبوط بنانے کی عہدبندگی کا اعادہ کیا
دونوں قائدین نے مغربی ایشیا کی صورتحال پر تبادلہ خیال کیا
Posted On:
03 NOV 2023 11:47PM by PIB Delhi
وزیر اعظم جناب نریندر مودی نے برطانیہ کے وزیر اعظم محترم جناب رشی سونک سے آج ٹیلی فون پر گفتگو کی۔
وزیر اعظم مودی نے وزیر اعظم سونک کو اپنے عہدے کے ایک برس کی کامیاب تکمیل پر مبارکباد پیش کی۔
قائدین نے تجارت، سرمایہ کاری، ابھرتی ہوئی تکنالوجی، دفاع، سلامتی، صحت اور دیگر شعبوں سمیت باہمی جامع تزویراتی شراکت داری کو مضبوط بنانے کے لیے اپنے عزم کا اعادہ کیا۔ انہوں نے باہمی طور پر فائدہ مند آزاد تجارتی معاہدے کی جلد از جلد تکمیل کے سلسلے میں ہونے والی پیش رفت کا خیرمقدم کیا۔
دونوں قائدین نے مغربی ایشیائی خطے میں پیدا ہوئی صورتحال اور اسرائیل اور حماس کے درمیان تنازعہ پر تبادلہ خیال کیا۔ دونوں قائدین نے دہشت گردی، بگڑتی ہوئی سلامتی صورتحال اور شہریوں کی ہلاکت پر گہری تشویش کا اظہار کیا۔ دونوں قائدین نے علاقائی امن، سلامتی، استحکام اور انسانی امداد جاری رکھنے کی ضرورت پر اتفاق کیا۔
دونوں قائدین نے رابطے میں رہنے پر اتفاق کیا اور دیوالی کے تیوہار کے موقع پر ایک دوسرے کو مبارکباد پیش کی۔
**********
(ش ح –ا ب ن۔ م ف)
U.No:671
(Release ID: 1974655)
Visitor Counter : 84
Read this release in:
English
,
Hindi
,
Manipuri
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam