কেন্দ্রগী ইনভাইরোনমেন্ত, ফোরেস্ত এন্দ ক্লাইমেৎ চেঞ্জ, লেবর এন্দ এমপ্লোইমেন্ত মন্ত্রী শ্রী ভুপেন্দ্র য়াদভনা তুং কোইনা উমং য়োকখৎনবা হোৎনবদা লামৈ চাকপা থিংবা, লামৈ চাকখ্রবা মতুংদা অমুক শেমগৎপা অমসুং ঊমংগী সর্তিফিকেসনগী মরু ওইবা খুৎলাই অমনি হায়না ফোংদোকখ্রে।

দেহরাদুন্দা লৈবা ফোরেস্ত রিসর্চ ইন্সতিত্যুৎ (এফ.আর.আই.) দা পাংথোকপা য়ুনাইতেদ নেসন্স ফোরম ওন ফোরেস্ত (য়ু.এন.এফ.এফ.) তা ভিদিও মেসেজ অমদা শ্রী য়াদভনা ফোংদোকখি মদুদি লামৈ চাকপনা পাম্বী অমসুং শা ঙা খক্তদা অমাং অতা থোকহনবদা নত্তনা উমংগী অকোইবদা খুন্দারিবা কাংলুপশিংগী পুন্সিদসু অকাইবা পী। তুং কোইনা উমং য়োকখত্তুনা থম্নবগী মরু ওইবা খুৎলাই অমদি উমংগী সর্তিফিকেসন তৌবনি, মসিদা চাউখৎলক্লিবা লৈবাকশিংগী অপীকপা থাক্কী প্রোদ্যুসরশিংগীদমক্তা মখল কয়াগী লানফমশিং থেংনরকপা য়াবসু লৈরি হায়না মহাক্না ফোংদোকখি। লানফমশিং অসি থেংননবগীদমক ভারতনা নেস্নেল ফোরেস্ত সর্তিফিকেসন স্কিম হৌদোকখ্রে হায়না কেন্দ্রগী মন্ত্রীনা হায়খি। মহাক্না শরুক য়ারিবা মীপুম খুদিংমক্তা ইকুইতেবল, জস্ত, অমসুং রেজিলিএন্ত ওইবা তুং কোইনা চৎপা তুংলমচৎ অমগীদমক্তা পুন্না হোৎনমিন্ননবা হায়খি।

উত্তরাখন্দ সর্কারগী ফোরেস্ত, লেঙ্গুএজ এন্দ তেক্নিকেল ইদুকেসনগী মন্ত্রী শ্রী সুবোধ উনিয়ালনা ঙসি ৱা ঙাংবদা উত্তরাখন্দ রাজ্যগী "দেভ ভুমি" দা মীহুৎ পুম্নমকপু তরাম্না ওকখি। মহাক্না ৱা ঙাংবদা রাজ্যগী অনৌবা খোঙথাংশিং অমসুং থবক থৌরমশিং খন্নখি অমসুং লামৈ চাকপগী থৌদোকশিং হন্থহন্নবা, উমংগী অকোইবদা লৈরিবা কাংলুপশিংবু মপাঙ্গল কনখৎহনবা হায়খি অমসুং মখোয়বু ফোরেস্ত দিপার্তমেন্তশিংগা খুৎশম্নরগা থবক তৌমিন্নবগী স্ত্রেতেজী অসি মাই পাকই হায়না ফোংদোকখি। ফোরেস্ত সর্তিফিকেসন তৌবা অসি, উমং য়েংশিন্নবগী থৌওং অমা ওইবনা, মরু ওই অমসুং গ্লোবেল ফোরেস্ত গোলশিংদসু পান্দম থম্নরি হায়না ফোংদোকখি। মহাক্না নাৎকী ওইবা লৌশিং, তেক্নোলোজী ইনোবেসন, অমসুং মীওই কাংলুপশিংনা তৌবা থবকশিংগী ফোরমদা তৌরিবা একচেঞ্জ অসিদগী মীপুম খুদিংমক্তা কান্নবা ফংলগনি হায়না হায়খি।

য়ু.এম.এফ.এফ. কী দিরেক্তর, সুশ্রী জুলিএত বাইও কৌদেনোকপোনা হায়খি মদুদি লামৈ চাকপগী ইসু অসি মশিং য়াম্না হেনগৎলক্লিবা মালেমগী অৱাবা অমনি, অমসুং মসিনা ইকোসিস্তেম, অমসুং মীওই কাংলুপশিংদা পীরিবা চৈথেংশিং অসিগীদমক্তা থবকশিং পাইখৎপা তঙাই ফদে অমসুং সি.এল.আই. গী ফোরেস্ত সর্তিফিকেসনগী অনিশুবা থিম অসি মতম কয়াদগী খন্ন-নৈনবগী হীরম অমা ওইদুনা লাক্লি অমসুং মতাং অসিদা থবক্তা ওন্থোকপা য়াবা পাম্বৈশিংগী তঙাই ফদবা লৈরে। মহাক্না লামৈ চাকপনা হৌজিক্তি ইকোসিস্তেমদা য়াম্না শোকহল্লে হায়খি অমসুং স্তেকহোলদর কয়াগী অৱাবশিংগী অমসুং অকুপ্পা মিৎয়েং চঙবা লাক্কদবা রেগ্যুলেসনশিংগী মতাংদা পনখি। মহাক্না সি.এল.আই. অসিগী ফল অদু য়াম্না মরু ওই হায়খি অমসুং মসিগী মাই পাকপা অসি ঐখোয় খুদিংমক্না য়ু.এন.এফ.এফ. ১৯ দা থবক অমসুং রিকমেন্দেসনশিং তৌবগী তঙাই ফদবশিং খঙদোকপা ঙম্বগী মতুং ইনগনি হায়না ফোংদোকখি।

এনভাইরোন্মেন্ত, ফোরেস্ত অমসুং ক্লাইমেত চেঞ্জ মন্ত্রালয় ভারত সরকারনা য়ুনাইতেদ নেসন্স ফোরম ওন ফোরেস্ত (UNFF) অমা ফোরেস্ত রিসর্চ ইন্সতিত্যুত (FRI) দেহরাদুন্দা ওক্তোবর ২৬-২৮, ২০২৩দগী পাঙথোক্নবা থৌরাং অমা পায়খৎখ্রে। লৈবাক ৪০ অমসুং ইন্তর্নেসনেল ওর্গানাইজেসন ২০দগী দেলিগেত ৮০ হেন্না ফুদ অমসুং এগ্রিকলচরেল ওর্গানাইজেসন (FAO) অমসুং ইন্তর্নেসনেল য়ুনিয়ন ওব ফোরেস্ত রিসর্চ ওর্গানাইজেসন (IUFRO) য়াওনা ভারত্তগী দেলিগেত অমসুং ওর্গানাইজেসনশিংনা মশা ওইনা অমসুং ওনলাইন্দা থৌরম অসিবু শরুক য়াগনি। থৌরম অসিনা হায়ব্রিদ, ফিজিকেল অমসুং ওনলাইন ফোর্মেত্তা মালেম শীনবা থুংবদগী শরুক য়াবা য়াহন্নবা হোৎনরি।

কন্ত্রী লেদ ইনিসিএতিব (CLI) অসিনা থিমেতিক এরিয়া অনিদা মীৎয়েং থম্লিঃ লাম্মৈ/উমং মৈ চাকপা অমসুং মৈনা শোকহল্লবা মফমশিং কনবা অমসুং হান্নগী ফিভমদা হঞ্জিলহনবা অমসুং ফোরেস্ত সর্তিফিকেসন অমসুং সস্তেনেবল ফোরেস্ত মেনেজমেন্ত হায়বা হীরমশিং অসিনি।

উমং মৈ চাকপা/লাম্মৈ চাকপনা বাইওদাইভর্সিতী, একোসিস্তেম সর্ভিস, মীওইবগী পুন্সি, হিংবগী লম্বী অমসুং জাতিগী শেন্মিৎলোন্দা অদুক্কী মতী অকাইবা পীরি। হৌখিবা চহি খরসিদা, লাম্মৈ চাকপগী চাং পাক চাউবা অমসুং মতম শাংবা হেনগৎলক্লি। মসিগা ইরোইননা, পুনশিনবা অমসুং লোকেল অমসুং লমদম লমদম অমসুং অন্তর্জাতিগী থাক্তা মসিবু কনবা, মসিনা পীরিবা শাফু হন্থহনবা অমসুং অশোকপা লমশিং হান্নগী ফিভমদা হঞ্জিলহনবগী তঙাইফদবা লৈরি।

ফোরেস্ত সর্তিফিকেসন অসি হৌখিবা চহি খরসিদা মালেমগী পুক্নিং চিংশিনবা হেনগৎলক্লি। ২০২ অমসুং ২০২১ গী মরক্তা, সর্তিফাইদ ফোরেস্তকী লম অসি য়ুরোপ অমসুং নোরদর্ন অমেরিকানা মরুওইনা লুচিংদুনা মিলিয়ন হেক্তর ২৭ হেনগৎলক্লি। অদুমওইনমক, চাউখৎলক্লিবা লৈবাকশিং অমসুং মার্জিনেল ফোরেস্ত মেনেজরশিংনা সর্তিফিকেসনগী থৌওংদা খুদোংচাদবা কয়া থেংনরি। ফোরম অসিনা হায়রিবা হীরমশিং অসিদা খন্ন-নৈনবগী ফম্বাক অমা পীনবা অমসুং ত্রেদ রুলশিংগা লোইননা সর্তিফিকেসন এলাইন তৌনবগী হীরমশিং খন্ননবা পান্দম থম্লি।

ফোরম অসি থিমেতিক এরিয়াশিং অসিদা খন্ননৈনবা নুমিৎ নিনিগী মতম লৌনবা হোৎনরি অমসুং শাবা হেনগৎলক্লিবা মালেম অসিদা মতৌ করম্না মৈগা লোইননা হিংমিন্নগদগে, মৈ কন্নবা মপুং ওইবা থৌশিলশিং চলাইবা, নৌনা শেমগৎলক্লিবা গ্লোবেল ফাইয়র মেনেজমেন্ত হব অমসুং ফোরেস্ত সর্তিফিকেসন অমসুং সস্তেনেবল ফোরেস্ত মেনেজমেন্ত অসিবু খ্বাইদগী ফবা মওংদা শীজিন্নবা য়াগদগে হায়বগী মতাংদা সেসন পাঙথোক্নবা থৌরাং তৌরি। খন্ন-নৈনবা অসিগী মতউংদা নোংমগী লোইরকপদা কলচরেলগী থৌরম পাঙথোক্কনি, অমসুং রাজাজি নেসনেল পার্ক্তা অহুমশুবা নুমিত্তা ফীল্দ ত্রিপ অমা চৎকনি।

এনভাইরোন্মেন্ত, ফোরেস্ত অমসুং ক্লাইমেত চেঞ্জ মন্ত্রালয়গী দিরেক্তোরেত জেনরেলনা দেলিগেতশিংদা CLI গী মরুওইবশিং থমখি অমসুং মালেমগী উমং কনবগা মরী লৈনবা সমশ্যাশিং মীফম অসিদা খন্নখি। মহাক্না লাম্মৈ চাকপা অমসুং মসিনা মীয়ামগী হকশেলদা পীরিবা শাফু, শেন্মিৎলোনগী থবকশিং অমসুং উমংগী দাইবর্সিতীগী মতাংদা পাউদমখি। মহাক্নাথৌজিক ভারতকী রাজ্যশিংগী ৬২%না উমং মৈ চাকপা য়ানা লৈরিবা ফিভমগী মতাংদা অমসুং ভারতনা মতৌ করম্না উমং মৈ চাকপা কন্নবগী থবক্তা মায় পাক্না চঙশিল্লিবগে হায়বগী মতাংদা থমখি। মহাক্না শরুক য়ারিবশিংদা লৈবাক অসিনা মালেমগা খুৎশম্নদুনা হায়বদি জি২০দা খন্নখিবদগী হৌরকপা গান্ধিনগর ইমপ্লিমেন্তেসন রোদমেপ অমসুং গান্ধিনগর ইনফোর্মেসন প্লেৎফোর্মনা লাম্মৈ চাকপদগী নৌওনা শেমগৎপা অমসুং খোনি তানবনা শোকহল্লবা লমশিং হিংগৎহন্নবগী মতাংদা পাউদমখি।

 ঙসিগী ফোরমগী মীফম অসিদা উমং মৈ চাকপা, উমং মৈ চাকপা কনবা অমসুং মালেমগী উমংগী শেমগৎপগী হবকী ময়াংদা পেনেল দিস্কসনশিং থমখি। তোঙান-তোঙানবা লৈবাকশিং অমসুং ইন্তরনেসনেল ওর্গানাইজেসনশিংদগী শরুক য়ারিবশিংগী মনুংদা ন্যু জিলেন্দ, মাদাগাস্কর, কলম্বিয়া, মোরোক্কো, ভারত, পোর্তুগল, মালাৱি, বোতস্বানা, রসিয়া, নাইজেরিয়া, খা অফ্রিকা, স্পেন, FAO, UNEP, ITTO, অমসুং IUFRO য়াওখি। মসিগী মতুংদা অতৈ লৈবাক কয়া অমসুং ওর্গানাইজেসন কয়ানা খুন্নাই পুম্বনা শরুক য়াদুনা কনবা অমসুং শেমগৎপগী মতাংদা মখোয়-মখোয়গী ৱাখল্লোনশিং পুখৎখি।

শগোলশেল নুমিৎ ২৭ ওক্তোবর ২০২৩গী ফোরম্না ফোরেস্ত সর্তিফিকেসন অমসুং সস্তেনেবল ফোরেস্ত মেনেজমেন্তকী মতাংদা খা অফ্রিয়া, রসিয়া অমসুং ভারত য়াওনা খন্ন-নৈনবগী মতম লৌগনি। ফোরম অসিদগী থোক্লকপা ৱারেপ্না পাঙথোকখিবা খন্ননৈন্বশিংদা কো-চেয়র লৌদুনা UNFF কী ১৯শুবা মীফমদা খন্ননবা পুখৎকঅনি। UNFF19  অসি য়ুনাইতেদ নেসন্স হেদক্বার্তরদা মে ২০২৪ দা পাঙথোক্কনি।

***

(Release ID: 1971713) Visitor Counter : 64