پولیس کے لئے فائیو جی ٹیکنالوجی کے استعمال پر قومی ہیکتھون ومرش 2023 کا پہلا پروگرام https://vimarsh.tcoe.in کا افتتاح ڈائرکٹر جنرل ، بیورو آف پولیس ، ریسرچ اینڈ ڈیولپمنٹ جناب بالا جی شریواستو نے کیا۔ چیئرمین ٹیلی کوم سینٹر آف ایکسیلیینس جناب اجے کمار ساہو، ڈائرکٹر (جدت کاری)بی پی آر اینڈ ڈی محترمہ ریکھا لوہانی اور سی ای او انڈین سائبر کرائم کوآرڈینیشن سینٹر (14سی) جناب راجیش کمار اس موقع پر موجود تھے۔

وزیر اعظم جناب نریندر مودی کی قیادت اور مرکزی وزیر داخلہ جناب امیت شاہ کی رہنمائی میں ہندوستان کو سائبر اعتبار سے محفوظ بنانا وزارت داخلہ کی اعلیٰ ترجیحات میں شامل ہے۔

بی پی آر اینڈ ڈی سی نے وزارت داخلہ کے سینئر آف ایکسیلنس کو ایم ایچ اے کے اندر فائیو جی ایپلی کیشنز کے استعمال کے لئے منتخب کیا ہے لہذا بی پی آر اینڈ ڈی قانون کا نفاذ کرنے والی ایجنسیوں کو درپیش چیلنجوں اور معاملات کے ازالے کے لئے مطلوبہ آلات اور دیگر سامان کے فروغ کے مقصد سے فائیو جی پر ہیکتھون کا اہتمام کررہا ہے۔ ہیکتھون میں نو پروبلم اسٹیٹمنٹ وضع کئے گئے ہیں اور ڈی او ٹی اپنی ذیلی کمپنی ٹیلی کوم سینٹر آف ایکسلینسز (ٹی سی اوای) کے ساتھ مل کر طلبا اسٹارٹ اپس اور ایم ایس ایم ای کے ساتھ ہیکتھون کے انعقاد کے لئے بی پی آر اینڈ ڈی کے ساتھ کام کررہا ہے۔

ہیکتھون میں آئیڈا اسکریننگ کے تین مرحلے ہوں گے۔ پہلا اور دوسرا مرحلہ ورچوئل طریقے سے ہوگا اور تیسر مرحلہ فزیکل طریقے سے ہوگا جہاں فائیو جی ٹسٹ بیڈ، پرائیویٹ نیٹ ورکس اور لیب دستیاب ہوں گے۔ ہر پروبلم اسٹیمنٹ میں جیتنے والے ایک ایک افراد کو ڈیڑھ لاکھ روپے کا انعام دیا جائیگا۔ اور جیتنے والوں کے کاموں کا اعلان فروری 2024 میں مکمل اجلاس کے دوران کیا جائے گا۔

قابل ذکر ہے کہ ڈھائی لاکھ روپے مختص کئے گئے ہیں جو جیتنے والے آئیڈیاز کو تیاری کے مرحلے میں اور عمل آوری کے لئے استعمال کئے جاسکیں گے۔

*******

ش ح۔رف۔س ا

U.No:247