পি.এম. গতিশক্তীবু থবক ওইনা পাংথোক্লিবা অসিগী হৌজিক্কী ফিভম হঙ্গৎনা য়েংশিন্নবা অমসুং ইনফ্রাস্ত্রকচরগী থৌরাং য়াৎনবা জিলা/লোকেলগী থাক্তা পি.এম. গতিশক্তীগী ৱাখল্লোনবু থবক্তা পাংথোক্লিবা অসিবু তুংলমচত্তা পুনবা পাম্বৈ নৈননবগীদমক্তা কম্মর্স অমসুং ইন্দস্ত্রী মন্ত্রালয়গী দিপার্তমেন্ত ওফ প্রোমোসন ওফ ইন্দস্ত্রী অমসুং ইন্তর্নেল ত্রেদ (DPIIT)না শিন্দুনা ঙসি রাজ্য/UT অমসুং মন্ত্রালয়শিংগী সেনিয়র ওফিসরশিংগা লোয়ননা ৱেবিনার অমা পাংথোকখ্রে। ৱেবিনার অসিগী এজেন্দাগী মনুংদা মখাগী ৱাফমশিং অসি মনুং চনখি – DPIIT & BISAG-Nনা পি.এম. গতিশক্তী নেস্নেল মাস্তর প্লান (NMP) উৎপা; খুঙ্গং অমসুং শহরগী মফমশিংদা পি.এম. গতিশক্তী NMPবু জিলা/লোকেলগী থাক্তা থবক ওইনা পায়খৎনবগীদমক্তা রাজ্য/UTশিংগা ৱা তানবা; অমসুং ক্রোস লর্নিং খুমাং চাউশিলহনবা অমসুং রাজ্যগী থাক্তা লৈবা ইনফ্রাস্ত্রকচর নেতৱর্কশিংগা চুশিনহনবগী পান্দমগা লোয়ননা ইনফ্রাস্ত্রকচরশিংগী মরী লৈননা খনগৎলবা মন্ত্রালয়শিংগী এক্সপেরিএন্স শেয়র তৌবা। 

DPIITগী সেক্রেতরী, শ্রী রাজেশ কুমার সিংহনা মহাক্কী হৌদোক-ৱারোলদা GISতা য়ুম্ফম ওইবা তোপ-তোপ্লবা প্লেতফোর্ম অমসুং পি.এম. গতিশক্তীনা মন্ত্রালয়/বিভাগ অমসুং রাজ্য/UT শিনবা থুংবগী য়ুনিভর্সেল প্লান্নিং তুল অমা ওইবগী মতিক লৈরিবা অসিগী মতাংদা ৱা ঙাঙখি। মিৎয়েং শানবা পি.এম. গতিশক্তী প্রোগ্রাম অসিগী মথংগী তাঙ্কক ওইনা এরিয়া দিভেলপমেন্ত প্রিন্সিপলশিংদা অখন্নবা মিৎয়েং চঙবগা লোয়ননা জিলা/অর্বান লোকেল বোদী/ব্লোক্কী থাক্তা চাউথোকহনবা হায়বসিদা মহাক্না অহেনবা মিৎয়েং চঙখি।

DPIITগী স্পিসিএল সেক্রেতরী (লোজিস্তিক্স), শ্রীমতি সুমিতা দাউরানা কেন্দ্রগী মন্ত্রালয় অমসুং রাজ্য/UTশিংগী লুপা করোর লাখ 11.98 (USD 143.92 বিলিয়ন)কী শেনফমগী প্রোজেক্ত 300 হেনববু য়েংশিনহনখিবা রিভোল্যুস্নরী ওইরবা দিজিতেল ইনফ্রাস্ত্রকচর প্লান্নিংদা মীয়ামগী পুক্নিং চীংশিনখি। মখা তারকপদা, রাজ্যশিংগী লুপা করোর 5496 (USD 660 মিলিয়ন)কী প্রোজেক্ত 200 হেনববু লোজিস্তিক্স ইনফ্রাস্ত্রকচর ফগৎহল্লু হায়বগী পাউতাকসু পীখ্রবনি। মন্ত্রালয়/বিভাগ অমসুং রাজ্য/UTশিংনা খুৎলায় শেমগৎপা অমসুং য়ুজ কেসকী মতাংদা ক্রোস-লর্নিং তৌববু পুক্নিং থৌগৎপা; গ্রাসরুত লেভেল, হায়বদি, জিলা/অর্বান লোকেল বোদী/ব্লোক্কী থাক ফাওবদা কান্নবা ফংহন্নবগীদমক্তা পি.এম. গতিশক্তীগী ৱাখল্লোন ইলহন্নবা জিলাগী আউতরীচ প্রোগ্রাম পাংথোকপা; অমসুং পি.এম. গতিশক্তীগী রেগ্যুলর কোর্সশিংবু স্তেত এদমিনিস্ত্রেতিব ত্রেনিং ইন্সতিত্যুতশিংদা ইন্সতিত্যুস্নেলাইজ তৌদুনা কেপাসিতী বিলদিং তৌবগী থৌওংদা মহাক্না মিৎয়েং চঙখি।

স্পিসিএল সেক্রেতরীনা পি.এম. গতিশক্তীবু হেন্না পাক শন্না শিজিন্নহন্নবগীদমক্তা রাজ্য/UTশিংনা জিও-তেগ তৌরবা দেতা শেম্নবগীদমক্তা লোকেল রিমোত সেন্সিং এজেন্সী/স্পেস এজেন্সীশিংগী কান্নবা লৌগদবনি অমসুং পি.এম. গতিশক্তীগী মখাদা লৈবা ইন্সতিত্যুস্নেল মেকানিজমশিংগী মীফম চাং নাইনা পাংথোকফম থোকই, অমসুং হোলিস্তিক্স দিভেলপমেন্ত লাকহন্নবগীদমক্তা এরিয়া দিভেলপমেন্ত প্রিন্সিপলশিংগা ইনফ্রাস্ত্রকচর প্লান্নিংগা পুনশিন্নগদবনি হায়না ফোংদোকখি।

রাজ্য অমসুং UTশিংনা পি.এম. গতিশক্তী শিজিন্নদুনা ইনফ্রাস্ত্রকচর প্রোজেক্ত মেপ্পিং তৌবা অমসুং সোসিএল ৱেলফিয়র স্কিম চলয়াবগী থৌরাং শেম-শাবগী হৌজিক ওইরিবা থাকশিং তাকখি। মখোয়না স্তেত ওফিসিএলশিংবু ত্রেনিং পীবগী মথৌ তারিবা অসিগী ৱাফম পুথোকখি অমসুং মসিদা BISAG-Nনা লেপ্তনা তেংবাংবগী অয়াবা পীখি।

রাজ্য/UT, কেন্দ্রগী মন্ত্রালয়/বিভাগশিংগী ওফিসিএল 650 হেনবা অমসুং রাজ্যশিংগী রেসিদেন্ত কম্মিস্নরশিংনা রাজ্য/UT 36, ইনফ্রাস্ত্রকচর অমসুং সোসিএল সেক্তর বিভাগ/মন্ত্রালয় অমসুং BISAG-N কোল্লিবা ৱেবিনার অসিদা শরুক য়াখি।

***