বঙ্গলাদেশ এয়র ফোর্স নগালেন্দগী দিমাপুরদা ১৯৭১গী সেপ্তেম্বর ২৮দা চেতক অমা, খুৎলায় য়াওবা ওত্তর অমা অমদি দকোতা অমা, ওফিসর ০৯ অমসুং অতৈ মীওই ৫৭কা লোয়ননা শেমখিবনি‍। নুমিৎ অসিদা অহানবা বঙ্গলাদেশ এয়র ফোর্স য়ুনিৎনি হায়না লৌনরিবা পাকিস্তান এয়র ফোর্সতগী চেন্থোরকপা স্ক্বাদ্রোন লীদর সুল্তান অহমদ অমদি ফ্লাইত লেফ্তনেন্ত বদ্রুল অলম অমদি সিভিলিয়ন পাইলোৎ কেপ্তেন সহবউদ্দিন অহমদ হায়রিবা পাইলোৎ অহুম অসিনা দিমাপুরদা লৈবা ইন্দিয়ন এয়র ফোর্সকী কিলো ফ্লাইত্তা মখোয়গী ত্রেনিং হৌখিবনি‍। ১৯৭১গী দিসেম্বর ১৬কী মতুংদা, বঙ্গলাদেশ পোকখিবগা লোয়ননা, নোংমৈ মরুনা মখুল কয়া হুৎলবা, অদুবু পাইবদি য়ারিবা কিলো ফ্লাইতপু ভারতনা ধাকাদা বঙ্গলাদেশকী মফমদা খুৎশিন্নখি‍।

বঙ্গলাদেশ লান্মীগী পর্সনেলশিংগী মরক্তা নীংতম লানগী ইহুল মাঙহন্দনা থম্নবগীদমক, গ্রুপ কেপ্তেন তনবির মর্জন্না লুচিংবা বঙ্গলাদেশ এয়র ফোর্সকী ওফিসর অমদি পর্সনেল ২০গী কাঙবু অমা বঙ্গলাদেশ এয়র ফোর্স রেজিং দে পাঙথোকপগা মরী লৈননা দিমাপুরদা ওক্তোবর ৩১, ২০২৩দা লাকখিবনি‍। কিলো ফ্লাইতকা পুৱারীগী ওইবা মরী লৈনবা দোর্নিয়র অমদি M1 17-V5 স্ক্বাদ্রোনশিংদা লৈবা য়াওনা IAF কী ওফিসরশিং অমদি পর্সনেলশিংনা BAF কী পর্সনেলশিংগা ৱারী ৱাতায় শানখি‍। বঙ্গলাদেশ এয়র ফোর্সনা মতম পুম্বদা ১৯৭১গী নীংতম লানগী মতমগা মরী লৈনবা মরুওইবা মফমশিং চৎনিংবগী অপাম্বা উত্তুনা লাক্লি‍। খোঙচৎ অসিনা লৈবাক অনিগী নোংথক লান্মীশিংগী মরক্তা লৈনরিবা অচেৎপা মরীগী মমি উৎলি অমদি বঙ্গলাদেশ নীং তমহনখিবদা IAF না লৌখিবা থৌদাংবুসু শকখঙলি‍।

*****