کے اے ایم پی نے سی ایس آئی آر-این آئی ایس سی پی آر کے اشتراک میں طلباء کے لیے موٹے اناج کابین الاقوامی سال منانے کی خاطر علم کو مشترک کرنے کے لیے ایک اجلاس منعقد کیا۔ یہ خصوصی تقریب 2023 کو جوار کے بین الاقوامی سال کے طور پر منانے کے لیے فوڈ اینڈ ایگریکلچر آرگنائزیشن (ایف اے او)کو ہندوستان کی کامیاب تجویز کے اعتراف میں منعقد کی گئی تھی۔مذکورہ اجلاس کا مقصد طلباء کو زراعت، تغذیے اور پائیدار ترقی میں باجرے کی اہمیت کے بارے میں آگاہ کرنا تھا۔

اس اجلاس  کی میزبانی (آؤٹ ریچ کوآرڈینیٹر،کے اے ایم پی) جناب انیکیت اروڑہ  نے کی، جہاں انہوں نے سی ایس آئی آرکے نیشنل انسٹی ٹیوٹ آف سائنس کمیونیکیشن اینڈ پالیسی ریسرچ کی پرنسپل سائنسداں ڈاکٹر چارو لتا کا خیرمقدم کیا، جنہوں نے 5ویں سے 12ویں جماعت کے 500 سے زائد طلباء سے خطاب کیا ۔ پورے ہندوستان میں. اس ورکشاپ کا مقصد طلباء کو باجرے کی جامع تفہیم فراہم کرنا تھا، جس میں ان کی تعریف، ہندوستان میں تاریخی اہمیت ، متنوع اقسام، فوائد کی ایک صف، اورمختلف طریقوں کا احاطہ کیا گیا تھا۔

اس بصیرت افروز ورکشاپ کے دوران، ڈاکٹر چارو لتا نے  موٹے اناج  کے تعلق سے گہرائی سے کی گئی ایک تحقیق فراہم کی، جس سے طلباء  اناج کے تاریخی، ثقافتی، غذائیت، اور پائیدار پہلوؤں سے باخبر ہوئے ۔ اس نے نہ صرف ان کے علم میں اضافہ ہوا بلکہ انہیں خوراک اور زراعت کے منظر نامے کے ایک اہم حصے کے طور پر موٹے اناج کو اپنانے کی ترغیب حاصل ہوئی ۔ ورکشاپ نے موٹے کے بین الاقوامی سال اور 21ویں صدی میں  متعلقہ اناج کے پائیدار استعمال کو فروغ دینے کے لیے ایک تعلیمی پلیٹ فارم کے طور پر بھی کام کیاہے۔

جناب انیکیت اروڑا نے طلباء اور اساتذہ کو اس سال مختلف سی ایس آئی آر لیبز اور آئی ایس آر او یعنی اسرو  مراکز میں کے اے ایم پی کے زیر اہتمام منعقد کیے جانے والے سائنسی سیروتفریح  کے آئندہ پروگرام اور اساتذہ کی تربیت کے پروگرام کے بارے میں بھی آگاہ کیا۔

سی ایس آئی آر-این آئی ایس سی پی آراور کے اے ایم پی  کے بارے میں:

بھارتی حکومت کے سائنس اور ٹیکنالوجی کی وزارت کے تحت سی ایس آئی آر –نیشنل انسٹی ٹیوٹ آف سائنس کمیونی کیشن اینڈ پالیسی ریسرچ (سی ایس آئی آر-این آئی ایس سی پی آر سائنسی اور صنعتی تحقیق کی کونسل کی جزوی تجربہ گاہوں میں سے ایک ہے۔ یہ سائنس کمیونی کیشن، سائنس، ٹیکنالوجی، اور انوویشن(ایس ٹی آئی) کے شعبوں میں مہارت رکھتا ہے جو ثبوت پر مبنی پالیسی تحقیق اور مطالعات پر مرکوز ہے۔

علم اور آگاہی کی نقشہ سازی کا پلیٹ فارم سائنسی اور صنعتی تحقیق کی کونسل(سی ایس آئی آر)- نیشنل انسٹی ٹیوٹ آف سائنس کمیونی کیشن اینڈ پالیسی ریسرچ (این آئی ایس سی پی آر) اور صنعتی پارٹنرایم/ایس نائسا کمیونی کیشن پرائیویٹ لمیٹڈ (این سی پی ایل)کی ایک پہل اور علمی اتحاد ہے۔یہ تخلیقی صلاحیتوں، بامعنیٰ سیکھنے، تنقیدی لحاظ سے پڑھنے اور سوچنے کے ہنر کو فروغ دیناچاہتی ہےتاکہ طلباء کی فطری صلاحیتوں کو سامنے لایاجاسکے۔

*************

ش ح ۔ش م۔ ج ا

U. No. 146

(Release ID: 1970167) Visitor Counter : 71