পাৱর মন্ত্রালয়গী মখাদা লৈবা পব্লিক সেক্তর অন্দর্তেকিংশিংগী জোইন্ত ভেঞ্চর ওইরিবা ইনর্জী ইফিসিএন্সী সর্ভিসেস লিমিতেদ (EESL)না মখোয়গী তোপ-তোপ্লবা নেস্নেল ইফিসিএন্ত কুকিং প্রোগ্রাম (NECP) অমসুং ইনর্জী ইফিসিএন্ত ফেন্স প্রোগ্রাম (EEFP) ঙসি হৌদোকখ্রে। হায়রিবা প্রোগ্রামশিং অসি ঙসি, নবেম্বর 2, 2023দা নই দিল্লীদা পাংথোকপা থৌরম অমদা পাৱর অমদি অনৌবা অমসুং রিন্যুএবল ইনর্জীগী কেন্দ্র মন্ত্রী, শ্রী আর.কে. সিংহনা মায়খুম হাংদোকখিবনি। খোঙথাংশিং অসিগী পান্দমদি ভারত্তা চাক এন্সাং থোং থাকপগী মতৌদা অহোংবা পুরকপা অমসুং ইনর্জী ইফিসিএন্ত ওইবা ফেনশিংগী মরু ওইবা অমসুং অথুবা মতমদা মসিবু শিজিন্নবা হৌবগী ফিভম খঙহনবনি। খোঙথাংশিং অসিগী শরুক অমা ওইনা, EESLনা ইফিসিএন্ত BLDC ফেন করোর 1 অমসুং ইনর্জী-ইফিসিএন্ত কুক স্তোব লাখ 20 লৈবাক শিনবা থুংবদা য়েন্থোক্কনি।

নেস্নেল ইফিসিএন্ত কুকিং প্রোগ্রাম (NECP)না ইন্দক্সনগী থৌওংদা য়ুম্ফম ওইবা কুক-স্তোব পুরক্লি, মসিনা ত্রেদিস্নেল কুকিং মেথদতগী 25-30%গী কোস্ত এদভান্তেজ লৈ, লোয়ননা, ইনর্জী কনবা অমসুং মমল য়াম্না চঙদনা থোং থাকপগী কান্নবা পীগনি। EESLনা ভারত শিনবা থুংবদা ইন্দক্সন কুক স্তোব লাখ 20 য়েন্থোক্তুনা, থোং থাকপগী থৌওংশিংনা অকোয়বগী ফিভমদা অকায়বা পীবগী থৌওং হন্থহনবা, হেন্না শেংবা নুংশিৎ ফংহনবা, অমসুং মীয়ামগী হকশেল হান্নদগী হেন্না ফহনবা পাম্লি। ইন্দক্সন কুকতোপ মশিং য়াম্না য়েন্থোকপা য়ানবগীদমক্তা EESLনা মোদর্ন ইনর্জী কুকিং সর্ভিসেস (MECS)কা খুৎশম্নরি। থবকশিং অসিনা ভারতকী চাকখুমশিংদা মোদর্ন ইলেক্ত্রিক কুকিং দিভাইসশিং পাক শন্না শিজিন্নবগী থৌওংদা খোঙজেল য়াঙখৎহনগনি।

ইনর্জী ইফিসিএন্ত ফেন্স প্রোগ্রাম (EEFP)না সিলিং ফেন করোর 1 য়েন্থোকপগী পান্দম থমদুনা ইনর্জী ইফিসিএন্ত ওইবা BLDC ফেনশিং য়েন্থোকপদা মিৎয়েং চঙলি। খোঙথাংশিং অসিনা ইনর্জী শিজিন্নবা হন্থহনবগা লোয়ননা অকোয়বগী ফিভমদা পীরিবা চৈথেংশিং হনথহনগনি, লোয়ননা, মৈগী বিলসু হন্থহন্দুনা কস্তমরশিংদা হেন্না নুংঙাইহনগনি অমসুং পুম্নমক্কী য়াইফবা ওইহনগনি। সিলিং ফেন করোর 1 য়েন্থোকপগী থৌরম অসি জুলাই 2023দা গোৱাদা পাংথোকখিবা G20 ইনর্জী ত্রাঞ্জিসন ৱর্কিং গ্রুপকী থৌরমদা হৌদোকখিবনি। মসিগী মখা তারকপা ওইনা, EESLনা ইনর্জী ইফিসিএন্ত ফেন্স প্রোগ্রাম (EEFP) হায়না মিংথোনবা প্রোগ্রাম অমগী মখাদা ফেন লাখ 20গী অহানবা বিদ তৌরক্নবা পাউজেল পীরি।

 

“ইলেক্ত্রিক কুকিং হায়বসিনা মীরমদগী পুশিল্লকপা সোর্সশিংদা ইনর্জীগীদমক্তা মখা পোল্লিবা অসিবু হন্থহনবগী পাম্বৈ অমা ওইগনি”

চাউথোকচবা ফাওরিবা EESLগী ওফিসিএল অমসুং অতোপ্পশিংনা শরুক য়াবা মীয়ামদা ৱা ঙাঙবদা, কেন্দ্রগী পাৱর অমদি অনৌবা অমসুং রিন্যুএবল ইনর্জী মন্ত্রীনা ইলেক্ত্রিক কুকিংগী মাইকৈদা মায় ওনশিনবগী মথৌ তাহল্লক্লিবা স্ত্রেতজিক ওইবা থৌওংদা মিৎয়েং চঙখি। “মীরমদগী পুশিল্লকপা লিক্বিফাইদ নেচরেল গ্যাস্তা য়ূম্ফম ওইদুনা থোং থাকপগী পথাপ ঐখোয়গী লৈবাক্তা লৈরি। ঐখোয়না মসিগী শেল পুথোকপা ঙম্মি, অদুবু, স্ত্রেতজিক ওইবা ৱাফমদা য়েংলুরবদি, ইনর্জীগী তঙাই ফদবশিংগীদমক্তা অতোপ্পা লৈবাক্কী মখা পোনবা হায়বসিদি অফবা ৱাফম নত্তে। মসিনা মীরমদগী পুশিল্লকপা ইনর্জীগী মহুত্তা ঐখোয়গী লৈবাক্কী ওইবা পোৎলমশিংদা মায় ওনশিনবগী মরম্নি, অমসুং মসি ওইথোকহনগে হায়রবদি, ঐখোয়না ইলেক্ত্রিক কুকিংদা মায় ওনশিনবা তাবনি”।

“ই-কুকিং অমসুং গ্যাস স্তোব শিজিন্নদুনা থোংবা মথেলশিংদা করিগুম্বা খেন্নবা অমত্তা লৈতে”

মৈরীদা থোংবা চিঞ্জাক্কা ইন্দক্সন কুকর শিজিন্নদুনা থোংবা চিঞ্জাক অনিগী মরক্তা খেন্নবা অমত্তা লৈতে হায়না মন্ত্রীনা মীয়ামগী পুক্নিং চীংশিনখি। “ঐখোয়না মসি মীয়ামদা খঙহনবা তাবনি; পাৱর মন্ত্রালয় অমদি অনৌবা অমসুং রিন্যুএবল ইনর্জী মন্ত্রালয়গী মখাদা লৈবা লুপ খুদিংনা মসিদা তেংবাংগনি, ইলেক্ত্রিক কুকিং শিজিন্নবনা মমল অমসুং লায়না ফংবগী মতাংদা কান্নবা য়াম্না হেল্লি হায়বা ৱাফম্বু য়ুম্থোং খুদিংদা খঙহন্নবা লুপ খুদিংনা অমত্তা ওইনা পুনশিনগনি”।

“ই-কুকিং তৌবনা লাইরবা ইমুংশিংগী কুকিং কোস্ত হন্থহনগনি”

ইলেক্ত্রিক কুকিংদা মায় ওনশিনবনা মীচম মীয়ামদা মতৌ করম্না কান্নহনগনি হায়না শ্রী সিংহনা শন্দোক্না তাকখি। “ঐখোয়না ঐখোয়গী গ্যাস সিলিন্দর সবসিদাইজ তৌরবসু, লাইরবা ইমুং কয়ানা গ্যাস সিলিন্দর লৈবা ঙসিসু ঙম্নদ্রি। মসিনা মরম ওইরগা, ফোসিল ফুএল মৈ থারগা থোংবদা হেক্তা তাহল্লি। ঐহাক্না থাজবদি, ইলেক্ত্রিক কুকিংনা মসিগী পাউখুম ওইগনি, মরু ওইনা, লাইরবা ইমুংশিংগী। মখোয়না করিগুম্বা মসিদা মায় ওনশিনবা তারবদি, মখোয়গী কুকিং কোস্তকা লোয়ননা মৈগী বিলসু হন্থগনি”।

“ইনর্জী ইফিসিএন্ত ওইদবা ফেনশিং অসি খোঙজেল য়াঙনা লৌথোকখ্রগনি”

ইনর্জী ইফিসিএন্ত ওইদবা ফেনশিং অসি খোঙজেল য়াঙনা লৌথোক্লগনি হায়না মন্ত্রীনা মেন্যুফেকচররশিংদা পাউজেল থাখ্রে। “EESLনা লৈরিবা ফেনশিং অসিদি ফাইব স্তার ঙাক্তনি। ঐখোয়না ইনর্জী ইফিসিএন্ত ওইদবা ফেনশিংবু য়াম্না থুনা লৌথোক্লগনি। ওর্গনাইজ অমসুং অনওর্গনাইজ সেক্তর অনিমক্কী মেন্যুফেকচররশিংনা মসি খঙজিনবীয়ু। ঐখোয়না ভারতকী মীয়াম্না খ্বাইদগী ফবা পোৎলম ফংহনবা পাম্মি। ঐখোয়না মালেমগী লুচিংবা ওইবা পাম্মি অমসুং লেপ্তনা অদুম ওইবসু হেন্না পাম্মি”।

“EESL অমসুং BEEনা ভারতকী ইনর্জী ত্রাঞ্জিসনগী খোঙচত্তা মশক থোকপা থৌদাং লৌরি”

পাৱর মন্ত্রালয়গী মখাদা লৈরিবা লুপ অনিমক, EESL অমসুং ব্যুরো ওফ ইনর্জী ইফিসিএন্সী (BEE) অসিবু ইনর্জী ত্রাঞ্জিসনগী লমদা ভারতপু হৌগৎলক্লিবা মালেমগী লুচিংবা ওইহনবদা অচৌবা থৌদাং লৌবগীদমক্তা থাগৎপা ফোংদোকখ্রে। ইনর্জী ত্রাঞ্জিসনগী মতাংদা সরকারনা য়ানবা পুরকখিবা রোদমেপ অসিদি ইনর্জীগী অতোপ্পা মওংদগী ইলেক্ত্রিসিতীদা হোংজিনবা অমসুং মদুগী মতুংদা গ্রীন ইলেক্ত্রিসিতীদা অমুক হোংজিনবগী পান্দমগা লোয়ননা শেন্মিৎলোন অসিবু ইলেত্রিফাই তৌবনি হায়না শ্রী সিংহনা নীংশিংখি। “ঐখোয়গী কেপাসিতীগী চাউরাকপা 44% অসিদি হান্নদগী হৌনা ফোসিল ফুএল সোর্স ওইরিবনি, ইনর্জীগী ৱাফমদা ওল্লুরবদি মসিনা 25%কী চাং ওইগনি। ইং 20203 ফাওবগী মনুং অসিদা ঐখোয়গী কেপাসিতীগী চাউরাকপা 65% অসিদি নন-ফোসিল ফুএল সোর্সতগী ওইরগনি, অমসুং ইনর্জীগী ৱাফমদা হায়রুরগদি, মসিনা চাউরাকপা 40%-45% ওইগনি। ঐখোয়না ঙসি য়ৌরিবা থাক অসি BEE অমসুং EESLগী হোৎনজমন্না মরু ওইনা য়ৌরিবনি। মখোয় অনিমক্না মালেমগী লুচিংবা ওইবা স্কিম কয়া পুরকখি”। শিংনবা কয়া মাইয়োক্নরবসু, ঐখোয়গী লাইতিংবু LEDদা ওনখিবা অসিগী মরু ওইবা থৌদাংদি EESLনা লৌখিবনি হায়না মন্ত্রীনা মখা তাখি।

LED প্রোগ্রাম্না মায় পাকখিবা অদুগীদমক্তা EESLগী থৌওংশিংবু থাগৎলদুনা মন্ত্রীনা হায়খি, “অদোম্না LEDগী মতাংদা পাংথোকখিবা অদুগুম্না কুকিং স্তোবকী মতাংদসু পাংথোক্কদবনি”।

“ইনর্জী ইফিসিএন্ত ফেন প্রোগ্রাম্না রিপ্লেসমেন্ত দিমান্দ য়াম্না লৈহনগনি”

কেন্দ্রগী পাৱর সেক্রেতরী, শ্রী পঙ্কজ অগরর্ৱালনা ঙসিগী মীয়ামদা হায়বদা, ঙসি হৌদোক্লিবা প্রোগ্রাম অনি অসিদি তোপ-তোপ্পনি অমসুং মসিনা খোঙজেল য়াঙখৎহনবগী থৌদাং লৌগনি। মসিনা অচৌবা রিপ্লেসমেন্ত দিমান্দসু লৈহনগনি। “লৈবাক্কী ফেনগী মার্কেত অসিদি চাউরাক্না লুপা করোর 10,500 চাউই, মসিদা প্লেয়র 200 অমসুং ব্রান্দেদ ফেন 14 মনুং চল্লি। হৌজিক লাক্কদৌরিবা দিমান্দ অসিদি অনৌবা ফেনখক্কী নত্তনা রিপ্লেসমেন্ত য়াওগনি। স্তার লেবেলিং প্রোগ্রাম্না অচৌবা রিপ্লেসমেন্ত দিমান্দ অমুক লৈহনগনি। মেন্যুফেকচররশিংনা মখোয়গী প্রদক্তশিং শেম শাদুনা থমগনি হায়বগী থাজবা থম্মি। EESLনা শেম্লিবা দিমান্দ এগ্রিগেসন অসিনা শেন্মিৎলোন্দা খল শেমগনি অমসুং আউতরিচসু য়াম্না চাউনা লৈহনগনি”।

“ভারতনা G20দা ইনর্জী ত্রাঞ্জিসন এজেন্দা শেম্বদা মালেম্বু লুচিংখি”

পাৱর সেক্রেতরীনা ইনর্জী সেক্তরগী এজেন্দা শেম্বা অমসুং মালেমগী ইনর্জী ত্রাঞ্জিসনগী এজেন্দা শেম্বদা ভারতনা G20গী প্রসিদেন্ত ওইনা লুচিংবগী থৌদাং লৌখি হায়না ফোংদোকখি। “ঐখোয়না ইনর্জী ত্রাঞ্জিসনগী মতাংদা লুচিংবা অমা ওইদুনা লাক্লি। হৌজিকসু ওইরি। ঐখোয়না রিন্যুএবল পর্চেস ওব্লিগেসন (RPO) নোতিফাই তৌখি অমসুং মসিগীদমক্তা ইনর্জী কঞ্জর্বেসন এক্ত অসিদা মেন্দেতসু শেমখি। ঐখোয়না রাজ্যশিংদা মখোয়গী অপাম্বগী মখা পোন্না কাঙলোনশিং ইন্নবা পাউতাক পীখি”।

BEEগী দাইরেক্তর জেনেরেল, শ্রী অভয় বাক্রেনা ইনর্জী ত্রাঞ্জিসন হায়বসি শেল চঙদবা অমসুং পুম্নমক্না মান্ননা কান্নবা ফংবা মওংদা পাংথোক্কদবনি, অদুগা চপ মান্নবা মতমদা, লৈবাক্কী ফিভমসু খঙগদবনি। “মসিদা, সপ্লাই সাইদ খক্তা নত্তনা দিমান্দ সাইদ ইফিসিএন্সী ফগৎহনবা অমসুং দিমান্দ সাইদ ইনর্জী মেনেজমেন্ত হায়বসিসু য়াম্না মরু ওই। ঐখোয়না ইফিসিএন্সী হেনগৎহন্নবা ময়েক শেংবা রোদমেপ হান্ননা শেমখ্রে। মসিগী দিমান্দ সাইদকী থবকশিং অসিদা গ্রীনহাউস গ্যাস থাদোকপগী চাংবু ইং 2050 ফাওবদা চাউরাক্না 40%দা হন্থহনবগী মতিক লৈ”।

ঙসি হৌদোক্লিবা খোঙথাং অনি অসিনা স্কিম অসিবু মীচম মীয়ামগী য়ুম্থোংদা য়ৌহনবদা য়াম্না চাউনা মতেং পাংগনি হায়না দি.জি.না মখা তাখি। “করিগুম্বা ঐখোয়গী সেক্তর খুদিংবু ইলেক্ত্রিফিকেসন তৌবগী শেয়র ৱাংনা কল্লম্লবদি, মসিনা ঐখোয়না চাউখৎপা লৈবাক অমা ওইবগী মাইকৈদা নক্না চঙশিল্লে তাকপনি। অদুনা, ঐখোয়না দিকেদ খরগী মনুংদা চাউখৎপা লৈবাক অমা ওইবা পাম্লবদি, ইলেক্ত্রিক কুকিং হায়বসি য়াম্না ফবা ৱারোইশিন অমনি”।

EESLগী CEO, শ্রী ভিশাল কপুরনা হায়খি, “নেস্নেল ইফিসিএন্ত কুকিং প্রোগ্রাম অমসুং ইনর্জী ইফিসিএন্ত ফেন প্রোগ্রাম হৌদোক্লিবা অসিগা লোয়ননা EESLনা ভারতকী য়ুম্থোং খুদিংদগী কার্বন ফুতপ্রিন্ত হন্থহনবা অমসুং ইনর্জী ইফিসিএন্সী ফগৎহন্নবা য়াম্না থৌবা খোঙথাং অমা পায়খৎলি। UJALAগী মখাদা LED বল্ব মিলিয়ন কয়া য়েন্থোকপা অমসুং স্ত্রীত লাইতিং নেস্নেল প্রোগ্রামগী মখাদা স্ত্রীত লাইত খিনবগুম্বা ঐখোয়গী মমাংগী খোঙথাংশিংনা ইনর্জী শিজিন্নবা হন্থহন্দুনা, পীক দিমান্দ লৈহন্দদুনা অমসুং CO2 থাদোকপা হন্থহন্দুনা মশক থোক্না কান্নবা পীবা উখ্রে”।

হৌদোকপগী থৌদোক অসি মমসিদা য়েংবীয়ু : হৌদোকপগী থৌরম

নেস্নেল ইফিসিএন্ত কুকিং প্রোগ্রাম (NECP)

“নেস্নেল ইফিসিএন্ত কুকিং প্রোগ্রাম” (NECP) অসি ক্লীন কুকিং স্কিমগী মনুং চনবা স্কিম অমনি। NECPনা পাৱর মন্ত্রালয়গী গো-ইলেক্ত্রিক ইনিসিএতিবকা মরী লৈননা নন-সোলর/ইলেক্ত্রিসিতীদা য়ুম্ফম ওইবা ইন্দক্সন কুক স্তোবতা মিৎয়েং চঙলি। EESLনা ভারতকী গো-ইলেক্ত্রিক কেম্পেন শৌগৎনবা অমসুং মার্বন হন্থহন্নবা থম্বা পান্দমদা শরুক তম্নবগীদমক্তা ক্লীন অমসুং সেফ ইলেক্ত্রিক কুকিংবু হেন্না খুমাং চাউশিলহন্নবা খোঙথাং পায়খৎপা হৌখ্রবনি।

ইন্দক্সন কুক্তোপ মার্কেতনা য়াম্না য়াঙনা শাহৌ লৌরিবা অসিদি মদুগী মথৌ নীংথিনা পাংথোকপা, তেক্নোলোজী অমসুং মশক মতৌ ফজরিবা অসিনা শাফু পীবনি। ইং 2021-22দা য়ুনিৎ মিলিয়ন 10 হেন্না য়োনখিবগা লোয়ননা, দিমান্দ হেনগৎলক্লিবা অসিদি ইন্দক্সন শিজিন্নদুনা মখল কয়াগী মথেল থোংবা য়াবা, মোদ্যুলর কিৎচন, LPGগী মমল হেনগৎলকপগুম্বা মরম্না ওইহনবনি। অৱাং অমসুং খা ভারত্তা য়োনবগী চাংনা খ্বাইদগী হেল্লি, অদুগা পুথোক-পুশিন তৌবদা নুংঙাইবা, খুদোংচাবা অমসুং অশোই-অঙাম থোক্তবগী মতৌনা মখোয়বু মীয়াম্না পাম্নহল্লি। হান্না শিজিন্নরম্বা ইলেক্ত্রিক স্তোব অমসুং গ্যাস্তগীদি হেন্না ফৈ হায়না উনরিবা অসিনসু মখোয়গী মার্কেত চাউথোক্লক্লিবা অসিদসু তেংবাংলি। লোয়ননা, চিঞ্জাক য়োনফম কয়াদা ইন্দক্সন শিজিন্নবগী চাং হেনগৎলকপা অসিনা মসিগী শাহৌদা তেংবাংলি।

ইনর্জী ইফিসিএন্ত ফেন্স প্রোগ্রাম (EEFP)

EESLনা LED বল্ব, ত্যুব লাইত অমসুং হাই পরফোর্মেন্স ফেনগুম্বা ইনর্জী ইফিসিএন্ত এপ্লাইএন্স শিজিন্নহন্নবা মীয়ামদা পুক্নিং থৌগৎনবা খোঙফম চেত্তুনা লাক্লি। জনুৱারী 1, 2023দগী হৌদুনা, ব্যুরো ওফ ইনর্জী ইফিসিএন্ত (BEE)না সিলিং ফেন খুদিংমক স্তার লেবেল লৈগদবই হায়বা কাঙলোন অমা থোকখ্রে। ভারতকী চহিগী সিলিং ফেন মার্কেত অসিদা চাউরাক্না য়ুনিৎ মরোর 4.4 শরুক ওইরি। পনবা য়াবদি, সিলিং ফেনশিংনা য়ুমশিংদা মৈ শিজিন্নবগী অপুনবা চাংগী চাউরাক্না চাদা 40গী শরুক ওইরিবনি, মসিদি ভারতকী মৈ শিজিন্নবগী অপুনবা চাংগী মরি থোকপগী অমা ওইরি। সিলিং ফেন খুদিংমকপু খ্বাইদগী ইফিসিএন্ত ওইবা মোদেলনা মহুৎ শিন্দোক্তুনা, লৈবাক্কী মৈ শিজিন্নবগী চাংগী চাউরাকপা 20%দি কনবা ঙমগনি। EESLনা ভারত শিনবা থুংবদা 5-স্তার ইনর্জী ইফিসিএন্ত সিলিং ফেন করোর 1 য়েন্থোক্তুনা মৈ কনবা ঙমবগী মতিক শিজিন্ননবা পান্দম থম্লি।

অয়াম্বা মতমদা শিজিন্নবা ফেন অমনা চাবা মৈ অসি 75-80W নি, অদুগা, চপ মান্নবা 5-স্তার ফেনা অমনা শুপ্নগী 32Wকী মৈ চাই, অদুগা 3-স্তার ফেনশিংনা 40-45Wকী মৈ চাই। মশক থোকপা ৱাফম অমনা, 5-স্তার ইফিসিএন্ত ফেন শিজিন্নবগী চাং অসি হৌজিক শুপ্নগী 5% ওইরি, অদুনা মৈ য়াম্না কনবা ঙম্বগী অচৌবা ওইথোকপা অমা লৈরি।

ইনর্জী ইফিসিএন্সী সর্ভিসেস লিমিতেদ (EESL)না লৈবাক শিনবা থুংবদা সিলিং ফেন করোর 1 য়েন্থোক্তুনা ইফিসিএন্ত ওইবা ফেনগী মার্কেত হেন্না ফগৎহন্নবা হোৎনরি। সিলিং ফেন করোর অমা য়েন্থোকপগী থৌরম অসি জুলাই 2023দা গোৱাদা পাংথোকখিবা G20 সম্মিত্তগী হৌখিবনি। মখা চত্থবা ওইনা, EESLনা ফেন লাখ 20গী বিদসু লাউথোকখ্রে।

ইনর্জী ইফিসিএন্সী সর্ভিসেস লিমিতেদকী মতাংদা ৱাফম খরা

পাৱর মন্ত্রালয়গী মখাদা থবক তৌরিবা ইনর্জী ইফিসিএন্সী সর্ভিসেস লিমিতেদ (EESL), অসি মকোক থোংনা চৎলিবা ইনর্জী সর্ভিস কম্পেনী অমনি। মখোয়গী পোর্তফোলিওগী মনুংদা LED বল্ব, ত্যুব লাইত, ফেন, এয়র কন্দিস্নর, স্ত্রীতলাইত, অমসুং ইলেক্ত্রিক্কী গারীশিং য়াওরি। CVCনা য়েংশিল্লিবা EESLগী নুং পান ফাওনা উহন্দুনা পোৎ লৈবগী থৌওং অসিনা মখোয়বু মসিগুম্বা পোত্থোকশিংবু মিলিয়ন্দা য়েন্থোকপা ঙমহল্লি, অমসুং মসিনা মরম ওইরগা, য়াম্না মশক থোকপা চাংদা মৈ কল্লি, পিকদিমান্দ হন্থহল্লি অমসুং গ্রীন হাউস গ্যাস থাদোকপসু হন্থহল্লি।

 

***

(Release ID: 1974444) Visitor Counter : 91