دفاعی پیداوار کے محکمے نے خصوصی مہم 3.0 کو کامیابی سے چلایا اور مکمل کیا ہے۔ خصوصی مہم جس میں تیاری (15 سے 29  ستمبر، 2023) کے ساتھ ساتھ عمل آوری کے مرحلے (2 سے 31  اکتوبر، 2023) دونوں پر مشتمل ہے، اس میں مختلف پہلوؤں کو شامل کیا گیا ہے جس میں سوچھتا کو روز مرہ کی عادت کے طور پر شامل کرنے پر زور دیا گیا ہے تاکہ صاف ستھرا اور ترتیب وار کام کی جگہ کو یقینی بنایا جا سکےجو آخر کار پیداواری صلاحیت میں اضافہ کرتا ہے۔ مہم کے دوران، ریکارڈ کے انتظام کے طریقوں کا جائزہ لیا گیا جس میں محکمہ کے ریکارڈ روم کا معائنہ بھی شامل تھا۔ اس سال مختلف دفاعی اداروں پر خصوصی  توجہ مرکوز کی گئی۔ تمام متعلقہ ڈی پی ایس یوز اور منسلک دفاتر کے ایکشن پلان کا جائزہ لینے کے لیے میٹنگیں تیاری کے مرحلے اور نفاذ کے مرحلے میں اعلیٰ ترین سطح پر منعقد کی گئیں۔ ڈیٹا روزانہ کی بنیاد پر جمع کیا گیا اور اسے ڈی اے آر پی جی کے زیر التواء معاملات کے نمٹارے کے لیے خصوصی مہم (ایس سی ڈی پی ایم) پورٹل پر اپ ڈیٹ کیا گیا ۔

دفاعی پیداوار کے محکمے نے مختلف پیرامیٹرز میں تمام شناخت شدہ اہداف کا 100فیصد نمٹارا حاصل کر لیا ہے۔ ایم پیز کی طرف سے کل 8 حوالہ جات ، ریاستی حکومت کی جانب سے 3 حوالہ جات، پی ایم او سے 2 حوالہ جات، 155 عوامی شکایات اور سنٹرلائزڈ پبلک گریونس ریڈیس اینڈ مانیٹرنگ سسٹم (سی پی جی آر اے ایم ایس) پر 57 عوامی شکایات کی اپیلیں عمل آوری کے مرحلے کے دوران نمٹا دی گئی ہیں، جن میں 3  قوائد /عمل کو آسان بنانا شامل  ہے۔ کل 25,000 حقیقی فائلوں کا جائزہ لیا گیا ہے جن میں سے 22,350  فائلوں کو ختم کر دیا گیا ہے۔ دستیاب وسائل کے فائدہ مند استعمال اور اسکریپ کو ٹھکانے لگانے سے آمدنی پیدا کرنے پر اس مہم کے سب سے زیادہ زور کو مدنظر رکھتے ہوئے،  ڈی پی ایس یوز اور  ڈی ڈی پی کے منسلک دفاتر نے 3000 میٹرک ٹن غیر خدماتی اسٹورز/ اسکریپ کو ٹھکانے لگانے کے ذریعے 20,21,19,650 روپے کی آمدنی حاصل کی اور جس کے نتیجے میں اس مہم کے دوران 7,78,640 مربع فٹ جگہ خالی کرائی گئی ۔

مزید برآں، ملک کے مختلف حصوں میں ڈی پی ایس یوز اور منسلک دفاتر کے ذریعے 800 مقامات پر لوگوں پر مرکوز مصروفیت کے ساتھ آل  انڈیا سوچھتا ابھیان شروع کیا گیا ہے۔ یہ بات بھی قابل ذکر ہے کہ خصوصی مہم 3.0 کے دوران دفاعی پیداوار کے محکمے کا سفر کئی سنگ میلوں پر مشتمل رہا ہے۔ مہم کے دوران تعینات کیے گئے بہترین طریقوں کے حصے کے طور پر، ڈی پی ایس یوز اور  ڈی ڈی پی کے منسلک دفاتر کے ذریعے کئی بہترین طریقوں کو اپنایا گیا۔ مشینی صفائی، اسکریپ کے دوبارہ استعمال کے ذریعے دفاتر / احاطے کی خوبصورتی جو کہ فضلہ یا اسکریپ کو کم کرنے، دوبارہ استعمال کرنے اور ری سائیکل کرنے کے اصول پر عمل کرتی ہے، پلانٹ کے اندر سلیگ ڈمپ (500میٹرک ٹن) جو کہ ایک مدت کے دوران جمع ہو گیا تھا ، سڑک کی تعمیر اور  مدھانی کے اندرونی چاروں طرف سڑک بچھانے کے لیے استعمال کیا گیا ہے۔ ماحول کو سرسبز و شاداب رکھنے اور پلانٹ کے اندر خوشگوار ماحول پیدا کرنے کے لیے باہر سے پودے منگوانے کے بجائے کئی ڈی پی ایس یوز اور منسلک دفاتر میں ان ہاؤس نرسی تیار کی جاتی ہے، طبی فضلے کی علیحدگی، درختوں کی شجرکاری، گیئر میٹرولوجی کی اے سی اکائیوں سے  ڈسٹیل پانی کا استعمال کیا گیا۔

گوا شپ یارڈ لمیٹڈ (جی ایس ایل) کی رہائشی کالونی میں، کینٹین سے کھانے کے فضلے، سڑے گلے پتوں اور بائیو ڈیگریڈیبل کچرے کو پراسیس کرنے کے لیے ایک کمپوسٹنگ پٹ قائم کیا گیا ہے۔ یہ اقدام نہ صرف لینڈ فلز پر بوجھ کو کم کرتا ہے بلکہ غذائیت سے بھرپور کھاد بھی تیار کرتا ہے۔ نتیجے میں حاصل ہونے والی کھاد کو پودوں کی نشوونما میں مدد کے لیے استعمال کیا جاتا ہے، جس سے سبز اور صحت مند ماحول میں تعاون کیا جاتا ہے۔ بھارت الیکٹرانکس لمیٹڈ (بی ای ایل) نے دوبارہ قابل استعمال معیارات کو پورا کرنے کے لیے فضلے کے پانی کو ٹریٹ کرنے میں ایک قدم آگے بڑھایا ہے اور اس طرح اسے پیداواری مقاصد کے لیے ری سائیکل کیا جا رہا ہے۔ اسی طرح، گھریلو فضلے کے پانی کو باغبانی کے مقاصد کے لیے صاف  کیا جاتا ہے اور ری سائیکل کیا جاتا ہے۔ بنگلورو کے بی ای ایل رہائشی کمپلیکس نے 10 ایم ایل ڈی سیوریج کو صاف کرنے اور مقامی بنگلور کو احیاء کرنے کے لیے سیوریج ٹریٹمنٹ پلانٹ (ایس ٹی پی) کے کام کے ساتھ پانی کی مثبت حیثیت حاصل کر لی ہے۔ گھر میں دفتری کرسی کے فضلے کا استعمال کرتے ہوئے اسکریپ سے پوڈیم تیار کرنا اور کاغذ/کتاب کی جگہ کے لیے ہولڈنگ پیڈ شامل ہے۔

مہم کے بارے میں عوامی بیداری سوشل میڈیا پلیٹ فارمز، بینرز، پوسٹرز، پینٹنگ مقابلوں وغیرہ کا استعمال کرتے ہوئے پھیلائی گئی ہے۔ قابل ذکر بات یہ ہے کہ  ڈی پی ایس یوز، اس کے منسلک دفاتر اور ڈی ڈی پی کے ذریعے ایکس (سابقہ ٹویٹر کے نام سے جانا جاتا تھا) پر 823 سے زیادہ ٹویٹس شیئر کیے گئے ہیں، اور  سبھی خصوصی مہم 3.0 کے ساتھ ٹیگ کیے گئے ہیں۔

سوچھتا مہم 3.0 نے دفاعی پیداواری یونٹس اور منسلک دفاتر میں صفائی ستھرائی اور کارکردگی کو بڑھانے میں اہم پیش رفت کی ہے۔ صفائی کے کلچر کو فروغ دینے، ملازمین کو فعال طور پر شامل کرنے، ٹیکنالوجی کا استعمال اور کمیونٹی کو شامل کرکے، سوچھتا مہم 3.0 اپنی بنیادی قدر اور ثقافتی تبدیلی یا ذہنیت کی تبدیلی لانے کے آئیڈیل کی تکمیل میں کامیاب ہوئی ہے جس کے لیے مسلسل کوشش کی ضرورت ہے۔  صفائی کی ثقافت کی حوصلہ افزائی سے ملک کو طویل مدت میں فائدہ پہنچے گا، جس سے دفاعی پیداواری یونٹس اور  قوم پر بڑے پیمانے پر دیرپا اثر پڑے گا۔

*************

 

( ش ح  ۔  ا ک  ۔  ت ح  (

U. No 650                                                                                                                                                                                                 

(Release ID: 1974520) Visitor Counter : 125