نئی دہلی میں 26 اور 27  اکتوبر 2023 کو 6 ویں انڈین کوسٹ گارڈ (آئی سی جی) کے ماتحت افسروں کے کانکلیو کا انعقاد کیا گیا۔ کانکلیو کا موضوع ’’ایک جامع نقطہ نظر کی طرف‘‘ تھا۔  اس میں آئی ٹی، صحت، ایچ آر، لیڈرشپ اور میڈیا کی حساسیت سمیت مختلف موضوعات پر مختلف اجلاس اور لیکچرز شامل تھے۔ ملک بھر میں کوسٹ گارڈ کی مختلف اکائیوں کے ماتحت کام کرنے والے افسران نے اس تقریب میں شرکت کی۔

کوسٹ گارڈ کے اہلکاروں کے لیے فلاحی اقدامات کو بڑھانے کے لیے مختلف مفاہمت ناموں پر دستخط کیے گئے۔ کانکلیو کے دوران ہونے والی بات چیت میں’آتم نر بھر بھارت‘ کے اصولوں پر مبنی آئی سی جی میں مستقبل میں شمولیت، بہتر اور جامع کیرئیر کے فروغ کے لیے ایچ آرپالیسیوں کی بہتری اور ہنر مندی اور صلاحیت کو بڑھانے کے لیے جدید ٹیکنالوجی کے انضمام کے ذریعے عملے فلسفے میں ترمیم پر توجہ مرکوز کی گئی۔

کانکلیو کا افتتاح کرتے ہوئے ڈائریکٹر جنرل راکیش پال نے کہا کہ ماتحت افسروں کے کانکلیو کا خیال وزیر اعظم کے وژن کے ساتھ مطابقت رکھتا ہے تاکہ سروس کی جامع ترقی کے لیے اختراعی خیالات، خاص طور پر ‘سب کا ساتھ، سب کا وکاس، سب کا وشواس اور سب کا پرایاس’ کی حوصلہ افزائی کی جائے۔

آئی سی جی نہ صرف ماتحت افسران کو بااختیار بنانے اور ان کے دائرہ کار  کو وسیع کرنے کے لیے کام کر رہا ہے بلکہ انہیں سروس میں فیصلہ کرنے سے پہلے اپنے اختراعی خیالات اور سوچ کے عمل کے اظہار کے لیے ایک پلیٹ فارم بھی فراہم کر رہا ہے۔

۔۔۔۔۔۔۔۔۔۔۔۔۔۔۔۔۔۔

(ش ح- ق ت - ق ر)

U-346

(Release ID: 1971951) Visitor Counter : 71