خزانہ او ر کارپوریٹ امور کی مرکزی وزیر محترمہ نرملاسیتا  رمن تین دن کے لئے  یکم نومبر  2023سے سری لنکا  کے سرکاری دورے پر روانہ ہوں  گی۔

اپنے دورے کے دوران محترمہ سیتا رمن  کولمبو میں  سوگاتھا داسا انڈور اسٹیڈیم میں  2 نومبر کو  سری لنکا کے  ہندوستانی نژاد  تمل باشندوں  ( آر او ٹیز ) کی آمد  کی 200ویں  سالگرہ  منانے کے لئے سری لنکا کی حکومت  کی جانب سے منعقد کردہ  ‘‘ این اے اے ایم  200’’ میں اعزازی مہمان کی حیثیت سے کلیدی خطبہ دیں  گی۔

‘‘این اے اے ایم  200’’ میں  سری لنکا کے صدر عالی جناب رانیل وکرما سنگے  ، سری لنکا کے وزیراعظم جناب دنیش  گونا وردھنے   ،  پانی کی سپلائی اور  اسٹیٹ  بنیادی  ڈھانچےکی ترقی کے وزیر جناب  جیون  تھونڈا مینڈ  ،سیاسی  پارٹیوں  کے سینئر  لیڈران   کے علاوہ  دیگر بہت سی شخصیات  شرکت  کریں گی۔ ہندوستانی سیاسی  پارٹیوں   کے دیگر  مدعوئین اور  ملیشین  تمل  کانگریس کے  نمائندے  بھی اس تقریب میں  موجود  رہیں  گے۔

مرکزی وزیر خزانہ محترمہ سیتا رمن  کنکٹوٹی کو  بڑھانا   : خوشحالی کے لئے شراکتداری کے موضوع  پر ہندوستانی سری لنکا کاروباری  سربراہ کانفرنس میں  بھی کلیدی خطبہ دیں گی، جس کا مشترکہ طورپر اہتمام کنفیڈریشن آف انڈین انڈسٹریز  سی آئی آئی  ،  انڈو لنکا چیمبرس آف کانگریس اینڈ انڈسٹریز  اور  سیلون   چیمبرس  آف کامرس کی جانب سے کولمبومیں  ہوٹل تا ج سمدرا میں   2  نومبر کو  کیا جارہا ہے۔

اپنے سرکاری دورے کے حصے کے طورپر وزیر خزانہ نرملا سیتا رمن   سری لنکا کے صدر عالی جناب رانیل وکرما سنگے اور  سری لنکا کے وزیر اعظم دنیش   گوناوردھنے   کے ساتھ  بھی میٹنگ کریں گی۔

 مرکزی وزیر خزانہ   سری لنکا میں  مذہبی مقامات   کی  شمسی بجلی کاری  کے لئے  ایک مفاہمت نامے کے تبادلے کے دوران  موجود رہیں گی جہاں  ہندوستان  آئی این آر  107.47 کروڑ کی حکومت  ہند کی  امداد میں سے آئی این آر  82.42 کروڑ الاٹ کریں گی۔ یہ  بدھست  تعلقات کے لئے مختص  کئے گئے ہیں۔

محترمہ سیتا رمن  ٹرنکو مالی اور جافنا میں   بالترتیب  2 اور  3 نومبر کو  اسٹیٹ بینک آف انڈیا  ( ایس  بی آئی ) کی برانچوں کا بھی افتتاح کریں گی۔

مرکزی وزیر خزانہ  کینڈی میں  مقدس  ٹوتھ ریلک  کے مندر  سری  ڈالا ڈا  مالی گاوا،   انورادھا پورہ میں  جیاسری  مہا بودھی  ، ٹرنکو مالی میں   تھرو کونیسورم  مندر  اور جافنا میں  نلور کنڈا سوامی مندر  بھی  جائیں گی۔

مذکورہ مصروفیات کے علاوہ مرکزی وزیر خزانہ اپنے دورے کے دوران  لنکا آئی او سی آئل ٹینک فارمس  ، جافناثقافتی مرکز اور جافنا  پبلک لائبریری کا بھی دورہ کریں گی۔

********

  ش ح۔ ح ا ۔رم

U-533