• লৈবাক শিনবা থুংবদা লৈরিবা লৌমীশিং অসি লেপ্পা লৈতনা ‘আয়ুর্বেদকী নুমিৎ’কী ‘আয়ুর্বেদ ফোর ৱান হেল্থ’ কেম্পেনগা লোয়ননা লিঙ্ক তৌখ্রে
• RCFCs (রিজনেল কম ফেসিলিতেসন সেন্তর্স), SMPBs (স্তেৎ মেদিসিনেল প্লান্ত বোর্দ) গুম্বা ওর্গনাইজেসনশিংনা লৌমীশিংগী মরক্তা পাম্বীশিংগী মেদিসিনেল অমসুং ইকনোমিক ভেল্যুগী মরমদা এৱের্নেস পীরি
• NMPB (নেস্নেল মেদিসিনেল প্লান্তস বোর্দ)কী খুত্থাংদা ‘আয়ুর্বেদকী নুমিৎ’কা লোয়ননা লৌমীশিং কন্নেক্ত তৌনবা লৈবাক শিনবা থুংবদা কেম্পেন অমা চত্থরি

নবেম্বর 10, 2023দা পাঙথোক্কদৌরিবা ‘আয়ুর্বেদকী নুমিৎ’কী থৌরমদা লৌমীশিংনা মরু ওইবা পার্তিসিপেন্ত ওইরগনি। থৌরম অসিগী মপুং ওইবা থিম অসি ‘আয়ুর্বেদ ফোর ফার্মর্স’ হায়বা অসিনা ওইরি। লৌমীশিংনা মখোয়গী হীংনবা লম্বীগী শরুক ওইনা আয়ুর্বেদিক পাম্বীশিং থাদুনা আত্মনির্ভর ওইবা ঙমগনি অমসুং এম্পাৱর তৌগনি। হীদাক কান্নবা পাম্বীশিংগী ইকনোমিক্কী ওইবা মরু ওইবা অদু লৌমীশিংদা খঙহন্নবা অখন্ননা য়েংশিল্লি। লৌমীশিংদা NMPB (নেস্নেল মেদিসিনেল প্লান্তস বোর্দ)কী খুত্থাংদা হীদাক কান্নবা পাম্বীশিং থাবদা অখন্নবা তেক্নিকশিং শীজিন্ননবা ৱাখল তাহল্লি। আয়ুর্বেদকী নুমিৎকী ‘আয়ুর্বেদ ফোর ৱান হেল্থ’ কেম্পেন য়াওদুনা ভারতকী লৌমীশিংনা ‘আয়ুর্বেদ ফোর ফার্মর্স’ হায়বা তোপিক অসি কুপ্না খঙবা ঙমহনগনি।

‘আয়ুর্বেদকী নুমিৎ’কী মপুং ওইবা থৌরম অসি হরিয়ানাগী চান্দিগরদা লৈবা পঞ্চকুলাদা নম্বেম্বর 10, 2023দা পাঙথোক্কনি। লৈবাক শিনবা থুংবদগী লৌমীশিংনা থৌরম অসিদা শরুক য়াবা য়াগনি অমসুং হীদাক কান্নবা পাম্বীশিং থাবগী মরমদা ই-পাউ ফংগনি। ‘আয়ুর্বেদ ফোর ৱান হেল্থ’ কেম্পেনগী মখাদা লৈবাক শিনবা থুংবদা লৈরিবা লৌমীশিংগা লোয়ননা মীফমশিং পাঙথোক্তুনা, ৱারী-ৱাতাই শাদুনা, থৌরমশিং পাঙথোক্তুনা অমসুং তোঙান-তোঙানবা ই-পাউ ফাওননবা পাম্বৈশিং শীজিন্নদুনা ৱাখল তাহল্লি। আয়ুর্বেদকী নুমিৎ পাঙথোক্তুনা নোদেল এজেন্সী ওইরিবা  CCRAS (সেন্ত্রেল কাউন্সিল ফোর রিসর্চ ইন আয়ুর্বেদিক সাইন্সেস)না মাইক্রো ৱেবসাইৎ www.ayurvedaday.org.in দিবেলপ তৌখি। মালেম শিনবা থুংবদগী বিজিতরশিংনা ‘আয়ুর্বেদকী নুমিৎ’কী মরমদা ই-পাউ ফংনবা ৱেবসাইৎ অসিদা চংবা য়াগনি অমসুং ‘আয়ুর্বেদ ফোর ৱান হেল্থ’ কেম্পেনগা মরী লৈনবা তোঙান-তোঙানবা এক্তিবিতীশিংগী শরুক ওইবা য়াগনি।

আয়ুশ মন্ত্রালয়না ‘আয়ুর্বেদকী নুমিৎ’ অসি মাইপাকপা অমা ওইহন্নবা থৱায় য়াওনা হোৎনরি। মহৈরোয়শিং অমসুং নহারোলশিংগী মথক্তা ‘আয়ুর্বেদকী নুমিৎ’কী কেম্পেনগা লোয়ননা লৈবাক শিনবা থুংবদা লৈরিবা লৌমীশিং অসি কন্নেক্ত তৌনবা খোঙথাংশিং পাইখৎলি। লৈবাক শিনবা থুংবদগী কেম্পেন অসিগা লৌমীশিংবা গ্রুপ মীতিং, ইন্দিবিজুএল ইন্তরেক্সন, লেচর অমসুং ৱার্কশোপশিংগী খুত্থাংদা লিঙ্ক তৌরি। লৈবাক অসিদা লৈরিবা RCFCs (রিজনেল কম ফেসিলিতেসন সেন্তর) তরেৎ অমসুং SMPBs (স্তেৎ মেদিসিনেল প্লান্ত বোর্দস) 37না ‘আয়ুর্বেদকী নুমিৎ’কা লোয়ননা লৌমীশিংবু লিঙ্ক তৌবগী থবক পাইখৎলি। সেন্তরশিং অসিগা মরী লৈনবা কোল্লাবোরেতরশিংনা য়ুমথোং অমদগী য়ুমথোং অমদা চৎতুনা লৌমীশিংদা হীদাক কান্নরবা পাম্বীশিং য়েন্থোক্লি, অমসুং লৌমীশিংবু শরুক য়ানবা পুক্নিং থৌগৎলি। আয়ুশ মন্ত্রালয় অমসুং তোঙান-তোঙানবা মন্ত্রালয়গী তীমশিংগা মরী লৈনবা ইন্সতিত্যুত পুম্নমক্না ‘আয়ুর্বেদকী নুমিৎ’ অসি মালেমগী থৌরম ওইহন্নবা শেম শারি।

****

(রিলিজ আই.দি.: 1971649) ভিজিতর কাউন্তর : 151