ہندوستان اور سری لنکا کے درمیان 30 اکتوبر 2023 سے یکم نومبر 2023 تک کولمبو، سری لنکا میں اقتصادی اور ٹیکنالوجی تعاون کے معاہدے (ای ٹی سی اے) پر مذاکرات کا 12 واں دور ہوا۔  دونوں ممالک نے 2016 سے 2018 کے درمیان باہمی مذاکرات کے 11 دور مکمل کیے تھے۔ اس کے بعد مذاکرات کو روک دیا گیا تھا۔

سری لنکا کے وفد کی قیادت چیف مذاکرات کار جناب کے جے ویراسنگھے نے کی اور ہندوستانی وفد کی قیادت حکومت ہند کے  محکمہ کامرس  کے جوائنٹ سکریٹری اور چیف مذاکرات کار جناب اننت سوروپ نے کی۔

مذاکرات کے اس دور میں فریقین نے 11ویں دور تک ہونے والی پیش رفت کا جائزہ لیا اور مختلف ابواب پر بات چیت کی جن میں سامان کی تجارت، تجارت میں تکنیکی رکاوٹیں، سینیٹری اور فائیٹو سینیٹری اقدامات، سروسز کی تجارت، کسٹم کا طریقہ کار اور تجارتی سہولت، ابتدا کے قواعد، تجارتی علاج، اقتصادی اور ٹیکنالوجی تعاون اور تنازعات کا تصفیہ شامل ہیں۔  فریقین نے ہم آہنگی کے شعبوں اور ان علاقوں کی نشاندہی کی جہاں انہیں تخلیقی حل تلاش کرنے کی ضرورت ہے۔

اس دور کے دوران، فریقین نے عمل درآمد سے متعلق پیش رفت کا جائزہ لیا اور 9 مسائل کو حل ہو جانے کے طور پر چھوڑنے کا فیصلہ کیا۔ ملبوسات اور کالی مرچ پر کوٹہ اور دواسازی کی خریداری جیسے مسائل پر بھی تبادلہ خیال کیا گیا اور فریقین نے بات چیت جاری رکھنے اور معاملے کے حل کے لیے نئے آپشنز تلاش کرنے کا فیصلہ کیا۔

مجوزہ ای ٹی سی اے پر، فریقین نے ماضی میں ہونے والی پیش رفت کو آگے بڑھانے کی ضرورت پر اتفاق کیا، جب کہ جہاں بھی ممکن ہو نئی پیش رفت کی عکاسی کرنے کے لیے اپنی پوزیشنوں پر نظرثانی کی۔ توقع ہے کہ مذاکرات کے اختتام سے دونوں ممالک کے لیے تجارتی اور اقتصادی تعاون کے نئے مواقع کھلیں گے۔ ہند- سری لنکا ای ٹی سی اے دونوں ممالک کے درمیان باہمی تجارت کو مزید بڑھانے کے لیے ایک اہم قدم ہوگا۔ فریقین نے ہندوستان اور سری لنکا کے درمیان تجارتی شراکت داری کے وسیع امکانات اور باہمی دلچسپی کے شعبوں میں اقتصادی تعلقات کو بڑھانے کے امکانات کو تسلیم کیا۔

*****

ش ح – ق ت – ت ع

U: 565

(Release ID: 1973946) Visitor Counter : 90