رکشا راجیہ منتری جناب اجے بھٹ نے نئی دہلی میں 26 اکتوبر 2023 کو بنگلہ دیش ہائی کمیشن کے زیر اہتمام ایک تقریب میں، 1971 میں بنگلہ دیش کی آزادی کی جنگ کے دوران اپنی جانیں دینے والے ہندوستانی فوجیوں کو خراج عقیدت پیش کیا۔ اس موقع پر خطاب کرتے ہوئے، انہوں نے کہا، "ہم سب یہاں اپنے ان فوجیوں کو خراج عقیدت پیش کرنے کے لیے جمع ہوئے ہیں جن کی ہندوستان اور بنگلہ دیش کی تاریخ کو تشکیل دینے میں شراکت "بھارت-بنگلہ دیش میتری" کی بنیاد ہے۔ "میتری، بندھوتوا، دوستی" - یہ وہ الفاظ ہیں جو ہندوستان اور بنگلہ دیش کے لوگوں کے درمیان برادرانہ تعلقات کی وضاحت کرتے ہیں۔ وہ ایک ناقابل واپسی رشتے کی وضاحت کرتے ہیں، جس کی جڑیں مضبوطی سے عوام سے عوام  کے قریبی اور ثقافتی رشتوں میں جڑی ہوئی  ہیں، جو 1971 میں بنگلہ دیش کی جنگ آزادی کے مکتی جودھاؤں کی بہادری اور قربانی سے متاثر ہیں۔

بنگلہ دیش کی جدوجہد آزادی کو معاصر تاریخ کی سب سے بڑی تحریکوں میں سے ایک قرار دیتے ہوئے رکشا راجیہ منتری نے کہا کہ بنگلہ دیش کی جنگ آزادی کی مثالی   شخصیات نے ہند-بنگلہ دیش تعلقات کا سنگ بنیاد رکھا جسے برقرار رکھا جانا چاہیے، بہت زیادہ خیال رکھا جانا چاہیے اور اسے  نوجوان نسلوں  تک آگے بڑھانا چاہیے۔ بنگلہ دیش کی جنگ کے دوران ہندوستانی فوج نے ایک نیک مقصد کے لیے بنگلہ دیش کے مکتی جودھاؤں کے ساتھ مل کر جنگ کی ۔ انہوں نے مزید کہا کہ کئی سالوں تک، ان مکتی جودھاؤں نے دونوں ممالک کے درمیان ایک پل کا کام کیا۔

رکشا راجیہ منتری نے ہندوستان اور بنگلہ دیش کے درمیان تجارت اور کامرس، کنیکٹیویٹی، سیکورٹی، ثقافتی تعاون، عوام سے عوام  کے روابط، تربیت اور صلاحیت کی تعمیر، اور ماحولیات کے تحفظ کے شعبوں میں کی گئی عظیم پیش رفت پر روشنی ڈالی۔ "ہم ریل، سڑک اور آبی گزرگاہوں کے احیاء کے لیے مل کر کام کر رہے ہیں جو روایتی طور پر دونوں طرف کے لوگوں اور معیشتوں کو جوڑتے ہیں اور نئے راستے بھی قائم کر رہے ہیں۔ انہوں نے کہا کہ ہندوستانی امداد سے کئی ترقیاتی منصوبے مکمل ہو چکے ہیں اور کچھ اور جلد مکمل ہو جائیں گے۔

ہندوستان اور بنگلہ دیش کے درمیان دفاعی تعلقات کی وضاحت کرتے ہوئے، رکشا راجیہ منتری نے کہا: "ہندوستان اور بنگلہ دیش کے درمیان تمام شعبوں میں مضبوط تعاون ہے جس میں مسلح افواج کے درمیان تعاون، تربیت، اسکالرشپ اور صلاحیت کی تعمیر شامل ہے۔ ہمارے دونوں ممالک کے پاس تبادلوں کو مضبوط بنانے اور دونوں اطراف کی دفاعی افواج کے درمیان تعاون کے مواقع کو بروئے کار لانے کے لیے بے پناہ امکانات اور مواقع موجود ہیں۔ مجھے یہ جان کر خوشی ہوئی ہے کہ حکومت ہند کی طرف سے بنگلہ دیش کی حکومت کو دی گئی 500 ملین امریکی ڈالر کی ڈیفنس ایل او سی کا استعمال بھی آگے بڑھ گیا ہے۔‘‘

رکشا راجیہ منتری نے تقریب کے انعقاد پر بنگلہ دیش ہائی کمیشن کا شکریہ ادا کیا اور "بنگ بندھو شیخ مجیب الرحمن اسٹوڈنٹ اسکالرشپ" حاصل کرنے والے طلباء کو مبارکباد دی۔ طلباء بنگلہ دیش جنگ کے شہداء کی اولاد تھے۔

  اس موقع پر بنگلہ دیش کی جنگ آزادی کے امور کے وزیر جناب اے کے ایم موزامے حق، بنگلہ دیش کے ہائی کمشنر جناب محمد مستفیض الرحمن، ہندوستانی اور بنگلہ دیشی فوجیوں کے اہل خانہ اور اولاد اور طلباء موجود تھے۔

*************

ش ح ۔ ا ک ۔ ر ب

U. No.313

(Release ID: 1971617)