وزارت خزانہ كے براہ راست ٹیكس كے مركزی بورڈ (سی بی ڈی ٹی) محکمہ انکم ٹیکس کے دفاتر کے اندر سوچھتا پر تیسری خصوصی مہم چلا رہا ہے۔ 2 اکتوبر 2023 سے شروع ہونے والی یہ مہم 31 اکتوبر 2023 تک چلے گی۔

تیسری خصوصی مہم کا تیسرا ہفتہ مكمل ہو چکا ہے اور اس میں مقاصد کے تمام پیمانوں پر نمایاں کامیابی حاصل کی گئی ہے۔ تیسرے ہفتے کے اختتام تک محکمہ نے کل 639 صفائی مہمیں چلائی ہیں جن میں سے 189 مہمات تیسرے ہفتے میں ہی چلائی گئی ہیں۔ مزید یہ کہ اس ہفتے 26,289 غیر ضروری فائلوں کو نمٹا دیا گیا۔ مہم کے آغاز سے اب تک مجموعی طور پر 61,131 مربع فٹ جگہ قابل استعمال بنائی گئی ہے۔ اس کے علاوہ مہم کے تیسرے ہفتے میں 3,435 عوامی شکایات اور 680 عوامی شکایات کی اپیلوں سے نمٹا گیا۔

محکمہ نے مختلف علاقوں میں تیسری خصوصی مہم کے تحت مقاصد حاصل کرنے کے لیے منفرد اور اختراعی طرز عمل اختیار كرنے كی ترغیب دی ہے۔ ان میں سے دو طریقوں کو پہلے ہفتے میں 'بہترین طریقوں' کے طور پر تسلیم کیا گیا اور خصوصی مہم کے ایس سی ڈی پی ایم پورٹل پر رپورٹ کیا گیا۔ دوسرے ہفتے میں بھی محکمہ کی طرف سے دو بہترین طریقوں کی نشاندہی کی گئی اور ان کی اطلاع دی گئی۔

آئی آر ایس افسران نے ایک پسماندہ گاؤں گونگلور نامی ضلع سنگاریڈی، تلنگانہ کو اس کی ہمہ گیر ترقی اور اسے خود انحصار گاؤں بنانے کے لیے گود لیا تھا۔ اس مقصد کے تسلسل میں گاؤں کے بیچوں بیچ کچرے اور گندگی کے ڈھیر كی جگہ كو جو کہ بدبودار بو اور كیڑوں کی افزائش کی جگہ کی وجہ سے دیہاتیوں کے لیے پریشانی کا باعث تھا، جس کی وجہ سے ایك كیڑے سے پیدا ہونے والی بیماریاں گاؤں کے باشندوں کو متاثر کرتی ہیں، مارکیٹ یارڈ کم اسپورٹس اکیڈمی میں تبدیل کر دیا گیا ہے۔ اس نئی جگہ کو اب گاؤں گونگلور اور آس پاس کے دیہات کے باشندے ہاٹ(ہفتہ وار بازار) کے انعقاد کے لیے استعمال کر سکتے ہیں۔ اس اقدام كا مقصد تجارت کے لیے بہتر سہولیات کی فراہمی اور خطے میں اقتصادی سرگرمیوں کو تقویت فراہم کرنا تھا۔ اس کے علاوہ یہاں کرکٹ نیٹ، بیڈمنٹن اور والی بال کورٹس اور بچوں کے کھیل کے میدان جیسی مختلف سہولیات بھی تیار کی گئی ہیں۔ یہ سہولت گاہیں گاؤں والے خود چلاتے ہیں۔ یہ کوششیں تیسری خصوصی مہم میں محکمے کی طرف سے پیروی کرنے والے بہترین طریقوں کا حصہ ہیں۔

سی بی ڈی ٹی خصوصی مہم کے تحت اپنی کوششوں کے بارے میں عوام کو آگاہ کرنے کے لیے سوشل میڈیا کا فعال طور پر استعمال کر رہا ہے۔ انکم ٹیکس ڈیپارٹمنٹ کے آفیشل سوشل میڈیا ہینڈلز، پرنسپل چیف کمشنر ریجنز کے علاقائی ہینڈلز اور نیشنل اکیڈمی آف ڈائریکٹ ٹیکسز  کے ذریعے ایكس (پہلے ٹویٹر کے نام سے جانا جاتا تھا) پر تیسرے ہفتے میں 138 سے زیادہ ٹویٹس پوسٹ/دوبارہ پوسٹ کی گئی ہیں۔ اس كا مقصد سوچھتا مہم کے لیے بیداری کو فروغ دینا ہے۔ اس مہم کو محکمے کے دیگر سوشل میڈیا پلیٹ فارمز پر بھی تقویت بخشی گئی ہے۔

سی بی ڈی ٹی اب تیسری خصوصی مہم  کے آخری ہفتے میں داخل ہو رہا ہے اور اس کا مقصد مہم کے اختتام تک زیادہ سے زیادہ نشانے پورا کرنا ہے۔

******

U.No:177

ش ح۔رف۔س ا

(Release ID: 1970470) Visitor Counter : 88