شماریات اور پروگرام کے نفاذ کی وزارت (ایم او ایس پی آئی) اپنے علاقائی کارکن اور خود مختار ادارے یعنی انڈین اسٹیٹسٹیکل انسٹی ٹیوٹ (آئی ایس آئی) کے ساتھ مل کر خصوصی مہم  3.0 کے تیسرے ہفتے (15 اکتوبر سے 21 اکتوبر 2023) کے دوران مشاہدہ / حصہ لینا جاری رکھا ہے۔ یہ ہفتہ ایم او ایس پی آئی میں صفائی مہم چلانے کے لیے اپنے علاقائی کارکن کے ساتھ ساتھ ملک بھر میں عوامی مقامات؛ زیر التوا معاملوں کو نمٹانے؛ اور سرکاری دفاتر میں کام کی جگہ کے تجربات کو بڑھانے پر مرکوز تھا۔

ایم او ایس پی آئی نے ملک بھر میں صفائی مہم کے لیے تقریباً 125 مقامات کی پہچان کی تھی۔ ان مقامات میں سے، وزارت نے مہم کے تیسرے ہفتے تک 92 مقامات پر صفائی مہم مکمل کر لی ہے۔ مہم کے دوران لوگوں اور طلباء میں سوچھتا کے بارے میں بیداری پھیلائی گئی، ریلیاں نکالی گئیں، پودے لگائے گئے، دفتر کی صفائی کی گئی، سیلفی پوائنٹس بنائے گئے، عوامی مقامات یعنی مندر، ندی، تالاب، پارک، اسپتال وغیرہ کی صفائی کی گئی۔

بہترین طور طریقوں کے طور پر، ایم او ایس پی آئی نے دفتر کی دیواروں کو وزارت کے عملے کے ذریعے خوبصورت پینٹنگز سے آراستہ کیا۔

ایم او ایس پی آئی نے ممبران پارلیمنٹ سے موصول ہونے والے تقریباً 69 فیصد شناخت شدہ ریفرنسز، 100 فیصد پی ایم او ریفرنسز، 50 فیصد پارلیمانی یقین دہانیاں، 95 فیصد عوامی شکایات، 88 فیصد اپیلیں اور 100 فیصد نشان زد فزیکل اور ای-فائلوں کو مہم کے تیسرے ہفتے تک نمٹا دیا ہے۔ مزید یہ کہ کوڑا کرکٹ کی فروخت سے 1,79,640 روپے کی آمدنی ہوئی ہے ۔ وزارت تمام نشان زد زیر التوا فائلوں کو جلد از جلد نمٹانے کے لیے کوشاں ہے۔

اس مدت کے لیے ایم او ایس پی آئی کے مقرر کردہ اہداف کو حاصل کرنے کی خاطر مہم زوروں پر ہے۔ خصوصی مہم 3.0 کو کامیاب بنانے کے لیے وزارت کے ملازمین میں کافی جوش و خروش دیکھا جا رہا ہے۔ وزارت سوشل میڈیا اور مقامی میڈیا کے ذریعے سوچھتا کی وسیع پیمانے پر تشہیر بھی کر رہی ہے۔

 

۔۔۔۔۔۔۔۔۔۔۔۔۔۔۔۔۔

ش ح۔ ع ح ۔ م ر

Urdu No. 357

                          

(रिलीज़ आईडी: 1972041) आगंतुक पटल : 107